مشكلتي مع الرقااااد

**الـغااويـه** · 2009-05-19, 22:42

مرحبا خواااتي .. العزيزات ..
والله اني محتايه دعاويكن .. خلااص مليييت ..
مشكلتي بدت يوم بغيت اعيد الثنويه .. عسب ادخل الجامعه واكمل دراستي . لاني انا عرست ويوم خت الثنويه كانت نسبتي في الستين . طبعا عيون وصلتني لهالحاله الناس .. انه كيف وصلت ارادتي لهالدرجه ؟؟
هالسالفه صارتلي من 3 سنين ..
سرت امتحن الثنويه العامه .. ثالث امتحان مارمت اكمله .. خلاص ماياني رقاد يوم كااااامل .. اتخبلت .. قلت مابسير امتحن .. ريلي وداني المستشفى وعطوني مهدئات ومنوم .. ومارقدت .. وراسي كان بينفجر .. ريلي قالي خلاص ودري الثنويه مب لازم اتعيدينها ..
لين وقت الشهايد .. شفت درجاتي كلها كانت في الثمانين .. اتفاجئت .. وقلت خلاص بكمل .. وعطوني تقرير طبي .. واللي في المنطقه قالت انا بساعدج وسيري وامتحني .. يوم خبرت ريلي .. اتخبل .. قالي انتي ما اتيوزييين ؟؟ خلاص لا اتكملين .. المهم مرت الايام .. وعدت ع السالفه 3 سنين .. وليوووومكم هذا ما اييني رقااد .. في اليوم يمكن ارقد 3 او 4 ساعات بسسس ..
مع اني واااااايد مع ربي .. الحمدلله ما اخلي لا فرض ولا سنه ولا النوافل .. سرت العمره كم مره ودعيت ربي .. قريت ع ماي زمزم .. سرت عند المطوع يقرا علي .. وربي شاهد اني لاسرت عند الدجالين ولا عند السحره .. مع انه وايد ناس قالولي سيري يمكن امسويلج سوا .. وانا ماطعت ..

حليلهم عيالي الاثنين في الثنويه .. بدال لا اذاكر وياهم .. صرت اكره الدراسه من عقب ماصارلي .. وما احب ازخ الكتاب .. وراسي يعورني وما اروم ايلس وياااهم

الله يخليكن بنات .. ادعولي ارقد من هالليله .. لاني والله تعبت ..

المزيد من آخر المواضيع من نفس القسم:

**fija** · 2009-05-19, 22:53

أختي ليش ما تسوين تحاليل طبية، ترى بعض الأحيان نقص افراز بعض الهرمونات أو زيادة إفرازها يسبب أرق، وقلة نوم..
ولا تحسبين أن قلة النوم سهلة، تراها خطيرة وتأثر على الصحة والتركيز وايد.. والانسان ممكن يصبر عن الأكل بس ما يصبر عن النوم..
رأيي .. لا تهملين عمرج، وسيري وافحصي، وعليج بالأذكار، وفي نصايح في النت عن الاسترخاء والتنفس، تسوينها قبل النوم ونصايح وايد مثل انج تسيرين الفراش في وقت معين.. وهذي بتلقينها في النت بس دوري في جوجل..
وما تشوفين شر إن شاء الله.

**شجون اليالي** · 2009-05-20, 00:54

هيه صح سوي فحوصات وتحاليل لاتهملي عمرج

والله يفرجها وان شاء الله تردي مثل قبل واحسن

**أم ميثوووه** · 2009-05-20, 10:16

راي من راااي البنات سوي تحاليل

وربج كريم

**maha99** · 2009-05-20, 10:22

لما شكا اليه صلى الله عليه وسلم خالد بن الوليد الارق علُمه

( اللهم رب السموات وما أظلُت , ورب الارضيين وما أقلُت , ورب الشياطين وما أضلُت , كن لي جارأ من شر خلقك

اجمعين أن يفرط عليُ أحد منهم أو أن يطغى , عز جارك وتبارك اسمك ) .

فقالهن فنام .

ولمٌا شكا اليه زيد بن ثابت ذلك قال له قل ( اللهم غارت النجوم وهدأت العيون وأنت حيُ قيوم لا تاخذك سنة ولا نوم

يا حيُ ياقيوم أهدىْ ليلي وأنم عيني )

فقالها فأذهب الله عنه ذلك

من خواص سورة عمً , من طال عليه السهر يقرؤها ويكرر قوله تعالى ( وجعلنا نومكم سباتأ )

دمتي بعافيه ونوما هنيا بأذن الله

**خياره** · 2009-05-20, 13:36

شربي ينزبيل
قريت في وحده مثلج ما ترقد
ويوم انتظمت على شرب الينزبيل
ارتاحت

**الـغااويـه** · 2009-05-20, 20:16

تسلمن يابنات ع الدعاوي الطيبه ..
وعن الفحوصات .. تراني الحمدلله سويتها من كمن شهر .. وقالولي مافيني اي شي

**~Senzi~** · 2009-05-20, 21:43

حبيبتي يمكن انتي توسوسين بهالشي ..

تعوذي من ابليس فديتج .. واقري الادعية اللي حطتهن الاخت .. maha99

وان شالله مافيج الا الخير

**الـغااويـه** · 2009-05-22, 23:53

والله اني ما اوسوس .. ولا افكر ولا احااااتي اي شي ..
والحمدلله هالادعيه انا اعرفها من زماااان .. والاستغفار .. دووووم مسباحي بايدي .. والله اني مب مقصره في حق ربي ..

بس ما اعرف .. يمكن هذا ابتلاء من ربي .. ويبى يقيس صبري .. الله يداااويني يارب

**جرح الغلا** · 2009-05-23, 00:15

اختي اقري هذا الدعاء قبل لا ترقدين وتمي ردديه الين اييج الرقاد

" اللهم اعود بك من غضبك ومن عقابك ومن شرور عبادك"

وان شاء الله الله يعافيج

انا كنت مثلج والحمدلله صار نومي احسن

**&0_0&** · 2009-05-23, 00:27

يالله

حزنتيني والله شو هالخبريه

الله يشافيج يا رب

يا رب الله يشافيج

الموضوع: مشكلتي مع الرقااااد

أدوات الموضوع

عرض

مشكلتي مع الرقااااد

المزيد من آخر المواضيع من نفس القسم:

المواضيع المتشابهه

مشكلتي مب من حياتي الزوجيه مشكلتي باللي ساكنه معاي بالبيت

مشكلتي مع ولد عمي

مشكلتي