الزواج من متزوج

[اسمهايت]

هلا بنوتات
يمكن موضوعى ما يعجب الكثير لكن حبيت انى اطرحه بس بليييييييييييييز ما بي انتقادات وكلام قاسي لانه مجرد مناقشه
كثير حريم يفضلون العشيقه على انه الريال يتزوج عليها
انا مطلقه واعرف انه اذا بيتقدم لى احد الا يكون متزوج او مطلق الا اذا كان فيه نصيب لريال مو متزوج سبحان الله لكن خلنا نكون واقعيين وادري انه شي صعب على وحده انه ريلها يتزوج عليها
بنات انا فيه واحد من الاهل يبينى وهو متزوج وعنده عيال والى اعرفه انه مو مرتاح مع زوجته من زمان وهو دوم يقول يبي يتزوج ويوم انى تطلقت قال انه يبينى المهم انا اصلا ما ابي اتزوج انسان متزوج لانى دوم احط حالى مكان الزوجه وما بي اخرب بيت وحده او احطم قلبها بس بنات فيه اسئله كثيره محيرتنى وهي
1-شو السبب الى يخلي الريال يتزوج؟بتقولون انه مو مرتاح مع زوجته او فضاوه على فكره اكيد فيه سبب الريال عمره ما يفكر انه يعرس ويخسر وييب لعمره مشاكل مع زوجتى الا انه يكون فيه سبب انا ما اقول انه يمكن من زوجته بس اكيد فيه سبب
2-دام انه بيتزوج وصمم ليش ما ياخذ احسن من بنت البلاد يعنى وانا ادرى انه صعبه على الوحده لكن مو احسن من انه ياخذ من برا
3-فيه ريايل مثلا كانوا يبون يتزوجون وحده من الاهل كان يحبها لكن كان فيه مشاكل او اسباب تمنعه ويتزوج غيرها ويوم حصل الفرصه وعرف ان كل شي بيكون في صفه تقدم لها وبيتزوجون هل بترضين تعيشين مع واحد عرفتى انه بعد هالعشره ما نسى حبه القديم ؟؟
ادري كلامى كثير ومو متوزان بس فعلا كثير صاروا يتزوجون من ثانيه وثالثه وهم اصلا ماكملوا مع الى قبلها سنه حتى؟؟؟
هل زواج الرجل من اخرى لصالح زوجته ؟؟؟سالت كذا حرمه زوجها تزوج عليها قالت في البدايه تعذبت بعدين حسيت براحه على الال صار مو لازق فيني 24 ساعه صار لى حريه شويه حتى لو كانت يوم
مادري انتوا شو رايكم بنات وحريم؟؟؟؟؟
وفيه بعد بنات كثير يتزوجون من متزوج وتكون هذه اول زواجه لها تقول ان ماخذنى بياخذ غيري واحسن ما اعنس واقعد عند اهلى وصدق بعدين ما باخذ غير يا متزوج او مطلق

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[مزمزنه]

اسألي زوجته اذا كانت راضيه كان بها ..............يعني لا تتزوجون بالدسه .... لازم زوجته تعرف كل شي و اذا وافقت ما في اي مشكله ...........بس لو كنت انا بدالها عمري ما بوافق

[اسمهايت]

تسلمين اختى عالرد

[ام شوق وعزوز]

أنا بقولج شي كان عندي ربيعتي تحبني واحبها مثل الخوات تخيلي أنا عمري كان 18وأهيا 28أنا دم يقولولي أنتي لبنانيه من جمالي وهي دبه وسمرا وقصيره تخيلي ريلي كان يبغي يتزوجها وهي وافقة وكان يقوللها عني ياهل وابا وحده كبيره وتدرين انا ماكنت اكل ولا أرقد بس اصلي وادعي عليه وعليها وانا ماأذيتها كانت بتخرب حياتي بحجة أنها بتعنس كنت اقوللها أنا بتطلق وانتي عن تعنسين لين ما يتلها مصيبه مادري من وين وريلي وحليله نفس الشي كل يوم مضارب ويا أحد والحمدلله أنا لين هاليوم وانا أدعي عليها وماراح اسامحها وهذي الرمسه صارلها ثلاث سنين أنا ويا الاخت لاتاخذينه الا يوم حرمته توافق اذا هو صدق مامرتاح اكيد هي مامرتاحه ويمكن ترضى .

[ضمة طفل]

اختي ,,

اسئلو عن الريال اذا راعي دين واخلاق وصليتي استخاره وارتحتي توكلي عالله ,,هو جيه ولا جيه شكله بيعرس لانه مب مرتاح ,,

وبلا كلام فاضي .. شو الي اسئلي حرمته ؟!!! الشي هذا لازم يكون من ريلها ريلها يقولها انا بعرس مب انتي تروحين تقولين لها والله ريلج تقدملي !!!!!

والله يقدم لج الي فيه الخير ويستر عليج وعالجميع ,,

[قمـآري }..]

اختي ,,

اسئلو عن الريال اذا راعي دين واخلاق وصليتي استخاره وارتحتي توكلي عالله ,,هو جيه ولا جيه شكله بيعرس لانه مب مرتاح ,,

وبلا كلام فاضي .. شو الي اسئلي حرمته ؟!!! الشي هذا لازم يكون من ريلها ريلها يقولها انا بعرس مب انتي تروحين تقولين لها والله ريلج تقدملي !!!!!

والله يقدم لج الي فيه الخير ويستر عليج وعالجميع ,,

صح كلامج ..
بس لازم الحرمـه اتكون على علم بالموضوع ،، طبعا مب هي اتروح واتخبرها ..
لا ريلها ابنفسـه ايخبرهـا ..

وبخصوص إن ليش الريال يبا ايعرس على حرمتـه وهو مرتاح اوياها ..
هذا مب سؤال .!
محد يعلم غير رب العباد ،، ولا ليش حلل له هالشـي سبحـانه .!؟

[اسمهايت]

تسامون خواتى عالرد وما قصرتوا واخته قالت لى من يومين هو ناوي يطلق مرته

[♥ღ♥]

تسامون خواتى عالرد وما قصرتوا واخته قالت لى من يومين هو ناوي يطلق مرته

يطلق مرته ونتي مطلقة ؟؟ ماتخافين ينعاد الموال ويطلقج؟ سواء يحب مرته او يكرهها ، الريال العوي دووومه عوي الله يعينج لاتسرعين عشان ماتحملين لقب مطلقة للمرة الثانية؟؟
فكري بالعيال الي بتشتتينهم!! لاتقولين عند امهم ؟ وشو مرتاح ومب مرتاح مع مرته الحين عرف عقب ماياب عيال؟ شوفي المتزوجين عشان يقصون على الحرمة الي يبونها للنزوة فقط يقولون اله هالكلام ، الشرع حلل 4 بس بالعقل وبدون مشاكل من طلاق وتشتيت عيال وغيره
وبعدين لاتكونين انتي السبب في طلاقه لأن الدنيا دواره

والله يوفقج

[أم حتوس]

الله المستعان لا تبنين سعادتج على حساب غيرج

[راعية_دبي]

استخيري احسن شي يمكن يطلع زين

لانه احيد عندي ربيعتي خذت متزوج واتعذبت واطلقت

[اسمهايت]

اختى هو ما راح يطلقها عشانى انا وانا عمرى ما راح ابني سعادتى على تعاسه انسانه ثانيه وانا وحده حسيت بمرارة الطلاق واكيد بفكر مليون مره وبصلى الاستخاره لانى ما ابي احمل لقب مطلقه للمره الثانيه

[المستشارة75]

هلا اختي

الموضوع مهم جدا

والرجل لما يتزوج صحيح يكون مش مرتاح مع زوجته الأولى

لكن ليش ماتكون من بينهم الصراحة

ليش مايصارحها بالأشياء اللي يريدها تغيرها

بعدين لاتنسين اختي حاليا البنات اللي يركضن ورا الرياييل

الله يعينا

شو بقول بعض البنات مايخافن الله

والله يصبر كل وحده تزوج عليها زوجها

وعلى فكره كل وحده اتزوجت ريال متزوج مش مستانسه معاه

لأنها تموت من القهر لما يروح للزوجه الأولى

بعدين الريال اللي تهون عليه زوجته الأولى ام العيال

اكيدد بتهون عليها الثانية وبعد بيتزوج عليها

[U]نصيحه::اللي تريد تعيش مرتاحة لاتتزوج ريال متزوج[/

U]

[ميسون@]

حبيبتي بقولج شي بس لاتزعلين ليش اني فكرت بعيااالج فديتهم حبيبتي انا اشوف لو تقعدين تربين عيالج احسن لج بدال ما تيبين لهم زوج ام يربيهم فكري فيهم قبل ما تفكرين بنفسج
والسموحه منج .

[فديتك_أنا]

اختي ,,

اسئلو عن الريال اذا راعي دين واخلاق وصليتي استخاره وارتحتي توكلي عالله ,,هو جيه ولا جيه شكله بيعرس لانه مب مرتاح ,,

وبلا كلام فاضي .. شو الي اسئلي حرمته ؟!!! الشي هذا لازم يكون من ريلها ريلها يقولها انا بعرس مب انتي تروحين تقولين لها والله ريلج تقدملي !!!!!

والله يقدم لج الي فيه الخير ويستر عليج وعالجميع ,,

مافيها شي ,, بس حاولي ويا اهله يقنعونة انه ما يطلق الاولى حرام يتشتتون العيال,,, الحين اغلب الرياييل متزوجين 2 و اذا بنات البلاد ما وافقن ترا الريال اللي عنده نية زواج بيتزوج من برع ,, ف ليش بنات البلاد اولى ,,

و انتي استخيري و اسالي عنه زين ,,و الله يكتبلج اللي فيه الخير

و عقبال كل المطلقات ,,

[MAHA21]

ما افتي بهالمواضيع