مشكلة ولدي المتن:(

[جوهرة111]

خواتي الغاليات ممكن بس اتساعدوني والله واااااااايد خايفه واحاتي ولدي ماشاءالله عليه دبدوب عمره 9 سنوات و وزنه 55 شو اسوي وين اودي مب قادره اضبط له الاكل ياكل من وراي ومب طايع يمشي
ساعدوني شو اسوي وين اودي ,,والله الي بتساعدني بدعيلها من خاطري لان قلبي يالس يحترق على ولدي خايفه عليه من الامراض بسم الله عليه
ارجووووووووووووووووكم ساعوني لاطنشوني بارك الله فيكم

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[فجراويه عسل]

هلا حبيبتي اخذيه عند اخصاائي تغذيه وهو بيعطيه برنامج وانتي حاولي تسووين له

[دانية..]

صعب بهالعمر كتير تسيطري على اكله
بس ممكن انتي تحضريله دايما وجبات صحية
ولو اضطر الامر خلي اكل البيت كله صحي بسبته
امنعي دخول الحلويات والشيبسات عالبيت
وراقبي مصروفة
واهم شي تخليه يمارس نشاط رياضي
سجليه بنادي او دورة
سباحة. كاراتيه, كرة قدم, كرة سلة.........
كتير في رياضات حلوة وبيحبوها الاولاد بهالعمر
صدقيني اختي يمكن تتعبي معو ويتعب هو كمان
بس ضروري لصحته تلحقيه
وهو رح يشكرك بعدين لانك قسيتي عليه وحرمتيه
الله يوفقك

[ميمي الشقية]

اختي ماشي دكتور تغذيه بيقبل انه يسويله رجيم لانه صغير في العمر لكن اقدر اساعدج بهالنصايح:

امنعوا الحلويات من البيت و خلوها مره في الاسبوع ويكون في زياراتكم العائليه

اترسي الثلاجه فواكه(الانواع الي هو يحبه)

خلي اكلكم في البيت صحي كثروا من السمج و قللوا الزيت

امنعيه منعا باتا من المقالي و خليها مره في الشهر

امنعي البيت كله من المشروبات الغازيه

اذا كان ياكل من برع اقنعيه انه ماشي غير مره في الاسبوع و علميه شو الاختيار الصحيح

اشتريله اذا امكن لعبة wii فيه العاب رياضيه منها يمارس رياضه و منها يلعب او وديه نادي يتريض

عطيه الثقه بالنفس انه حلو وانه اذا مارس الرياضه بيصير اصح و احلى

لااااااااااااااااااا تقسين عليه وايد لانه اكيد هو بروحه يعاني من مصخرة ربعه عليه حتى لو ما جالج هالشي

خليه يكون الرجيم جماعي حتى ما يحس انكم حارمينه من شي يالسين تاكلونه

الله يحفظ ولدج و اولاد المسلمين من كل شر

[قيوانيه11]

هلا حبيبتي انا عندي نفس المعاناه في البيت بس اخووووووووووووي بعد عمره 9 سنين ووزنه 50 كيلو وتعبنا وياه انا واميه وماشي فايده الي في راسه ايسويه وياكل من ورانا لدرجت اني اكتشف قراطيس الكافي خاليه في كبته وما اعرف كيف اقنعه انه هالشي خطر ههههههههههههه ويوم اقوله يقولي شوفي عمرج لاني انا بعد دبه انا الحين اسوي رجيم حق عرسي واقوله سوي وياي ماشي فايده ..............الله يعينا انشالله

[جوهرة111]

هلا حبيبتي انا عندي نفس المعاناه في البيت بس اخووووووووووووي بعد عمره 9 سنين ووزنه 50 كيلو وتعبنا وياه انا واميه وماشي فايده الي في راسه ايسويه وياكل من ورانا لدرجت اني اكتشف قراطيس الكافي خاليه في كبته وما اعرف كيف اقنعه انه هالشي خطر ههههههههههههه ويوم اقوله يقولي شوفي عمرج لاني انا بعد دبه انا الحين اسوي رجيم حق عرسي واقوله سوي وياي ماشي فايده ..............الله يعينا انشالله

والله العظيم نفس المشكله الكاكاو احصل القراطيس فالكبت وراه التلفزيون

[الذربة]

غيري نظام الأكل في البيت كله .. لأن إنتي وأبوه تعتبرون قدوة له .. لا تحسسينه إنه هو غير عنكم ..

اعتمدي في أكل البيت على الأكل قليل الدسم .. كل شي اشتريه قليل أو خالي الدسم .. الحليب .. الأجبان .. إلخ .. ولا تشترين الأشياء اللي تسبب المتن .. مثل الجام والعصاير .. اشتري الخبز الأسمر بدال الأبيض ..

الحلويات سويها في البيت .. و سوي الأشياء الخفيفة .. يعني كيك خفيف بدون سكر زيادة وبدون إضافات ما لها معنى .. دوري وصفات لحلويات قليلة الدسم وطبقيها ..

الريوق والغدا والعشا نفس القصة .. اعتمدي على الأكلات الصحية .. بدون زبدة وبدون قلي وبدون صلصات .. عندج ألف طريقة وطريقة لأكلات صحية ولذيذة.. مشاوي وغيره ..

دخليه نوادي .. خاصة الحين في الصيف عشان يتحرك .. الأولاد ما يحبون المشي .. ممل وااايد بالنسبة لهم .. خليه يتعلم كاراتيه ولا سباحة .. إسأليه هو شو يحب ..

الحل في إيدج إنتي .. ولدج بعده صغير .. وإنتي المسئولة عنه .. وأهم شيء نفسيته .. لا تقعدين تذكرينه بإنه متين كل شويه .. ولا تهزبينه عالأكل .. شجعيه عالأكل الصحي بإنج تشرحيله .. لا تقوليله كل فواكه .. لا .. اشرحيله ليش الفواكه مفيدة للجسم .. ولا تتوقعين من أول مرة بيقتنع .. يبغيله الموضوع صبر ..

والله يعينج ...

[جوهرة111]

غيري نظام الأكل في البيت كله .. لأن إنتي وأبوه تعتبرون قدوة له .. لا تحسسينه إنه هو غير عنكم ..

اعتمدي في أكل البيت على الأكل قليل الدسم .. كل شي اشتريه قليل أو خالي الدسم .. الحليب .. الأجبان .. إلخ .. ولا تشترين الأشياء اللي تسبب المتن .. مثل الجام والعصاير .. اشتري الخبز الأسمر بدال الأبيض ..

الحلويات سويها في البيت .. و سوي الأشياء الخفيفة .. يعني كيك خفيف بدون سكر زيادة وبدون إضافات ما لها معنى .. دوري وصفات لحلويات قليلة الدسم وطبقيها ..

الريوق والغدا والعشا نفس القصة .. اعتمدي على الأكلات الصحية .. بدون زبدة وبدون قلي وبدون صلصات .. عندج ألف طريقة وطريقة لأكلات صحية ولذيذة.. مشاوي وغيره ..

دخليه نوادي .. خاصة الحين في الصيف عشان يتحرك .. الأولاد ما يحبون المشي .. ممل وااايد بالنسبة لهم .. خليه يتعلم كاراتيه ولا سباحة .. إسأليه هو شو يحب ..

الحل في إيدج إنتي .. ولدج بعده صغير .. وإنتي المسئولة عنه .. وأهم شيء نفسيته .. لا تقعدين تذكرينه بإنه متين كل شويه .. ولا تهزبينه عالأكل .. شجعيه عالأكل الصحي بإنج تشرحيله .. لا تقوليله كل فواكه .. لا .. اشرحيله ليش الفواكه مفيدة للجسم .. ولا تتوقعين من أول مرة بيقتنع .. يبغيله الموضوع صبر ..

والله يعينج ...

والله احاول بس يغفلني وبذات يوم يسير بيت امي,, دوم يتصل حق الكفتيريا بدون ما ادري بس انا قايله حق راعي الكفتيريا لاتيب له شي يوم يتصل

[جميلتي]

حبيبتي خلي يلعب كورة ولا اي رياضه ويا عيال الحاره

او سجليه بالصيف في نادي السباحه

ها احسن شي ^^ العيال يحبون اللعب جذيه بيلعب وبيضعف بنفس الوقت

[مريم_1990]

اختي العزيزة انا اخوي كان وزنة 69 وعمرة 10 سنوات اخذتة عند مركز متخصص بعجمان وسويولة ريجيم ونزل الحمد اللة بقي وزنة 40 في شهرين وشهيتة بعد ماكانت شرهه بقيت طبيعية ونشاطة وايد زاد

[موني بوظبي]

اغلب عيالنا ما متنوا الا من ورا هالمطاعم اذا ولدج ياكل من المطعم امنعيه و حطي الفواكه دايماً قدام عينه عشان لو كان يوعان بيمد يده وبياكل الفواكه

[جوهرة111]

تسلمون خواتي الغاليات كل وحده ردت عليه الله يعطيها الف عافيه ويعطيها الي بقلبها

["شموخ"]

الله يعطيه العاافيه وينزل وزنه بعافيه والبنات ماشاء الله ماقصرن

[جوهرة111]

الله يعطيه العاافيه وينزل وزنه بعافيه والبنات ماشاء الله ماقصرن

فديت خواتي هذول دومهن عون وسند

[KFK-GRL]

اشتريله كل شي دااااااااااااااايت
مثل كل شي اسمر ودااايت

وحاولي انج تسويله عزيمه كل اسبوع تقوليييين حقه
انا كل جمعه بعزمك على مطعم تحبه فاست فود

بس بشرط انك لاتاكل حلوياااات ومقاااالي

حاليا اجاااازه وحاااولي تستغلين هالفتره

مثلا كل شي مشوي نقانق همبر غر
نودلز على العشاء
وروحي امشي وياه على البحر
اشتريله سيكل
وجي


والله يحفظه يارب