الدنيا دواره ..... هاي اسم قصتيه... اقرواها لا تفوتكم..

[شوق دبي]

السلام عليكم ورحمه الله...

هاذي اول قصه انا اكتبها او حبيت اني ابتدي انشرها في منتداكم.. اون شالله احصل تنال من اعجاب الجميع.. القصه عباره عن ............ ولا اقولكم اقروا احسن .....

الجزء الاول :

((بوظبي))..................
((في بيت قوم شموه او التيلفون يرن وهم يالسين في الصاله))

شموه: أبويه شل التيلفون ؟؟ عنبوه بتترياني لين ما أنزل من فوق جد احترق التيلفون..
الابو: أدري انه التيلفون حقج ليش اشله؟؟

((شما يالسه تتأفف وتقول حتى التيلفون محد يروم يشله ))
شما : ألووووووووه
شما: حوووه ألووو... وصمخ عزراايين؟؟ ما تسمعوون !!! ألووووه
فطوم: هاي ... شو بلاج تيلفوون خربان الله يغربله... المهم اخبااارج؟؟ الغلا؟؟
شما: عنبوه متى بتصلحوونه تيلفونكم!!!
فطوم: يوم بيبيض الديج !!! هههههههههههه.. اقوووول أخباااارج؟؟
شما : والله زفت والحمد الله حد يرتاح في هل البيت؟؟
فطوم: أووووه .. خلي عنج هاي الرمسه الي تغث .. المهم أسمعي شو بقولج؟؟
شما: قولي .. عاد الحينه من زين اخبااارج أرمسي؟؟
فطوم: دومكم تظلموني والله .. والله مش مشكلتي جان تسمعين كل الاخبار الخايسه مني ؟؟
شما:لا تتحرطمين ولا بسكر التيلفون في ويهج!!!
فطوم: قوم مهره بيونا ؟؟ الله كشخه اسمينا بنصيع!!!
شما: نعم !! نعم !! او ليش ما يون عندنا ان شالله!!
فطوم: والله اليوم رمستني او قاالتلي انهم بيوون عندنا !!!
شما ما عليه برويها انا شكيره دبي... أقوووولج يوم بيوونكم تعالو بيتنا تعرفين الحرس الاميري عندنا ما يخلونا نشبر برع!!!!


فطوم: يعلج مش منج من سوياتج !!!
.................................................. ..................................
((دبي))
(( في بيت قوم مهره او الكل مرتبش))

أبو مهره: أفخاطري مره انزل وأحصلكن جاهزات.. يله انقفضن !!
مهره:يلعنج هاي شيلتي .. انا قايلتلهم يكونها حقي ؟؟
ظبيه: والله مشكلتج .. روحي دوري غيرها.. الكبيت يزوه شيل؟؟
مهره: ظبيوه هاتي شيلتيه بازين ولا لا خمس فيج!!
ظبيه سيري ولي ..

(( ونشت مهره او عفدت فوق ظبيه او اضااربن او هاي اتمط شعر هاي ....))

أم مهره: غربلاتكن من بنات كل وحده اطول مني او اعرض عني او بعدكن تضاربن.. مهروه .. فجي اختج عنبوه شمختي ويها...
مهره:يعلها من هذا او اردى... علشاان تسمع كلام اختها العوده...

(( مهره وهي تطنز على ظبيه))
مهره: ياحبيبتي ثاني مره اسمعي كلام اختج العوده .. لان دوم انا الي اقلبج .. واذا تبين تحافظين على جمال المناليزا ..ابعدي عن الشر او غنيله ..
ظبيه: الله يلعنج موب اخت عديله .. انتي لو عديلتيه ما ادري شو بتسوين !!!
مهره:هههههه سيري صيحي عند يدتج ظربني اوبكا سباني او اشتكي

(( وعقب ما خلصت الضراابت الشيل ركبوا الاهل السياره.. وتحركوا صوب هل العاصمه))

في السياره....ابو مهره: والله عذبتنا هاي البرتغاله ....
ام مهره:تباني ايوزك وحده منهن؟؟..
بطي اخو مهره: زين ابويه انته خذ الام او انا باخذ البنت..

((ادش مهره عرض في السالفه ))
مهره: ابويه طول عاد .. ما نسمع شي ..
أم مهره حشرتونا عاد قصروااا...........ز الله يهديكم من عياال الله يهديكم !!

(( والكل تم مرتبش تعرفون عاد البنات يرقصن او يداابجن في السياره او ام مهره تمت محتشره او ابو مهره يقاايضها يغني مع البنات... لين ما وصلوا عند هل العاصمه))....

في بوظبي..

(( عقب ما وصلت العايله الكريمه وحصلوا الترحيب الفناان من هل العاصمه ا.. تعرفون عادت العرب .. الرياايل في الميلس او الحريم في الصاله .. واليهال يلعبون في الحوي طبعا .. والبناات ينخشن في الحجرحق السوالف ..

فطوم: هلا هلا بالمهلي الي ما يولي..
مهره: اهلين هلا فيج .. اخباارج بنت العم؟؟!!
مهره: وين امج..؟؟ بسلم عليها عندي لج مفاااجئه خطييره...
فطوم امي اكيه اتزهب الدلاال رووحييلها...

(( عقب يلسنا في الصاله او يلسنا ان سولف مع الامهات او سوالف المدرسه او الكليه او الثياب المهم نحنا البنات انحب انسولف روحنا .. فنسحبنا من الميلس وحده ورا الثانيه ...))

فطوم: شو المفاجئه .. الي بتروييني ايااها....
مهره: شوفي ....(( عقت مهره الشيله عن شعرها )) شو راايج ؟؟
فطوم: هااااااااااااااااااا... شو هذا بعد؟؟ عنبوه بلاج استخفيتي كل يوم صبغه يدييده!!
مهره: هاهاهااههاه فديتج اترومين على هل دبي يوم بيتزقرتون!!
مريم أخت فطوم: انا بس لو فكرت ادق شعره من شعري بندفن حيه...
مهره: لا فديتج الغاليه انا هذا اليور ما يمشي عندي .. احطهم في الامر الوااقع ما سويتلهم كاني ماني سرت الصالون او صبغته .. او قصييته ..
مريم اخت فطوم: شو سوت امج يوم شافج؟؟
مهره: ليتها المشكله في اماايه ... العيوز الي عندنا في البيت ما خلت حد ما تصلتله او قالتله مهرووه اتقرعت ...
فطوم: اقول الشيخه مريم او ظبيه ... شو مقعدنكن عندنا ؟؟ يله اظهرن من غرفتيه !!
ظبيه: ما عليه .. مادري متى بنكبر في عيوونكم الي يسمع اكبر منا ب10 سنيين الا هيه سنتين؟؟
مهره: جب جب جب... انجلعن برع ولا نسيتني ضرب اليوم......

((ظبيه وهي ناشه اتمط مريم او اتقووللها يله نظهر انسير عند قوم امي في الصاله احسن من امجابل هذيلا الشيف.. واتنش مهره بتظربهن الا وهن فالات من الزياغ ... عقب ثلاث ساعات .. من سوالف مهره او فطوم الي ما تخلص او طبعا فطوم نست اتقول حق مهره انه شموه قالت تعالوا بيتنا.... المهم .. ظهرن البنات من الغرفه عقب ما شبعن سوالف))

في الصاله..
((ام مهره +ام فاطمه يالسات يسولفن في الصاله ))
ام فاطمه: الا ما قتلج عن البشكاره .. الهرمه شو سوت..
ام مهره: شو سالفتهن.. لا يكون شردن متعلمات الشرده هل الايام ؟؟؟
ام فاطمه:ياليتها شردت اتخيلي يا خويتيه زخيتها مع الدريول ؟؟ ويوم اصبحت بسفرها الا وهيه شارده مع الدريول ؟؟
ام مهره: روحه بلا رده.. تراج بتيبين غيرها..او خلينا من هاي السالفه.. تعالي لقيت هذاكي المخور الفناان .. الي يخور هذاجي الكنااادير الغاويه...
ام فاطمه:هي والله اتصدقين عندي قطع اريد اخورها حق فاطمه او مريم..
ام مهره: نشي نشي.. سيري هاتي القطع خليني اشووفهن ..
ام فاطمه : نانيت .. نانيت.. وصمخ جلاب يا ربي .. نانيت
نانيت: يس .. يس.. مداام
ام فطوم: ليش يوم اي كول يو ما تردين؟؟
نانيت: والله مادام انتي ما يشوف بيبي مال مدام دبي.. كله يسوي ذيرتي ؟؟
ام فطوم: برايه انزين سيري هاتي الكيس الي ورا الباب او عقب سيري سوي نظيف..

(( وتمن العياايز يسولفن لين ما خذتهن السوالف ... ويحشن في فلانه او علانه او الي تزوجت ولا طلقت .. والي عرس عليها ريلها والي بنت بيت و الاسهم شو باعن او شو شترن... والبنات تمن سهرانات لين الفجر .. مره يسولفن ومره ييلسن يجيتن في النت او يسيرن المطبخ يطبخن... او يتمشن في الحوي .. اونهن عاد يبن يشوفن الشمس يوم تظهر حليلهن والله رومنسيات اكثر من اللزوم..))

اليوم الثاني

((البنات طبعا ما تهنن في الرقاد لانهن راقدات الساعه 7 صبح.. عفاني الله موب بنات خفافيش.. وين العيايز يدقدقن البيبان..يله نشن صلاه الظهر... بسكن ارقاااد .. فطوم .. مهاري يله نشن... وتمن العيايز بالدور يتناوبون.. لين ما نشينا من ارقاااد.. او بسم الله على الاشكال جنه كل وحده معطينها بوكس..
نشن عاد البنات وصلن ... واذكرت فطوم شموه او اتقول في خاطرها اكيد شموه محتشره...
فطوم : مهاري اتصدقين نسيت شموه قالت اول ما توصلين انسير عندها..
مهره: اويه عاد انتي ما تعرفين شموه.. الحينه اكيد اطير او تحل...
فطوم :اقولج قومي تلبسي خلينا نتغدى عندهم ... او عقب نطلعنا مكان
مهره: اوه انتي تعرفين قوم شموه اذا دشينا بيتهم ما بيخلونا نظهر...
فطوم: اوه عاد شو نسوي ؟؟ لازم ولا بتقيض علينا ما فينا على لساانها...

(( المهم عقب نص ساعه من الحوار.. بين فطوم او مهره.. قرروا انهم يسيرون بيت قوم شموه او يتغدون هناكي.. طبعا او عقب يفلون فله.. ))

في بيت قوم شموه:

مهره: هود هود.. هود يا هل البيت..
فطوم: صه صه صه اسكتي لا يسمعنا حد من خوالج....؟؟ بييزقرنا .. نحنا موب نااقصييين!!

(( شما تستوي خالت مهره .. او فاطمه بنت عم شما))
مهره:سيري ولي محد في هل البيت يروم يقوولي شي...؟؟؟
فطوم: اقولج .. جنه محد في البيت ؟؟ غريبه البيت هادي !!
مهره: هيه والله وين يدتيه او حريم خواالي؟؟ معقوله انقرضوا!!!
فطوم: الله يغربل بليسج!!!! اقوولج قومي قومي انسير فوق اكيد شموه في غرفتها
مهره: اكيد كل معتاد .... قومي انسييرلها هاي عروس يا بويه ما تنزل ...
شما او هيه اتباقم : مهروووووه ... فطووم .. واخيران يتن عنبووه. توكن مفتكراات جان يتن المغرب بعد يكون احسن ..
مهره او هيه اترمس فطوم: عنبوها النسره حست فيينا..
فطوم: لا وحيااتج شمت ريحتنا..
فطوم او مهره : يضحكن... هههههههههههههههههههههه
شما: اعلومج يا شكيره دبي .... (( هااااااااااااااااااااااااا او هيه منصدمه)) حوه حوه شو مسويه ابكشج...؟؟؟
مهره: او هيه تلعب ابشعرها ادري ادري غاوي .. او ما عليه زود .. فديتني والله !!
شما: فقدتج يا ربي
مهره جب جب... اسكتي شو عرفج !!
شما : اقول ليش ما يتوا تباتون عندنا !! غريبه يعني.
مهره:لان امي حالفه على ام فطوم اني انبات عندهم...
شما: هيه .. صح صح!! ناس او ناس..
مهره: اوه لا تحطين في خاطرج الاسبوع الياي بني بوظبي او بنبات عندكم دوم.. دوم . عاد بتملون منا..
فطوم: اقوولكم انا ميته من اليوع !! قوم بنسير نتغدى..
شما: كلج الدود يا ربي اصبري لين ما اتلبس...

(( فطوم او هيه تتأفف مب عايبنها الوضع.. والله شو هذا انا ميته من اليوع))....


ترقبوا الجزء الثاني ...... او لا تبخلون عليه ... براايكم ترااه يهمني واايد..[/size]

المزيد من آخر المواضيع من نفس القسم:

• بادر بالحجز معنا بخصم يصل الي 40 %
• من لا يعارك يعود طفلا
• Golden pools
• كان هنا
• إلا الموت أو الحياة.....لعبدالحليم الطيطي
• اشفق عليه......لعبدالحليم الطيطي
• الجالسون على الهواتف الآن اكتبو شي تأجرون...
• الحكاية إنك أجمل من تفاصيل الحكاية
• مجموعة كتب لعميد الادب العربي : طه حسين
• سلسلة مؤلفات الروائية احلام مستغانمي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[عالية المقـام]

يسلموووووووووووووووووووووو شيخيته ..

بس ما خبرتينا باعمارهن ؟!

بالنسبه لي لو في مجال للنقد بنقد .. بس خلينا نشوف البارت الياي قبل ^_^

بالانتظار ولا تطولين عليييييييييييييييييييييييييييييييينا

[شوق دبي]

مشكوره اختي . على المروور... انا هاي القصه كاتبتنها من سنتين بس ما شفت منتدى يستاهل اني انشرها غير منتداكم...
على العموم .... اسمحولي نسيت أقول الاعمار...

(( مهره17 سنه، فاطمهسنه، شما: 18))
(( مريم:15 ، ظبيه: 15))

[عالية المقـام]

اهااااااااااااااااااااا .. يعني اقدر اقوووول بدايااااااااااااااتج ؟!

عيل بالتووووووفيج لول ..

يالله نزلي لنا البارت الثاني .. لان أصلاً مهما كان الانسان ما يقدر يحكم من البارت الاول ..

بالانتظار شيختيه ^_^ ..

وفي الصيف ان شاء الله بنزل قصه انا وانتي رباعه .. شو رايج ؟؟ ^_* .. ( أونه اغريج لوووووووول )

وتسلم ايدج ع البارت

[شوق دبي]

خخخخخخخخخخخخخ... مشكوره الغاليه عاليه المقام على المرور...
والله شو عليه بنزل قصه ... بس شوي شوي عليه ....

[ذكريات الأمس]

مبين عليها حلوة


قريهتها على السريع


لأنه عندي كلاس

[شوق دبي]

مشكووره الغاليه .. على المروور ... بس الله يخليكم بنات لا تجاملوني الي عندها شي اتقووله اتقوولي... لان احب حد ينقدني ..... ثانكس خوااتي

[شمس القوايل]

تسلمين يالغلا وايد حلو الله يوفقج،، وننتظر المزيد والجزء الثاني،،، بس بسرعة

[شوق دبي]

مشكوره الغاليه شمس القوايل على الموروور ... ما عندج تعليق ؟؟؟!!!

[شوق دبي]

السلام عليكم ورحمه الله او بركاته...


اليوم خلصت كتابه الجزء الثاني من قصه (( الدنيا دواره )) .....

الجزء الثاني :

((وعقب ما تغدوا البنات واستراحوا قرروا انهم يروحون بحر الحريم .. وراحت شما اتشاور امها .. او اكيد اكيد كل معتاد امها ما خلتها اتروح .. او قوم فطوم او مهره امهاتهم طاعن يسيرن .. او تمت شموه وايد مضايجه وطبعا الشله الكريمه ما بتسير اذا شموه ما سارت لان اذا سارن في قاموس الشله يسمونها تنقيع خيانه .. وطبعا احللى يوم الشله تكتمل ... او عقب صلاه المغرب طلعن البنات يتمشن في الفريج واونهن عاد ملانات او زهقانات من البيت وتمن يتمشن او هن موب حاسات ابعمارهن من كثر السواالف او الحش .. الا وهن وااصلات بحر بوظبي .. طبعا الثياب ما يحتاي جلابيه او شيله بيضاء ... خخخ فشله والله .. او ما يحتاي اقوولكم عن الشباب من يشوفووون بنيه قالو وارها.. استغفر الله جنهم ما شافوا خير .. ويا طبعا واحد عدالهم بسيارته طبعا منزل الدرايش او مدخن السياره اتقولون عروس موب سياره او الريحه تنشم من بعد كيلو او مسحي االشعر او تاارسنه جل جنه لاحستنه العنز او لا بس هاذيج النضاره الا مغطيه نص ويه .. يتحسب عمره في عز النهار.. او الشمس ظاربه في عيونه .. صدق مخبل .. او يا عاد عدال البنات اونه الغاوي الكشيخ بيرقم ..طبعا مهره شالنها الهو اتسولف او تضحك ولا همها شي وشما او فطوم كلن ااذن صاغيه للسالفه مندمجااات واايد .. او مهره تخرط عليهن .. خخخخخ))

طبعا مر واحد من الشباب . اونه بيطلع ريولته على البنات .. مادري انه معاهم وحده لساانها طويل ....

.........: مرحبا مرحبا مليون بشيخات بوظبي هلا بالطش او الرش..
مهره: شاخت عظام اركبك لين ما وصلت مصرطك يل الهرم
..........: افا والله افا ، حرام عليج هذا او انا ولد دارج




شما: يله عطنا مقفاك .. اذلف ...
.........: انا مش ياي حق ويهج يل بليوته ، انا ياي حق هاي (( اوه ياشر على فطوم))
مهره: والله ثم والله ان ما ذلفت عن ويهي لا رويك نجوم الليل في عز القايله
.........: هههههههه، والله زيقتيني ما عاش من يروني اياهن!!!
مهره: عيل ابشر لارويك اياهن ..
.........: انا الي لا برويج اياهن اليوم يا السباله ؟...
مهره: اسميك بتتبطي عيل .. ههههههه
.........: بنشوف انا ولا انتي ؟؟
(( وسكر الجامت السياره او راح))
فاطمه: حرام حرام ما رقم..
شما : فقدته هل الي ناقص طالع انتوا هاي وايد وايد اشوف شال عقلج ...
فاطمه: يخسي لاهوه ولا عشره من امثااله .. اقولكم يله يله انرد البيت ترانا وايد اتاخرنا ..
شما : انرد انرد الله يخلييكم الحرس الاميري في البيت يدوروني اكيد الحينه؛ اكيد امي اخواني محتشرين.

((تمن البنات فتره ساكتات او عقب تمن يسولفن عن هذا الي غازلهن طول وقت الرده او فطوم ميته من الزياغ او مهره او شما يضححكون عليها لان فطوم من النوع الي يستحي او يقفط او النوع الي ما يدافع عن عمره بس شما او مهره من النوع الي يلوسن او ياخذن حقهن بيديهن ..او يوم وصلوا البيت لقت مهره خوالها او سلمت عليهم. سولفت معاهم شويه . او طبعا تتريا تعليق من عندهم لان دايمن يعلقون عليها .. او تعرفون مهره تحب تمشي على الموضه او الفاشن او همه ما يحبون جيه..
كل شي عندهم عيب او منقود.. تمت مهره او فاطمه لين الساعه 1 الفليل عند شموه .. وطرشت ام فطوم الدريول وردن البنات البيت او هن مستانسات...


اويوم دشن البنات البيت الا والطامه الكبرى ... لقن هزبه محترمه من عند ام فطوم ليش متاخرات..))


ام فطوم: فطوم ليش متأخرات هل الكثر ما تستحين من خوال مهره!!
فطوم: والله امي اسمحينا خذتنا السوالف او ما نتبهنا على الوقت او انتي تعرفين انا نحنا نيلس في رغفه شموه.
ام فطوم:عنبوه كلكن ما نتبهتن على الوقت !!
مهره:والله خالوه حرام عليج؟ اقول خالوه طلعونا باجر مكان!!
ام فطوم: عنبوكن ما تغرن في اتلبيت تراكن البوم هايتات؟
مهره او فطوم: وين سايرات يا حسره؟
ام فطوم: او بحر الحريم منو ساره ان شالله ابويه!!
مهره: خبرج عتيج يا خالوه!! كنا بنسير بس متى اتحيدين الحرس الاميري يخلون السندريلا تطلع مكان!!
ام فطوم: عيب عيب هذيلا خوالج !!
مهره: لو واحد منهم ابويه جان انتحرت من زمان.
ام فطوم او فطوم: استغفر الله
فاطمه : انزين امي شو عن الطلعه!!
ام فطوم : ما دري مادري برمس ام مهره قبل او عقب بقوولكم بس لا تستانسون!

(( او عقب ما خلصت الضرابه او طبعا جلبنها البنات سوالف راحت ام فطوم ترقد في غرفتها او ترتاح من زيرت الظهر او اليهال ما شالله او الحشره.. او طبعا البنات توكلن صوب المطبخ تعرفون لزوم السهره وقعده جدام التيلفزيون يبدلن من قناه لين قناه وعقب ما رعن او خلصن راحن صوب الحجره .. او ليتهن عشان يرقد .. او نسيت انهن خفافيش .. تعرفون بنات العصر هذا يعبدون الكمبيوتر عباده .. او يلسن يسولفن على النت ويجيتن.. او يوم اذن الفجر نشن البنات يصلن او طاحن على الشبريه توهن بيرقدن ))

مهره: فطوم .. انا او انتي او شموه او ميره اعز ربع الله لا يفرقنا..



(( ميره بنت عم مهره او شما اوفاطمه .. اوهن هن كلهن بنات عم على قلب واحد .. بس ميره حدتها الظروف انها تعيش في الشارجه .. لان شغل ابوها او عقب بتعرفون عنها اكثر))
فطوم: تعرفين خساره ما يت ميروه هل الاسبوع ولا جان صدق اكتملت الشله
مهره: هيه والله من اسبوع ما رمسيتها !! فطوم جد مره حبيت حد في حياتج!!
فاطمه: لا والله مهره ... ماجد ولا افكر بعد بس شو هذا السؤال الي طرى على بالج...
مهره: مادري .. جيه!! بس متى بيي هذا اليوم او بحب!!
فاطمه: مادري بس سمعت انه موعاناه او عذاب ..
مهره: والله برايه المهم اجربه بس على انسان يستاهل.
فاطمه: انا ما افكر.. احب لانج تعرفين ان ولد عمي خاطبني.. او انا ما اريد احب حد غيره..
مهره: اوف اوف يا حظي الردي متى بي جولت الاحلام الي عمري ما بشوفه!!
فاطمه: جولت الاحلام اونه .. خخخخخ بي بي بس اتريي(( ترى الله مع الصابرين))...
مهره: شو بلاج تحدثين عليه اليوم!! عيزت والله لا ريل ولا حبيب عفاني الله طول عمري بيلس عزابيه هههههههه
فاطمه: ههههههههههههههههههههههههه .. حسبي الله عليج من بنيه من وين يايبه هل اللسان..
مهره: مادري من يابتني امي ... طبعا لازم تضحكين ضامنه الاخت الريل صدق الي قال : الريل يا روحي لو كسر قرنقوحي ارقادي وياها ولا ارقادي روحي ..
فاطمه : يا سلام .. والله اشوف عيوز مرقده عدالي ..خخخ
مهره : شو اسوي عاد .... لازم تبلعيني.......
فاطمه: في حد ما يبلع رواعي دبي.. انا اروم اصبر عنج.. يا الدبه ..


مهره: خخخ اكيد لا .. طبعا .. يا ربي عقديتيني والله بس عنبوه شو اسوي اذا انا متينه يار بي ...
فاطمه: لازم انسوي رجيم ... عاد انتي الله يهديج خففي من الاكل..
مهره: شو اسوي اموت اذا شفت اكل او ما ايلس في نص الاكل اكل..
فاطمه : حاولي عشاان جيه محد يحبج..
مهره : هيه والله...
(( طبها رقدت فاطمه اوتمت مهره حاطه في اخاطرها كلام فطوم، وتعرف انها او ما تبا مصلحتها جان ما قالت هذا الكلام... او عقب ساعه راحت مهره الحمام اطالع جسمها .. او تمت اتصيح .. لان توها اتاكدت انها هيه او ثلاجه وااحد .. بس من تشوف الاكل تنسى كل هذا الصياح او الرمسه الي قالولها عشان المتن ))


ترقبوا الجزء الثالث....[/size]

[الشيخة]

بقراها في البيت

[الشيخة]

نزلي الباراتات اليديده

ودخلي اسم شيخة في القصة الله يخليج

[شوق دبي]

مشكووره الغاليه على المروور ... بحاول .... ان شالله من عنوني

[الشيخة]

تسلمين يعلني افدااااااج

[شوق دبي]

مشكوره اختي .... الشيخه .. على المروور .. ها قريتي القصه ؟؟