ليله الحنا

[خياره]

سؤالي للي يسوون لليله حنا
يعني اللي يسون لهم لبس خاص لهاي الليله
يوم تتحنون ما تخيسون لبسكم اللي شارينه فوق الالف والالفين
وايد اقرء في المنتدى لبس لليله الحنا وتوزيعات ليله الحنا
نحن عندنا في ليله الحنا
تعرفون شو نلبس يوم الحنا














بجامه اللي مالت20
واغلي بجامه تكون 60
لا طبع تكون الاخت لابستنها اكثر من مره
علشان بعد هاي الليله بتقولها باي باي

عندي سؤال اللي يشترون شنطهم فوق الالف
اييكم شي اسمه -- عذاب الضمير
انا مستحيل اشتري شنطه فوق 300
اذا مالقيت شنطه اقل من 300 بسوي في عبايتي سحاب للجيب هههههه
لا واللي تقول اشترت شنطه ماركه باربعه الالف وتبا اتبيعه وهي ما استعملتها لا استعمال خفيف
عيل ليش اشتريتيها؟؟؟؟؟؟؟؟؟؟


انا مره اشتريت كامره ديجتال بألف وميتين
اسبوع وانا زعلانه
ليش اشتري كامره بألف
والاهل يهدوني يقولولي بتستفيدين منها فتره طويله
الحمد لله من سنتين وانا استعملها في الطلعات وتخرج العيال وكل شي
يعني استفدت
ريلي يوم يشل العيال ويشتريلهم العاب اكثر من لعبه من بيبي شوب
وانتوا تعرفون بيبي شوب اسعار الالعاب الحين 150 او 200
طبعا مب كل الالعاب--عيالي كبار
ما يعيبني واقوله خلهم يحسون بقيمه الفلوس
اول كنت ايمع الدراهم اللين ما اوصل 100 واطرش اخواني للدكان ويشترولي فاملي
واحط بالي عليها لاني تعبت وانا اجمع الفلوس
واتعرفون اول اهالينا يعطونا على درهمين
الحين السندويش اللي في المدارس اقل سندويش على 3 دراهم

خلاصه الكلام
ايتها المسرفه
اذا اليوم عندج فلوس
باجر لا
وخلونا انعلم عيالنا قيمه الفلوس
لا تقولولي ما اريد اقصر بعيالي
خليهم يتعلمون ان اذا بغوا شي يجمعون فلوس علشانه مب يصيحون اللين ما نشتريه
ان الله يمهل ولا يهمل

المزيد من آخر المواضيع من نفس القسم:

• صور تورتة اعراس غاية الجمال والرقي
• خلطات طبيعية سريعة ومضمونة لتطويل شعر العروس
• طريقة عمل ماسك الموز للعناية بشعر العروس
• صور بدلات عريس انيقة وجميلة
• صور ديكورات اعراس شتوية ساحره
• صور ديكورات طاولات زفاف راقية لحفل زفاف انيق
• اجمل تصاميم كروت زواج انيقة وعصرية
• كيكات زواج انيقة ومميزة باللون الازرق
• اجمل اشكال كيكات زواج لاعراس موسم الشتاء
• تنسيقات طاولات زفاف بألوان مبهجة وعصرية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[شموخ عليا]

جزاج الله خير الغالية...على طرحج مثل هالموضوع اللي الأغلبية غافلة عنه...و تركض ورا المظاهر ..حتى لو على بالدين!!!!



وقال جل ذكره: {وَلا تُبَذِّرْ تَبْذِيراً * إِنَّ الْمُبَذِّرِينَ كَانُوا إِخْوَانَ الشَّيَاطِينِ وَكَانَ الشَّيْطَانُ لِرَبِّهِ كَفُورا}، وقال سبحانه: {وَلا تَجْعَلْ يَدَكَ مَغْلُولَةً إِلَى عُنُقِكَ وَلا تَبْسُطْهَا كُلَّ الْبَسْطِ فَتَقْعُدَ مَلُوماً مَحْسُورا}.

كما نهى النبي -صلى الله عليه وسلم- عن الإسراف في الأمر كله، ولو كان في الوضوء. فكان النبي يتوضأ ثلاثا ثلاثا، ثم يقول: "هكذا الوضوء، فمن زاد على هذا فقد أساء وتعدى وظلم".





بالنسبة لملابس يوم الحنة الغالية عندنا تلبسها العروس بعد ما تتحنى و تخلص..

و تقبلي مروري أخية

[ام حمده]

جزاج الله الف خير

[خياره]

اقول في خاطري كيف تلبس هذا كله وتتحنى!!!
مشكوره على الرد اختي شموخ عليا

[خياره]

توني قريت عن وحده شاريه شنطه بتسع الاف
عيل يوم تبا فستان بكم!!!!!!!!

[أم مها11ري]

اغلب العرايس يتحنن في الصالون يعني عقب ماتنظف وتنضر حنتها تلبس اليديد والغالي

واذا عالاسراف والمااركات......كلن يمد ريله على قد لحاافه
انا ماشتغل وريلي مب مقصر فيني ولله الحمد..لكني امووت عشي اسمه شوبينغ
صحيح ماشتري جناط ب 2000 و 3000 بس مامنع نفسي من شنطة دشت بخاطري
ممكن 1000 ممكن 1500 واتم عندي فترة وعقب اعطيها اختي
وجناطي العااديات على 400,,,500...700 .وممكن 200 و 300 ليش لا دام انها حلوة


بس تصدقين انا اتحسق عالالعاب الي يشتريها ريلي للصغارية
لانهم يكسرووونهم ومايتهنوون فيهم


ممممممم ووبس حبووبة

[سبات شتوي]

الله يجزاج خير حبيبتي على التنبيه ...........عل وعسى اتلاقين حد يسمعج في الزمن هذا,لانا تعبنا من الركيض ويا المناظر والاسراف اللي ما له داعي

[allaa]

هي والله صدق
أنا بعد احس إني ما أقدر أصرف ها البيزات كلها على التوافه

[دبي 1313]

ليله الحنا الاغلبيه يتحنوون قبلها بيوووم بس العيم الي متمسكين بالعادات يتحنوووون بنفس اليووم بالفستان عادي اذا تخيس يغسلووونه شو تسوي بعد

عن الشنط ماعرف شو اقوووول لاني برووحي اشتري والله يحب يشووف نعمته على عباده

بعد ياختيه اوكي محد قال اصرفي وايد وبذري بس انتي على حسب كلامج وايد تبخلين على عمرج وعيالج خير الامور الوسط

نصيحه لا تعيشين عمرج و عيالج بحرمان ولا تلبسينهم شي ارخص من الي لابسينه الي حولينهم وتعقدينهم وتحرمينهم من الالعاااب بعد اصرفي عقد الي عندج البخل بعد مب زين

[غرنوق رعبوبة]

حلو الاعتدال وخير الامور اوسطها

[فريدة]

ماشاء الله أختي احسن نحاسب نفسنا لأننا هنتحاسب علي الوقت والمال والصحه وكل شئ شو بنقول لرب العالمين !!!!
وانا ما اعتبرك بخيله بالعكس الله يباركلك في أولادك وفي مالك وصجتك
حاسبو قبل ان تحاسبو
والأخوه اللي غاويين مظاهر الله يهنيهم بفلوسهم بس في نصيحه انهم مايزعلوش من الناس لما تقول عندهم فلوس لأني عندي أصدقاء يموتوا علي الشنط الغاليه والعطور يعني عادي عندها شنطه ب 7000 درهم وبعدين تقول شو يتحروني عندي بير بترول!!!

[بنووتة63]

جزاج الله خير الغالية...على طرحج مثل هالموضوع

[yamamh]

مشكووووووووره

[هدوء القلب]

تسلمين

[احتاجك..]

خخخخ حلوة اتحنى بالبجامة^-^جدام الناس؟
خلاص الحمدلله خلصت^-^