فيينا....

**ام علي...** · 2007-03-11, 18:24

مرحبا خواتي
اشحالكم عساكم بخير ان شاء الله

فديتكم انا عرسي اول 7 ان شاء الله وبيكون شهر العسل الى فيينا ( اذا الله كتب)
فاذا ممكن حد من الخوات يعرف عن هذي البلاد اي شي يفيدني بالمعلومات ولا يبخل علي بشي

يعني عن الفنادق اللي تصلح للمعرسين والاسواق والاماكن السياحية
وبعد ابا اعرف الجو شو بيكون عندهم بهالفترة

وشااااااااكرة لكل اللي بتساعدني:22 (14):

المزيد من آخر المواضيع من نفس القسم:

**عيمان داري** · 2007-03-11, 23:54

هلا اشحاااااااااااالج اختية الله يهنيج ويسعدج
رووووووعة البلاااااااااااااااد تستاهل لشهر العسل ان شاء تستانسين اقوووولج في فينا فندق مااريوت/ nh hotels رررررررروعة وراقي ونظيف والحلو ها الي سرتلة الي فية عداااالة كلة مطاااااعم عربية واسووواق قريبة ها عيبني والقطاااااااار وسااحة ايفنز بعد كلهااااااااا اسوواق ونهر الداانوب في فييينا وبعد زلامسي شيء خييييييييييييييييييييال سبحان الله الخالق كلها بحيررررررات وطبيعة ومطر حلووووووة الصرااااحة اتمنى تعيبج ان شاء الله ويوم بتردين بالسلامةة ابغي ررررررايج حبوووبة
الله يهنيج ويسعدج ان شاااااااااء الله ومبروك مقدماااااااااا وادعيلناااااااااا اختية
مع السلامة

**حساسه** · 2007-03-12, 00:57

مرحبا أختي على البركة إنشاءالله ..
مثل ما قالت الأخت عيمان عندج الـ NH سعره حلو
وموقعه حلو وبعد غرفه زوينه تييج مثل صالة وغرفه،
وفي منه أربع فنادق في فيينا واحد منه أنسية لأنه عدال
المطار يعني تطلعين من المطار تروحين له مشي، احنا
أول ليله حجزنا فيه عشان نريح.. بعدين انتقلنا للسيتي
مع انها ما تبعد وايد بالباص..

في فنادق وايد منها .. المريديان وايد حلوه غرفته

بس نصيحتي احجزي عن طريق مكتب سفريات يعني
قوليله أحجزلي في فيينا مثلاً أربع ليالي، وفي سالزبرج أربع ليالي
حسب خط السير اللي ناويين عليه .. بعدها اخذي أسامي الفنادق
اللي حجز فيهم وشيكي عليها في النت شوفي الغرف شوفي كم يبعد
وإذا ما عجبج غيريه.. أنا جذيه أسوي بصراحه .. أضمن وأسهل

الجو في فيينا مب بارد وايد في هالفتره ويعتمد أنتي وحظج أحيان
يكون موجة حر وأحيان براد.. يعني لازم تاخذين ملابس تنفع للحالتين
إذا ناويين على سالزبرج (وأنا انصح فيها) بارده بصراحه..

الأسواق لاتفكرين بصراحه ما عندهم شي مميز، وعموما هن
الشارعين المعروفات شارع ستفين وشارع ماريا هفلر من استقبال
الفندق ممكن تاخذين خريطه وهم يدلونج كيف توصلين بالأندر قراوند

أما في سالزبرج ,, سوقهم موجود في الـ Old Town أو المدينه القديمه

واسمحيلنا على القصور.. وربي يتمم لج بخير

**قايدة لريوم** · 2007-03-12, 08:59

واااااااااااو روعه النمسااا

و بحط موضوع خاص عنها لعيووونج

و نصييييحه زوري زلمسي (يسمونها جنة الله على الأرض)

رحله سييييعده ان شاء الله

**ام علي...** · 2007-03-12, 10:53

عيمان داري، حساسه، قايدة لريوم

مشكورات فديتكم على المساعدة والدعوة الحلوة

الله يرزقكم من خيره ان شاء الله

**افطيم 2007** · 2007-03-12, 11:54

والله ذكرتيني بالنسما وماعندي شي اضيفه بس اجنا سكنا بفيلا عند حرمه احس اريح عن جو الفنادق والحرمه الي سكنا عندها بيتها قمه في النظافه واخر ترتيب اصلا هو ناس نظاميين وعايشين حياة راقيه بجد وتعاملهم وايد ممتاز كفايه التمشي في الفريج العصر خخخخخخ حلوة الفريج اتحر عمري في ربوع البلاد بس بجد التمشي العصر له جو ثاني وصوت الشير والنهر والغيوم النازله والله قلبي ايعورني يوم اتذكر هالمناظر والحمدالله صادف الجو بشهر 8 اكثر من ممتاز ولاحظت انها ابرد من الدول اللي زرنها من المانيا وفرنسا والبقيه بس عموما الجو يتغير في بدايه 8 والاحلي يوم ريلج ايسوق السيارة والتمشي علي كيفكم
االله يهنيج اختي ويسر امرج
اما الاسواق ماشفت شي مميز بصراحه احلي الاسواق شفتهابالمانيا وفرنسا وبس

**ام علي...** · 2007-03-12, 12:07

افطيم 2007
مشكووورة الغالية على مرورج

**بنت بوظبي** · 2007-03-12, 13:56

في فيينا عندج فندق امبريال من ارقى الفنادق مصمم على الطراز الاوروبي القديم
والفندق جريب من شارع المشاة ( شتيفان بلاز) هاي ساحه كبيرة كلها محلات ومطاعم واحيانا يسوون فيها عروض وفيها حنطور خيل بعد
والسوق في منطقة ماريا هلفر ستراس بتحصلين المراكز من سي اند ايه و اتش اند ام وغيره
وعندهم ملاهي اسمها براتر
وحديقة حلوة جريبة من البرج اسم البرج دوناتيرم
ومقابل فندق الماريوت حديقة صغيرة حلوة حق التمشي

**ام علي...** · 2007-03-12, 16:07

بنت بوظبي
مشكورة الغالية على مشاركتج الحلوة

**غلامور** · 2007-03-12, 16:57

فندق الكراون بلازا بعد حلو

**ام علي...** · 2007-03-14, 17:01

غلامور

مشكورة الغالية على مشاركتج الحلوة

**غلامور** · 2007-03-14, 19:17

لاشكر على واجب

**سنيوره77** · 2007-04-16, 02:18

الصراحه انا انصحج بفندق راديسون ساس وايد حلو وراقي كلاسيك واذا تحبين المودرن فندق راديسون استايل موقعه ذهب اجرب وايد من الماريوت والمريديان وراديسون ساس اساليني انا سايرتلها 4 مرات يلست 3 مرات في راديسون ساس والمره الاخيره يلسنا في راديسون استايل واذا فكرنا انسير مره ثانيه اكيد بنسكن في الراديسون استايل.

**زيلامسي** · 2007-04-17, 01:55

الف مبروك اختي
اختيار النمسا لشهر العسل اكثر من رائع الله يوفقك
لا تفوتك زيلامسي اكثر من روعه
فيها فندق اسمه قراند موقعه اكثر من رائع يطل على البحيره مباشره ماسكنت فيه بس اعجبتني البلكونات اللي تطل على البحيره قريت ان فيه مبنى قديم قريب من سكة القطار ومبنى جديد
كنت ساكنه في فندق اسمه فيتال حلو مره بس يناسب العوائل الكبيره عيبه يبعد عن البحيره تقريبا ثلث ساعه مشي
وبالنسبه للبرامج السياحيه فيها
شلالات كريملر / مرتفعات كابرون / الزحليقه الصيفيه
فيه اكثر بس ذكرت لك اللي زرتها

**السولعيه** · 2007-04-17, 12:28

يالله الله يوووفقج وتكوون رحله حلووه عليج ان شاءالله

بطلب طلب هههه ابي حلوياتهم شهيتني اموت في حلوياتهم

اسوووووولف انتي ناهيه شهر عسل

يالله بالبركه عليج

الموضوع: فيينا....

أدوات الموضوع

عرض

فيينا....

المزيد من آخر المواضيع من نفس القسم:

المواضيع المتشابهه

شقق فيينا

فيينا

اتصل فيينا

رحلتي العام الماضي - فيينا -بلجيكا -فرنسا- فيينا

فيينا