مشكلتي عويصة

[مجاديف الأمل]

انا متزوجه من 3 سنوات

قبل الزواااج ما كنت اتنقب ولا اتغشى وكان شرط ريلي اني اتنقب وطبعا قمت اتنقب بس من داخلي مب مقتنعه فيه....
المهم ...اذا طلعت اتنقب يعني المستشفى او السوق اومكان عام بس اذا زيارات لا عادي
والاسبوع اللي طاف كنت زعلانه منه وما اكلمه وكنت في بيت اهلي والحبيب شكله كان ياي يراضيني بس...........

شافني في المحل وانا مب متنقبه...يا على طول صوبي وسألني وين النقاب ؟؟؟ماعرفت شو اقوله وتغشيت ؟؟

طلعت من المحل وركبت السياره ورحت بيت اهلي وطبعا هو ركب سيارته وراح البيت وهو معصب

انا اصلا كنت سايرة بيت عمي اييب غرض وبالمرة امي طرشتني ارد ملابس للمحل...وانا اصلا كنت طالعة بسيارة اخوي والكيس مال الملابس كان في السيارة من يومين ...فقلت بسير ارد الملابس وافتك

واول مرة يطرشلي مسجات انه كرهني وما قام يثق فيني واني فتحت له باب الشك...وما قام يتصل ومن بعد المسجات اللي تغث ما قام يطرش الحين

شسوي الحين والله نفسيتي دااااون

ادري غلطانه ببس كيف اصلح الوضع ..

طرشتله مسجات بس مارد علي والصراحه خايفه اتصل


ساعدوني صاري اسبوعين من شفته

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[qxp]

جوفي اختي انا بقولج اي رياااااال عندنا خصوصا ما يحب اي حد يشوف خواته ولا حرمته يعني انتي الحين معرسه وعلى ذمته وما يبا حد يشوفج يعني انا شوفي عمري 17 ومب معرسه واتغشى يوم اسير الاماكن العامه عشان محد يشوفني ويعرفني..هو خايف عليج وبعدين من حقـه ان يطلب منج هالطلب انتي حرمته والحرمه لازم اطييع شور ريلها في كل شي يعني اتخيلي انتي سايره المول مثلا وجافج حد وقال طاعو حرمت فلان يايه المول ومب متلحفه يعني انتي شاله اسمه الحين ,,ومهما سوا الريال لازم ان الحرمه تستحمل وهي بنفسها تقدر تعدل ريلها اذا كان في شي لاتزعلين على اي شي ومبين من كلامج ان ريلج ماشاءالله عليه ريال زيــن طيعي شور ريلج في كل شي حبيبتي ^^..

كيف تراضينه التلفونات والمسجات ما تنفع
وليش خايفه تتصلين؟؟
غلط واكبر غلط جي تسوين سيري ابويه محل ورد وخذيله احل باقه ورد وسيري لين عنده لانج انتي غلطانه
وفهميه الوضع وعطيه وعد انج ما بتكررينها واخر مره ومن يوم ورايح بتنقب وبكمن كلمه مني ومني بيرضى خلج جي حنونه ودلوعه يهيهيهيهيهي
تعالي على عمرج وراضيه ولا تزعلين ريلج مره ثانيه ها ينتج ونارج ^^
وسوري عالتطويل

[BabY_Sol3eiah]

جوفي اختي انا بقولج اي رياااااال عندنا خصوصا ما يحب اي حد يشوف خواته ولا حرمته يعني انتي الحين معرسه وعلى ذمته وما يبا حد يشوفج يعني انا شوفي عمري 17 ومب معرسه واتغشى يوم اسير الاماكن العامه عشان محد يشوفني ويعرفني..هو خايف عليج وبعدين من حقـه ان يطلب منج هالطلب انتي حرمته والحرمه لازم اطييع شور ريلها في كل شي يعني اتخيلي انتي سايره المول مثلا وجافج حد وقال طاعو حرمت فلان يايه المول ومب متلحفه يعني انتي شاله اسمه الحين ,,ومهما سوا الريال لازم ان الحرمه تستحمل وهي بنفسها تقدر تعدل ريلها اذا كان في شي لاتزعلين على اي شي ومبين من كلامج ان ريلج ماشاءالله عليه ريال زيــن طيعي شور ريلج في كل شي حبيبتي ^^..

كيف تراضينه التلفونات والمسجات ما تنفع
وليش خايفه تتصلين؟؟
غلط واكبر غلط جي تسوين سيري ابويه محل ورد وخذيله احل باقه ورد وسيري لين عنده لانج انتي غلطانه
وفهميه الوضع وعطيه وعد انج ما بتكررينها واخر مره ومن يوم ورايح بتنقب وبكمن كلمه مني ومني بيرضى خلج جي حنونه ودلوعه يهيهيهيهيهي
تعالي على عمرج وراضيه ولا تزعلين ريلج مره ثانيه ها ينتج ونارج ^^
وسوري عالتطويل

و انا رايي من رايها

الله يصلح من بينكم يااا رب

[الي ماعده حظ]

حبيبتي روحي البيت وكلميه وقوليله انا غلطت واباك تسامحني

وان شاءالله هالشي مايتكرر... حاولي تجذبينه باسلوبج ياختي...

الله يهداج طيعيه بكل شي هذا نارج وجنتج..

عسى الله يحفظه لج ويحفظج له^___^

[بنت_دبي_وبس]

خليه لين ما يهدأ وبعدين كلميه ولا طرشيله مسج

[mallak24]

لا تتريين وايد اتصلي ولا سيري عنده لأنه بعدين بيقولج الحين ذكرتيني

[:: الخقآقهـ :]

ريلج يحبج ويغار عليج عسب جي يباج تتنقبين

ما يبي حد يشوف جمالج حتى لو مب حاطه في ويهج شي .. يحب يشوفج كدره المكنونه اللي صعب الواحد يعرفها ..

عرفتي حبوبه .؟!

ودام هالشي يرضي الزوج نصيحه اتنقبي .. وانا بصراحه اشوفه ستر لج

[بنوته كفالي]

الله يهديــــــــه

[قـــطريه]

حاسه فيج والله انا كنت نفسج لاتغشى ولاعرف شي اسمه تغشي الامن عرست هو قالي عن موضوع التغشي اول مره رفضته وماتقبلت الفكره بس كل ماطلع معاه تكون نفسيته خايسه كانه زعلان وتم على هالحاله ومع الحنه تغشيت ..شاسوي دامه يبي ويفرحه هالشي سويته مع اني مب مقتنعه لحد الحين ولاراح اقتنع بس عشان ريلي ..

وحبيت اقولج بلمختصر المفيد لازم ترضين ريلج وسوي هالشي عشانه ولازم تكلمينه لاطولين اكثر من جي ترى مب زين ينام وهو مب راضي عليج كلميه وحسسيه انج غلطانه وقوليله ان غصبا عنج قوليله السالفه ...

عاد قوليلي لاتراضيتي معاه نبي انتطمن ههههههههههه ملقوفه ههه

[مجاديف الأمل]

حبيت اخبركم اني رديت بيت ريلي بس بعدها علاقتنا مشوشه وهو بعده ما يكلمني مثل قبل

ادعولي

[قلوب العذارى]

انا رايي من راي اول عضوه ردت ع الموضووع


خذيله هديه حلوه وباقه ورد راقيه وسيري لعنده

واعتذريله ،، صدقيني بحنلج ،،، بس ترا اكيد هو بعد بيعاتبج بس تحملي عادي


وفهميه السالفه ،، وقوليله انج تايبه وما بتخالفينه مره ثانيه


وان شاء الله خير

[مجاديف الأمل]

لااااااااااااااااااااااااااااااااااااااااااااااااا اااااااااااااااااااااااااااااااا

[ابتسامة قمر]

ربي يصلح بينكم

[عيون الزارعي]

لا تماطلين سيري و راضيه ...

[بهلولة]

اتسامحي منه يا بنت الحلال
لا الشرع ولا المجتمع بيوقف بصوبج
والكل بيشوفج انتي الغلطانة
الله يهديج بس