الوحام ذبحني ..

**جــ ورد ــوري** · 2009-05-27, 08:22

شحالكم سيدات الإمارات ،، عساكم بخير و صحة و عافية ..
و شحالكن حوامل ،، الله يقومكن بالسلامة انشالله ..

بغيت أستشير كل وحدة عانت من الوحام فترة الحمل ،،
أنا الحين في الشهر الثالث و الحمد لله و هذا حملي الثاني ..
لكن المشكلة ردت لي مرة ثانية .. .. ..

مشكلتي اني ما أقدر آكل أبدا .. كل ما أفكر مجرد تفكير اني آكل ،،
على طول أرجع (عزكم الله) لدرجة اني صرت أرجع دم !! !! !!
بليييييز .. اللي عندها حل للمشكلة من تجربة سابقة ،،
أو سامعه عن دكتورة شاطرة ممكن تفيدني .. .. ..

.. أختكم جــ ورد ــوري ..

المزيد من آخر المواضيع من نفس القسم:

**جــ ورد ــوري** · 2009-05-27, 08:57

up UP up

**روح البدر** · 2009-05-27, 09:00

اختي ... حاولي تبتعدين عن الأكل اللي فيه بهارات قوية والأشياء الحارة
كلي الأشياء اللي تحبينها وما تسبب لج لوعة
الفواكه والخضروات احسن شيء ومريح للمعدة
الحمدالله ما لاعت جبدي من الفواكه والخضروات بس تميت شهر ما آكل اللحوم بأنواعها
وحبيت الحامض والمالح
بس اذا عندج حموضة خذي الدوا قبل لا تاكلين عشان ماتزيد عليج فأكل الموالح او الاشياء الحارة
والله معاج .. انا ماخف عني الوحام إلا لما دخلت الرابع ( نص الرابع ) والله كريم

**جــ ورد ــوري** · 2009-05-27, 09:08

مشكوره يا قلبي على الرد .. بس المشكلة اني ما أقدر آكل أصلا ..
يعني ما برقد و لا برتاح الا اذا طلعت كل اللي في بطني

**كنه الشامسي** · 2009-05-27, 09:09

الغالية جربي الزنجبيل .... اقصد الطري خلي قطعه في ثمج دايما ...

**طيف ابتسامه** · 2009-05-27, 09:18

نصييييييييحه داومي على الزنجبيل

يعني خلي مقدار 1 جرام يوميا تقسمينه على 4 مراحل ف اليوم

وانتي والخير ارباعه ان شاء الله

شربيه ويا حليب ولا حطيه في الاكل او تقرضينه صح حار بس والله وايد مفيد انا يوميا اسمع عقب صلاة المغرب في قناة ابوظبي للقرآن شيخ يتكلم عن الزنجبيل ورككككككككككز على الوحام والترجيع والغثيان اثناء الحمل

حتى قال الطفل يولد جميل سبحان الله

الله يكون في عونج

**ريم يفالي** · 2009-05-27, 09:20

الله يهوّن عليج الوحام

والله حاسة فيج ...

بس الزنجبيل تغلينه مع ماي وشوي سكر وتشربينه يخفف من اللوعة ..

بعدين كلي تفاح .. لا تقولين ماقدر .. حتى لو ترجعينه مب مشكلة .. لانه المعدة الفاضية اكثر تسبب لج لوعة وغثيان .. حالتج مثل حالتي .. انا طول فترة وحامي اكل تفاح ههههههه لين غديت تفاحة

وفيه بعد حبوب تعطيج اياه الدكتورة تاخذين منهن قبل الاكل بربع ساعة ... وايد زينات .. بس للأسف ماذكر اسمهن

**om_ahmed** · 2009-05-27, 09:56

حبوبه وحامج بزياده روحي عند الدكتوره بتعطيج حبوب

**جــ ورد ــوري** · 2009-05-27, 10:40

مشكوريين ،، و جزاكم الله خير ..
المشكلة اني في حملي الأول كنت آخذ ابر عند د.عفاف و الحين مترددة
آخذها لأنهم قالوا الإبر مب زينه !! !! !!

تنصحوني أروح عند أي دكتورة ؟؟ !! ؟؟

**ورحل الغالي** · 2009-05-27, 10:43

سلامات ماتشوفين شر.... الخوات ماقصرن

**fashions** · 2009-05-27, 10:59

أشين فترة بالحمل الوحاااااااااام

احتسبي الأجر ياقلبي .. كلها فتره وتعدي ان شاء الله .. وانتي الاهل بالشهر الثالث يعني مابقى شي على الوحام بيبدأ يخف .... ربي يهون عليك

**ام ميروه** · 2009-05-27, 18:07

في حبوب مخصصه حق الحوامل عشان اللوعه خذيهاا .. وحاولي دايما ماتخلين معدتج خاليه حتى لو ترجعين كلي فواكه سلطات سندويج جبن .. اي شي خفيف ترى اذا تمت المعده خاليه اتزيد اللوعه وتنسد نفسج عن الاكل

**حليلي أغمـض** · 2009-05-27, 18:24

الزنجبيل زين للحامل؟؟؟؟؟؟؟؟؟؟؟؟؟ عيل قالوا لي انه حار وعادي يسبب الاجهاض
واذكر مرة ضربني الزجام (( الزكام)) وكنت اشربه مع الشاي وصار لي نزيف بس ما كنت اعرف من الحركة الزيادة او الزنجبيل
بس بعدين قالوا لي لا تشربين زنجبيل وأنتي حامل؟؟؟؟؟؟؟؟؟؟؟؟؟؟؟؟؟ افيدوني بصراحة احترت؟؟؟؟

**أنا مسلمه** · 2009-05-27, 18:26

فعلا الزنجبيل وااايد مفيد .. انا هو بفضل الله خووز الوحام ..

لان هالحمل حتى الدوا مافادني ..

انتي يربي الدوا .. الدكتوره ماريان شاطره ^.^ في مركز الامير الطبي

**سفيرة الفقراء** · 2009-05-27, 18:31

انا بعد لوعة تمسكي طول اليوم مرة تروح ومرة ترجع تعبت والله ..

ماعرف كيف امهاتنا الله يحفظهم تحملونا.,

الموضوع: الوحام ذبحني ..

أدوات الموضوع

عرض