ابو مها يتكلم

**بومه عبيطه** · 2009-05-20, 23:35

المشاركة الأصلية كتبت بواسطة salamh

اختى برد عليج مرة ثانية انا من قطر مب من الامارات والله عندنا مثل ها الامور وايد وناس تعبانة ومظلومة واكيد فى الخليج كلة مب بس فى الامارات وخل الناس تكلم عندنا حرمة فى قطر ما عندها بيت وتكلمت فى البث المباشر قالت بحط خيمة على الكورنيش وبقعد مع عيالى علشان اللى يدخل قطر يشوف اشلون حالنا الحكومة ما تقصر بس المسؤلين مب مهتمين الله المستعان

عزيزتي هاي قضيه ثانيه بخصوص الدوله

انا اتكلم عن المبدأ

عن كيف صرنا نحكم بسرعه من غير ما نشوف

او نسمع الطرف الثاني

عن كيف الناس صارت بعضها تستغل الاذاعه في نشر الغسيل

نعم شي ناس فقراء بس شي ناس صاروا يستخدمون الاذاعه

والجرايد في مصالح شخصيه بحته من غير وجهه حق

**بومه عبيطه** · 2009-05-20, 23:38

المشاركة الأصلية كتبت بواسطة lailee

يعني الحين هاهنود والبنغاليين الي شوهوا سمعة بلادنا وخلوا بلادنا ادخل الي يسوى والي مايسوى عشان ع قولتهم حقوق الانسان وصاروا هالاشكال ياخذون حقهم اكثر من الي كانوا يتمنونه وجنها بلادهم عااادي الهندي يوقف فالشارع ايطول لسانه ع المواطن وجنها بلاد ابوه ولا لو صار حادث عقوا اللوم ع المواطن ما انقال عنهم شي الحين المواطن المسكين صار مجرم لو طلب شي طبعا ترى المواطنين مدلعين بسهم الي نهبوا قبل من البلاد الحين يا دور هاللوث وين الغلط ان الحرمه تطلب الها بيت ولا تخافون ترى المواطن لو طلب شي يلوعون بجبده عشان يتعاطفون وياه كونوا واثقين انهم طلعوا تاريخ اجدادهم عشان يعطونهم هالبيت واماراتنا الحبيبه من متى غيرنا خرب سمعتها ما يت علينا.

الغاليه قريت ردج والرد كله اعتراض على ان المواطن لازم يطالب بحقوقه

اوكي معاج بس

نحنا نتكلم عن قضيه الابو والام وكيف سمعنا طرف واحد وحكمنا على طول

وبدينا ندعي وما سمعنا الطرف الثاني

ومب قضيتنا ان المواطن ما عنده بيت واراضي

**lailee** · 2009-05-20, 23:53

المشاركة الأصلية كتبت بواسطة بومه عبيطه

الغاليه قريت ردج والرد كله اعتراض على ان المواطن لازم يطالب بحقوقه

اوكي معاج بس

نحنا نتكلم عن قضيه الابو والام وكيف سمعنا طرف واحد وحكمنا على طول

وبدينا ندعي وما سمعنا الطرف الثاني

ومب قضيتنا ان المواطن ما عنده بيت واراضي

لا الغاليه هي قضيتنا اعترضتوا ان الحرمه طلعت غسيل ريلها وكانها ضرت البلاد واذا ضرت ما كانت الاولى وكانت مضطره يعني شو اتم راقده بسياره هي وبنتها عشان تطلع الصوره حلوه والرياييل عقارب ايي منهم اكثر من الي تتوقعينه ياما عقوا حريم بنات اصل صبروا عليهم ع الحلوه والمره يعني مستغربه انهم ايعقون حريمهم بالشارع ليش ما بزيد ع ردي انا انسانه وااااعيه واعرف شو اكتب وتراني عمري ما قلت انا مب قصدي لا كل كلمه اكتبها اقصدها

**BnOoOtat R** · 2009-05-21, 00:20

انا بعد سمعته يوم كان يتكلم فالبث المباشر..
و قال انه غصبا عليه تنازل عن البنت و قالتله الام مالك خص فيها
ولا تصرف عليها ولا شي.. و وقعوه على تعهد انه ماله خص فيهم..

يعني بنته ضناه معقوله بيتخلى عنها او انه عيزان انه يصرف عليها
مادري والله..

**أم عبادي وحسوني** · 2009-05-21, 00:24

لازم الابو بيدافع عن نفسه الحين اونه مارضت

على الاقل هذي بنته كيف مخلنها جي بدون مكان

الله يعينهم والله

**فيصاء** · 2009-05-21, 04:38

طبعا الاب مايفضح عمره جدام الناس الله أعلم على كل الله يهدي الاب والجميع

**توته الحلوه** · 2009-05-21, 04:41

المشاركة الأصلية كتبت بواسطة عرووب 77

ترا انا اقولكم اماراتنا الحبيبه تتعرض للهجوم ووتشويه سمعه
ولاتوقفون مكتوفين الايدي وتنشروون كل شي قبل التأكد من الاخبار مثل هذا النوع
واذاكانت الام مظلومه الله يعينها هي وبنتها
واذاكان الاب مظلوب الله يعينه
والله يعين كل مسلم
الله يحفظنا ويحفظكم

**المياسه 2** · 2009-05-21, 06:58

المشاركة الأصلية كتبت بواسطة الغلـــــا

يعني الحينه يوم الميلاد شرط..؟؟انا ريلي بعد ما يعرف اعمار عياله .....وانا مااعرف اعمار اخواني..هل معناته اني مااحبهم ..؟؟يا بويه هالسوالف مب شرط.....

انا ما بتكلم ولا بحكم على الام ولكن الجنسيه اللي تيي منها الام وغيرها من الجنسيات يحبون الشوشره بدون سبب ويبغون يعيشون شرات المواطنات بنات البلاد حتى لو الريل ما يقدر......اقل شي كانت تقدر تسير المحكمه وترفع قضية نفقه على الريل وراتب لبنتها...

لو اموت ما اسير اصور بنتي وانشر صورها في الجرايد...ولا فوق هذا راكبه سياره ...لو فيها خير بتبيع السياره وتاجرلها لو غرفه وتيلس فيه ......

بسنا تشويه لصورة الامارات من هالجنسيات الدخيله علينا
والريال بعد يستاهل .....محد قاله يقلع بنت البلاد وياخذ من بره اللي ما فيهن خير...على الاقل لو قلعها ريلها بترد عند اهلها معززه مكرمه..

البعض مب الكل علشان خواتنا اللي في المنتدى ما يزعلن

الغاليه

هاي الحرمه نص حريم دبي يعرفونها وانا اعرفها والله انها فقيره وفي حالها ومن زمان
تركض شرق وغرب عشان تعيش هيه ويا بنتها

انا ما اعرف الريال بس مثل ما قلت قبل صار لي موقف وياها يوم طلبت مني خدمه وهيه راسا في الارض
هالكلام من زمان وما رمست عن ريلها قالت بس انها في خلاف ويا ريلها وقابض عنده اوراق بنتها الرسميه والحمد لله قدرت اساعدها

لو تعرفين الحرمه جان ما قلتي جيه انا اعرف وين ساكنه المنطقه اللي كانت فيها زين الله حفظها هيه وبنتها من اللي ساكنين هناك

ويوم البنت كانت صغيره كانت في الصالون ويا امها

وانا انقطعت عن الصالون وعلى فترت تميت اسير وما كنت اشوفها وعقب مول ما سرت

لا تظلمون الحرمه والله مسكينه صبرت سنوات ومن حقها ترمس الحين

انتي لو تشوفين الحرمه جان بتقولين فعلا انقص عليها مب هيه قصت عليه

واللي تبغي تشوه سمعة رياييل لبلاد ما تسكت 13 سنه من تربي ويودرها ويبهدلها بتفضحه لكن هالحرمه سترت عليه كل هالسنين

الله يهديه

**algalb** · 2009-05-21, 07:09

يـــــــــــــــــــــــــــــاجماعه الخير خلاص خـــــــــــــــــــــــــــــــافوا ربكم يكـــــــــــــفي تجريج وذم في الناس حــــــــــــــــــرام عليكم محاسبين في كل كلمه قلــــــــــــــــــــــــــــــــــــتوها يعني الحــــــــــــــــــــــــــــين بتقدمون ولا بتأخرون شي ؟؟؟؟؟؟؟؟؟؟؟

قال تعالى
"ومـــــــــــــــا يلفظ من قــــــــــــــــــــــــول الا لديه رقـــــــــــــــــــــــــيب عتيد"

**هيام3** · 2009-05-21, 09:20

والله اني من قريت المقال حسيت ان السالفة كلها عشان السورية اتحصل بيت

**أم أسماء** · 2009-05-21, 09:29

وأنا أؤيد إللي قالته الأخت المياسه 2

فعلا أم مها محتاجة وحالتها صعبة وسمعت بحالتها قبل لتنشر في الجريدة من معارف ساكنين حذال البيت إللي كانت مستأجرة فيه غرفة

الله يفرج عليها وعلى جميع المسلمين

**لـيديUAE** · 2009-05-21, 09:40

المشاركة الأصلية كتبت بواسطة المياسه 2

الغاليه

هاي الحرمه نص حريم دبي يعرفونها وانا اعرفها والله انها فقيره وفي حالها ومن زمان
تركض شرق وغرب عشان تعيش هيه ويا بنتها

انا ما اعرف الريال بس مثل ما قلت قبل صار لي موقف وياها يوم طلبت مني خدمه وهيه راسا في الارض
هالكلام من زمان وما رمست عن ريلها قالت بس انها في خلاف ويا ريلها وقابض عنده اوراق بنتها الرسميه والحمد لله قدرت اساعدها

لو تعرفين الحرمه جان ما قلتي جيه انا اعرف وين ساكنه المنطقه اللي كانت فيها زين الله حفظها هيه وبنتها من اللي ساكنين هناك

ويوم البنت كانت صغيره كانت في الصالون ويا امها

وانا انقطعت عن الصالون وعلى فترت تميت اسير وما كنت اشوفها وعقب مول ما سرت

لا تظلمون الحرمه والله مسكينه صبرت سنوات ومن حقها ترمس الحين

انتي لو تشوفين الحرمه جان بتقولين فعلا انقص عليها مب هيه قصت عليه

واللي تبغي تشوه سمعة رياييل لبلاد ما تسكت 13 سنه من تربي ويودرها ويبهدلها بتفضحه لكن هالحرمه سترت عليه كل هالسنين

الله يهديه

وحليلها انا بعد حسيت جيه
مافي انسان يطلع وايصور نفسه
الا اذا هو في قمه الاحتياج
وللاسف البعض ايقول هي تنازلت
هي مادرى شو

والله اني من قريت المقال حسيت ان السالفة كلها عشان السورية اتحصل بيت

لا حول ولا قوة الا بالله
ارحموا من في الارض
يرحمكم من في السماء !!

**أم منــصور** · 2009-05-21, 11:27

اكيد الابو يوم شاف الكل واقف معاهم اتحسف و قال خل اسوي عمري مسكين يا اختي خلي الناس تترزق كل انسان الله كاتب له شي فالدنيا قبل ما ينولد و هذا رزقهم من عند الله

الله يخلي اهل الخير و حكومتنا للناس كلهم مب بس الاماراتيين

**عيون غزلان** · 2009-05-21, 11:48

ليش تدعين عليها ما تتهنى
هذا رزق وياها
واذا كانت ظالمه للريال الله يسامحها

**ام هدويه** · 2009-05-21, 11:52

الله يستر على الجميع

الموضوع: ابو مها يتكلم

أدوات الموضوع

عرض

المواضيع المتشابهه

القبر يتكلم القبر يتكلم القبر يتكلم

ليش يتكلم من ورااااااه ؟!

أبا ببغاء يتكلم

متى يتكلم الياهل!