دراسة الماجستير

**absd** · 2009-05-25, 11:06

خواتي العزيزات ، بغيت مساعدة لوسمحتن ، أنا حابه إن شاء الله أكمل دراستي وآخذ الماجستير في أمريكا ، بس للأسف أنا أول مرة أروح هناك وماعندي فكرة عن المكان وشو الجامعات المناسبة لي وشو شروطهم للقبول .... أنا تخصصي علم نفس وناوية إن شاء الله تكون رسالة الماجستير عن شي يخص علم النفس أو الخدمة الاجتماعية.

المزيد من آخر المواضيع من نفس القسم:

**absd** · 2009-05-25, 13:48

ماشالله عليكن ولا وحده عطتني ويه...
بليز يا بنات اللي تدرس في امريكا او عندها أي فكرة عن الدراسة هناك ترد عليه أو تدلني على حد يقدر يساعدني

**فجر الندى** · 2009-05-25, 13:59

اختي هذا يعتمد عالمكان الي بتسيري ليه وهل بحسابج ولا من منحة؟
وبعدين شو التخصص الي تبينه كل تخصص ليه متطلبات للقبول
ححدي هدفج والمبلغ وبعدين دوري في النت وراسليهم واستفسري وايد عن كل شي واهم شي الاستخارة وبعدين قدمي في حال القبول شدي حيلج في الدراسة والسموحة اختي اتمنى فتدج بس لأني ما اعرف وين بتسيري وشو التخصص الي تبينه........

**absd** · 2009-05-25, 14:09

مشكوره الغالية على ردج واهتمامج .... أنا صراحة ما اعرف وايد عن المناطق الأمريكية بس ريلي بما إنه عاش هناك فترة نصحني أدور جامعة في ولاية كولورادو لأنها بعيدة عن المدينة وفيها الطبيعة ويسكنها عدد كبير من العرب ، يعني ما بحس هناك بالغربة ، ف حاولت ادور في النت عن الجامعات هناك والشروط بس ما توفقت ف قلت اسألكن يمكن أحصل وحده تدرس هناك ، وبخصوص التخصص فأنا مثل ما قلت قبل تخصصي علم نفس ، ومتى ما اخترت الجامعة بشوف عاد شو التخصصات اللي تطرحها الجامعة لدراسة الماجستير وتكون تتفرع من علم النفس أو الخدمة الاجتماعية

**مهرره** · 2009-05-25, 22:50

الله يوفقج up up up

**absd** · 2009-05-26, 11:46

يزاج الله خير أختي ، واتمنى مشاركة باقي البنات

الموضوع: دراسة الماجستير

أدوات الموضوع

عرض