شو الحل ويا امي؟

[الحلم الاخير؟]

مرحبا خواتي عساكم بخير

مشكلتنا ويا امي الله يهديها ويطول بعمره امين يارب عندي اخوي خاطره في وحده شافها فالبنك ومن متى حاشر امي ع هالسالفه بس امي ررااااااااافضة وبقوة وابوي اذا امي وافقت هو بيوافق واحين اخوي اكثر من 4 اشهور وهو يكلمها يبغي حل عشان امي توافق وهي هب راضيه لان تباه يتزوج بنت خالتي وهو مايباها؟؟؟؟؟؟؟؟؟؟

بيغت الحل من عندكن يزاكم الله خير

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[الحلم الاخير؟]

وع فكرة خواتي من اسبوع تقريبا بادي يقرا سورة البقرة
عشان هالموضوع وربي يوفقه

[جروحي تفداج]

الله يعينكم بصراحه مشكله الاهل والله يضايقوون بالواحد بدون لا يدرون

بصراحه انا اعاني من هالسالفه والله يهديهم ويهدي اهلناااا خل يحن عليهم طوول الوقت وخل يقرا ويدعي فالقيام واايد

[الحلم الاخير؟]

والله انه ايحن يا اختي ومحتشر عليهم بس امي الله يهديها
واحسه بيتعب من التفكير

[عالية الغالية]

لازم يصر ع موقفه

ويقول اما هذي والا فلا

واذا خذت بنت خالتي مابترتاح معاي لاني ما بكون حاس فيها

يعني حياتها بتكون جحيم وما بترتاح معاه


لازم انتوا بعد تقنعونها وتمدحون في البنت جدامه يمكن قلبها يحن

والله يوفقه

[بنت الفلاني]

الله يعينه

[alasi]

الله يهديهم الأهل...متى بيفكرون صح ... نصيحه خلي أخوج يصر على رأيه و ما ياخذ بنت خالته دام أنه ما يباها...لأنه هالزواج محكوم عليه بالفشل من البدايه (نهايته معروفه الطلاق)... و إذا لا قدر الله صار عندهم عيال بيكونون الضحيه... وايد ناس أعرفهم أهلهم جبروهم على شي ما يبونه و كانت نهايته الطلاق و تشتت اليهال...

[Hno0odah]

الله يهدي امج يارب
ويرزقه على كل نيتج

[beby kyooot]

اتمنى اذا بياخذها ياخذولهم بيت ابروحهم عسبت ماتستوى مشاكل
بعدين اذا هو عندكم الوحيد فيمكن امج ماتحس انها بتاخذه عنها

[MAHA21]

ما يصير جي حاولي تقنعينها وبعدين بنت خالج تبغي اخوج خل حد يوصل لها بطريقة ان هو ما يميل لها وف خاطره وحده غيرها عشان هي بروحها ترفض لو امج اصرت

والله حرام يعنييروح معاها بالحرام ولا يزوجها ويستر عليها وع روحه

ولا يبهدل بنت خالج ع الفاضي يعيش معاها بعلاقة رسمية بدون حب وميل لها

[دلوعه فزاع]

صدقيني حبوبه زواج الاجبار وبالذات لومن الاهل نهايته الطلاق لانه بتكون مشاكل وعدم تقبل الريال للحرمه والله يعينه ويهدي امج يارب العالمين وانتي حاولي مع الوالده ويارب يارب ياخذ البنت اللي يبغيها ويحبها يارب العالمين مع احترامي لبنت خالتج بس هذا زواج ومشاعر

[أم سعيد 15]

الله يعينه

[زم_قمر_ان]

خوفى الوالده الله يحفظهاا

قولى يمكن لو مازوجناه بيروح للحرام لو سمح الله

ولا بيتزوج من وراناا

الله يهدى الوالده ويسخر لاخوج الى فيهاا الخير

[هنوده الشامسي]

الله يعينه

بس خليه يدعي ويحن ع امج الله يطول بعمرها والحن بيفيد ويقول ماريد غيرها وانشاءالله توافق

والسموحه

[الحلم الاخير؟]

يزاكن الله خير
والله هو حاشر امي وايد وامي اذن من طين واذن من عجين ما ادري ليش ؟!
والمصيبه بنت خالتي تبا اخوي واخوي والله مايباها وهو يقول حق امي انه مابيكون سعيد وياها ولا بيرتاح وحرام يكون قلبه عنده وحده وحرمته مايهتم فيها هو خبر امي؟ بس امي الله يهديها
واكيد بياخذلها بيت اروحه وهو اصغر واحد من اخواني بس عمره 26 ؟؟؟