الله يجزيكم الجنه كيف اشتري من موقع ebay

[سيدة الحضو]

هلا حبيباتي ما ادري شلي يخليني كل يوم ادخل المنتدى كذا مره

بس هالمره ابيكم تساعدوني عشان اشترى من موقع ايبي خذت بطاقه النت اللي من البنك وحطيت فيها رصيد الحين كيف اشتري ؟
؟؟؟؟؟؟؟؟؟؟؟؟؟؟؟؟؟ علموني تراني ما اعرف وخلى غيري يستفيد واللي تعلمنا رجاء ادعولها باللي تباه اتفقنا

المزيد من آخر المواضيع من نفس القسم:

• الشارقة
• ممكن مواقع تبيع شنط DKNY
• موقع يرجع نسبه اذا طلبتي من المواقع
• سويتوو sweetoo
• هل هذا الموقع موثوق؟
• الشحن للامارات ومكسب
• كيف طريقة الشراء من موقع I herp
• ترجيع ملابس مت موقع كوزي كوكون
• عطوني مواقع اتشرا منها للعرس
• اكواد خصم

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[حصه دبي]

أنا الصراحه سرقوني 13000و نصيحه لا تاخذين منهم شي بلادنا فيها كل شي و يوم راجعتهم ماشي فايده قالولي قدمي بلاغ في الشرطه و في ذمتهم حسبي الله و نعم الوكيل عليهم

[fifi_girl]

مم.. في تاجرات يقدرن يساعدنج مثلن انتي تقولين اسم الموقع و شو طلبج وتحوليلها عالأنصاري ويسترن وينيون اظني وهي تطلب و تجهزه ف بوكس و اطرشلج ياه عبر بريد الإمارات هع

ان شاء الله افدتج

[الحلاه]

مرحبا اختي .. بخصوص الشراء من النت .. انا اشتري من مواقع معتمدة و تتعامل بنظام الامن الخاص بالموقع بصفة عامة و بالبطاقات بصفة خاصة ، و اشتركت بخدمة اسمها PAYPAL , و هي عبارة عن نظام تشفير للبطاقات الإتمانية بحيث تشترين من أي موقع من النت من غير ما يعرفون معلومات كاملة عن البطاقة حتى لا يساء استخدامها او سرقة ما فيها و الاشتراك في PAYPAL عملية طويلة شوي لانه لازم تدفعين مبلغ رمزي يمكن كم دولار من نفس البطاقة و ينرد لج عقب و بعدين ايطرشون بالبريد رقم خاص بتفعيل الاشتراك ضمن فاتورة البطاقة من البنك المصدر للبطاقة لضمان انه انتي صاحبة البطاقة و من ثم يتسجل لج حساب عندهم تستخدمين من خلاله كل مشترياتج بواسطة التشفيرو هذي اكثر الطرق فعالية و المواقع اللي تستخدم هذي الطريقة اتحط رمز الخدمة عند الصفحة اللي بتشترين منها.

ني الحين لموقع ال EBay و هو موقع بيع و موقع مزادات لازم تشتركين في الموقع عشان تقدرين تشترين من الناس اللي تبيع فيه يعني البائعين من مختلف انحاء العالم مشتركين في الموقع و يعرضون بضايعهم و الشرايين نفس الشي من مختلف الاماكن يعني هي شركة تجمع مختلف التجار او حتى الناس العاديين اللي يبون ايبيعون اغراضهم عبر الموقع ، بعد ما تشتركين في الموقع و ادخال بيانات صحيحة عنج يستوي لج حساب في موقع ال ebay و يكون لج اسم رمزي انتي اتشوفينه و البائع و ما يعرفونه الباقين اذا كنتي بتشترين شي من المزاد لضمان الخصوصية.
رابط الاشتراك في موقع ebay :

https://scgi.ebay.com/ws/eBayISAPI.d...isterEnterInfo

اذا كانت البضاعة للبيع فقط تقدرين تشترينها من خلال الضغط على زر PAYNOW و تكملة الاجراءات و حسب البائع اذا كان يقبل الدفع ب PAYPAL أو بالبطاقة مباشرة او اي طريقة اخرى و تعتمد على البائع و تكون الطرق مذكورة في نفس صفحة البيع ، اما إذا كان مزاد تشتركين في المزاد و اذا كنتي صاحبة اكبر قيمة للدفع و انتهى وقت المزاد تكونين فزتي بالبضاعة و تكملين اجراءات الدفع

تقدرين تطلعين على طرق الدفع من خلال:
http://pages.ebay.com/help/pay/methods.html

بعد ما تختارين طريقة الدفع و تحديد طريقة التوصيل و يذكر ايضا اذا عنده خدمة توصيل للإمارات قبل ما تشترين و كم تكلف عن طريق و صلات متاحة ايضا في نفس صفحة البيع لانه بعضهم بس في امريكا او غيرها و ما ايوصلون للإمارات و بعد الدفع النهائي يقوم البائع بتجهيز البضاعة لارسالها للمشتري و طبعا كل هالامور مطلع عليها البائع و هناك خدمة ترك رأي البائع و المشتري بعد ما يشتري و تكتب بارقام بعد الاسم الرمزي و كل ما زاد الرقم يعني هذا التاجر بايع عدة مرات و ضغطي على الرقم بيطلع راي المتعاملين معاه وتكون هناك نسبة مئوية للرضا العام لهذا التاجر و طريقة التواصل بينهم لانه ممكن من خلال الموقع بعد الشراء يتم التراسل بين البائع و المشتري بس قبل ذلك ما تقدرين اتشوفين الايميل الخاص فيه إذا لم يذكر في الصفحة ، و احيانا مباشرة بعد الشراء يؤخذ عنوانج من البيانات اللي سجلتيها اول مرة عشان يرسل
البضاعة اللي اشتريتها لج.

انا اشتريت من المواقع و دائما اقرأ رأي اللي اشتروا من هذا الشخص قبل الشراء عشان اضمن انا اغراضي بتوصل في الوقت المحدد و ما بتتأخر.

الموضوع وايد سهل اشتركي في الموقع و اشتري البضاعة بواسطة البطاقة بعد قراءة المطلوب و إذا بغيتي اي شي انا حاضرة.

نسيت اقول انه اي شراء من النت و بيكون دخوله للدولة بواسطة الجمارك و تزيد قيمته عن ألف درهم تقريبا 264 دولار لازم تندفع عليه رسوم جمارك لما بتوصل الاغراض مع المراسل من شركات التوصيل و بيخبرج اذا عليه رسوم او لا .. طبعا انا دايما احاول ايكون اللي بشتريه اقل عن الف درهم بس اذا شي ظروري و عايبني ندفع شو نسوي .. رسوم الجمارك الموحدة و تقريبا توصل 180 درهم لاول الف درهم و بعدها اظن 10% من قيمة المبلغ الإضافي .

ادري بالتفصيل الممل بس التفاصيل في هالامور مهمة .

[بنوتة السلع]

ماشاء الله عليج ختيه الحلاه كفيتي ووفيتي
إن شاء الله تستفيدين ختيه سيدة الحضو

[cute uae]

ماشاء الله عليج ختيه الحلاه كفيتي ووفيتي
إن شاء الله تستفيدين ختيه سيدة الحضو

[cute me]

للرفع ..

[امة الرحمان]

بنوتة السلع
ماشاء الله عليج ختيه الحلاه كفيتي ووفيتي
إن شاء الله تستفيدين ختيه سيدة الحضو

[saso_lolo]

شوفي يا أختي اللي أعرفه انك عشان تشتري من ebay و Amazon والمواقع المشابهه لهم لازم يكون عندك عنوان أمريكي وفي مواقع كتير بتوفر هذة الخدمة منها موقع www.viaddress.com/ الشهير وهو مثل Myus و Shipito و Bongous
بس المميز فيه ان التسجيل فيه مجاني والعضوية مجانية مو مثل باقي المواقع السابقة التي تتطلب مصاريف للتسجيل ومصاريف تخزين اذا تجاوزت عدد الأيام المسموح بها بمجرد التسجيل بيعطيكي عنوان أمريكي واذا بدك بيعطكي كمان تليفون أمريكي وانتي بترسلي البضاعة عليهم بعدين هما يرسلوها على بلدك عن طريق DHL و Fedex و UPS و USPS وكمان فيه معلومة كثيييييير
مهمة انو الضرائب اللي بتضاف على المشتريات بتختلف من ولايه لأخرى يعني لو انت استقبلت على عنوان في نيويورك مثلا هتختلف الضريبة عن انك تستقبل على عنوان اخر في ولاية مثل اريزونا مثلا أنا طبعا ما بعرف نظام الضرائب عندهم بس هالشركة بتستقبل على ولايه انديانا عشان موضوع الضرائب فتأكدي أولا قبل الشراء عشان ما تدفعي ضرائب مرتفعة عموما أنا بس حبيت أضيف هذة المعلومات عشان الكل يستفيد تقبلي مروري

[الجنة طموحي]

موفقة ان شاء الله

[hind25]

للرفع

[zezenya]

موفقه