!!!! أمــــــســـــــــــــات !!!!

**Class Lady** · 2009-05-20, 20:32

أمسات = جمع أمس

**أم سعيد 15** · 2009-05-20, 20:35

عادي فديتج الكل يقولها
مثل كلمة ناس و( ناسات )

**باوليتا** · 2009-05-21, 15:43

مشكورات على الامساااااااااااااات

بعد ناااس وناسااات !!! اول مره هاي نسمعها ..!!! يمكن لاني قاعده فالبيت ما اعرف شو اخر تطورات البنات واختراعاتهن ؟؟؟

**العذوب** · 2009-05-22, 00:00

المشاركة الأصلية كتبت بواسطة باوليتا

مشكورات على الامساااااااااااااات

بعد ناااس وناسااات !!! اول مره هاي نسمعها ..!!! يمكن لاني قاعده فالبيت ما اعرف شو اخر تطورات البنات واختراعاتهن ؟؟؟

لا يا اختي هذي موب اختراعات البنات

أمسات كلمة دارجة عند أهل المنطقة الغربية وبوظبي بالدرجة الاولى ..

طبعا اقصد أهل بوظبي الاصليين

ومعناها قبل يومين .. أو في الكم يوم اللي مروا

يعني إذا متلاقي شخص بشخص قبل اسبوع

ممكن يقول : أمسات شفت فلان

نحن أهل بوظبي نعرفها .. بس اغلب أهل الشمالية يديدة عليهم ..

اختلاف اللهجات يلعب دور ترا ..

والسموحة

**عيون عسليه** · 2009-05-22, 00:09

هههههه انا دوم يوم ارمس اقول امسات اقصد= قبل كم يوم بس ربيعتي تتحراني اقصد =البارحه

**باوليتا** · 2009-05-22, 15:27

thanX 3la almro0or

**تاج الروس** · 2009-05-23, 00:04

انا من هل الشمال بس هالكلمة موجوودة عدنا و وايد نقولها ما يخصه هل بوظبي و لا هل العين .. هاي الكلمة موجوودة في كل الامارات بس مب كل حد يقولها او يعرفها ..

و مثل ما تفضلن الاخوات و قالن انه مب معناااها أمس

معنااها قبله بيوم او يومين او ثلاث الى سبوع حتى ..

**باوليتا** · 2009-05-23, 00:05

ثااااااااانكس تاج الروس على المرور يو ويلكم

**أم ود!د** · 2009-05-23, 00:51

ههههههههههههههه

أحن دوم انقولها

وفعلا نقصد فيها قبل كم يوم

ههههههههههه

ذكرتوني بكلمة

نشقح

بنات الامارات الشمالية دايما يقولونها في الجامعه
ويقصدون فيها نعفد كخخخخخخخخخخ

**غرورعبدالله** · 2009-05-23, 01:02

هههههههه
هيه مثل ما قالو البنات
قبل كمن يوم= امسات

بس ناسات يديده عليه هههههه

**باوليتا** · 2009-05-23, 15:52

مشكوره يا غرور على المرور هههه قصيده صارت

**قلبي ♥ اسيرك** · 2009-05-23, 16:27

السلام عليكم

هاي الكلمه ما كانت موجوده من قبل ,, احس يايه من برع الامارات " دخيله هع هع "

ما قد مره سمعنا يدودنا يقولون امسات .. ولا حتى ابهاتنا وامهاتنا ..

**زلال2008** · 2009-05-23, 17:28

نحن وايد نقوولها

**alreem** · 2009-05-23, 17:47

نحن من زمااان انقولها شواب دووم ايقولونها ..
غريبه محد يعرفها والاغرب البنات اللي يقولونه انها دخيله
الكلمه معروفه عدنا في العين وبوظبي والغربيه .. لا دخيله ولا شيء

**fija** · 2009-05-23, 17:58

أمسات تنقال لما نقصد قبل كم يوم
وأمس تنقال لما نقصد البارحه أول قبل يوم بالضبط

الموضوع: !!!! أمــــــســـــــــــــات !!!!

أدوات الموضوع

عرض