شهر العسل في البلاد...............

**فجر الندى** · 2009-05-18, 12:26

مرحبا خواااااااتي انا وريلي ناويين انشا الله بعد العرس في شهر 8 نقضيها في البلاد لأنه رمضان عالأبواب وهو ما يبا يسافر بسبة المرض المنتشر الله يعافينا
والحين ابا رايكم في قضاء 10 أيام في أحلى الأماكن في البلاد انا قلت نروح جزيرة داس ونزور بعض الفنادق اشيروا علي بأحلى الأماكن لقضاء 10 أيام وجوده معاي يسوى الدنيا كلها وانشا الله نستانس

المزيد من آخر المواضيع من نفس القسم:

**fake dream** · 2009-05-18, 12:45

الحال من بعضه لووول

**فجر الندى** · 2009-05-18, 13:06

يزاكم الله خير

**الدلوعة111** · 2009-05-18, 13:11

بنا شو رايكم انسوى جدول لمدة اسبوعين لان الكل السنة ما بسافر وبروح انحاوط ف البلاد
بالفنادق والاماكن السياحية والمطاعم وكل امارة وشو فيها شو رايكم

**لمعة خرز** · 2009-05-18, 13:18

مبروووووووووووووك...والله ما اعرف شيكو مع مكاتب السياحة في الدولة

**الحلا مبتليها** · 2009-05-18, 19:01

من رايي تقدين بوظبي يومين بالفندق إلي يعجبج ومنه تقدرين بهاليومين تتمسين بوظبي والعين

وبعدها 5 تيام بدبي بالفندق إلي تختارينه وتقدرين تروحين دبي مول عن الاكورايم ومول الامارات السكي والحدائق وخاصه بالمسى والمرسى والممشى ...

والمراكز شكثر انتي اختاري

هذيله 7

و3 تيام روحي الفجيرة عندهم منتجعات شكثر واتمشي فيها ...

مممم الاسبوع الياي إن شاء الله بروح 3 تيام دبي و3 دبي ويالسه إدرو الاماكن الحلوة بدبي وبوظبي والمطاعم بعد خذت نصيب من البحث ...

وبدبي طبعا الاماكن اكثر لانه بوظبي ما احس فيها اشياء وايد كثر دبي

وبالتوفيق الغلا

**أنامل طفلة** · 2009-05-18, 20:37

انا بعد عرسي اول 7

وكنا مقررين نسااافر لماليزيا بس كنسلنا واللحين يالسه افكر في دولتنا الحبيبه ...

حبيبتي .. انا للحين ما استقريت ع شي ... بس بسااااعدج باللي وصلت عليه

اول 3 ايااااام في جميرا

انا حاطه في بالي نحجز عند شاليهات دار المصيف ...

شفت صورهن في النت وعيبني بصرااااااااااحة
وبعد هال3 ايااااام

اللي اكيد بنتحووووط فيها....

بنروووح بوووظبي عند جزيرة الفطيسي ...

بنيلس 3 اياام هنااك ان شااءالله ،،

.....

وعقب بنروح خورفكـــــــان او الفجيرة وللحين ما دورت وشفت الفناادق وجيه >.<

.........

ان شااااءالله بعد البنات يفييدوووونج ويفيدووووووووونا ^^

**دوده ومحوشه** · 2009-05-18, 21:22

ألف مبروك مقدما

الغالية .. عندنا في البلاد فنادق روووووووووووعة

نصحيتي لج بالفنادق التالية :

فندق باب الشمس بدبي

بصراحة من أحلى الفنادق اللي سرت لها

فندق المها الصحراوي بدبي

ها الفندق خاطري به .. وكنت بحجز بالصيف

بس للأسف ممنوع اصطحاب الأطفال .. الا اللي أعمارهم فوق ال12

فندق ديزرت بالم بدبي

وراء الدراغون مول

فندق أتلانتس بدبي

والفترة الياية عندهم عرض

وأنا حاجزة ع الشهر الياي

فندق الميريديان - العقة صوب دبا

حلو الفندق

فندق ميرامار بالفجيرة

ان شاء الله بالصيف بسير له

فندق الكوف برأس الخيمة

حلو استايله .. وان شاء الله بشهر 7 بنسير له

وان شاء الله أكون فدتج

**Miss Cavalli** · 2009-05-19, 01:03

يالله الحين تمون في البلاد و ان شاء الله السفر معوض في الشتاء اذا الله راد ..

عندج كم مكان ترومين تسيريله .. و طبعا لنه بلادنا صغيره يعني ترومون تسوون جدول كل يومين مكان ..

عندج الفجيرة و راس الخيمه و العين .. هالثلاث اماكن هاديه و حلوة .. و فيها منتجعات و فنادق حلوة ... مثل الكوف روتانا في الفجيرة و جال و ميريديان الفجيرة و ميرامار بعد في الفجيرة و العين شي فنادق بعد .. ترومون و مثلا تختمون الجولة في فندق راقي مثل قصر الامارات في بوظبي او القصر في دبي .. او مينا السلام في دبي ... خذي لفة في القسم و بتشوفين اشكثر فنادق حلوة في بلادنا ..

**ام ريومي** · 2009-05-19, 06:21

المشاركة الأصلية كتبت بواسطة الدلوعة111

بنا شو رايكم انسوى جدول لمدة اسبوعين لان الكل السنة ما بسافر وبروح انحاوط ف البلاد
بالفنادق والاماكن السياحية والمطاعم وكل امارة وشو فيها شو رايكم

وياااااج في هالفكرة الغالية

**ReMo** · 2009-05-19, 14:22

اول كم يوم اقضوها ف مكان قريب من مدينتج

يعني اعتقد انج من راس الخيمة او الفجيرة

عندج
فندق جال الفجيرة نظيف وهادي << جربته
فندق ميريديان العقة
فندق مايامار

بعدين سيروا صوب بوظبي ولا دبي..

مثلا بوظبي..

عندج

قصر الامارات
شانغريلا قرية البري

واذا الميزانية تسمح سيروا منتجع جزر الصحراء.. اللي ف محمية جزيرة صير بني ياس

النقل يكون بالتنسيق مع الفندق او الجهة اللي بتسوي لكم الحجز وبالمرة احجزي للانشطة هناك..

والنقل نوعين
جوي من بوظبي
او
بحري من جبل الظنة

وحرام تظربون خط الين هناك وانتوا معاريس بوظبي عليكم اقرب..

والصراحة هذيل من اروع فنادق بوظبي

ف دبي

فنادق مدينة جميرا (مينا السلام وغيره)
فنادق داون تاون برج دبي ارخص لانها اربع نجوم وخمس نجوم بس كلها يديدة (المنزل وقمر الدين والعنوان)
فندق ديزرت بالم بحوض سباحة خاص هذا قرب الدراغون مول
باب الشمس والمها معروفين للهني-موووونر
وبالبركة عزيزتي

**ام منيصير** · 2009-05-22, 01:10

اتمشي ف هالفنااادق والنتجعااات ومبرووووووووووووووووك ع العرس وربي يتممه ع خير

**ماماة الامارات** · 2009-05-26, 01:56

ما انصح المعاريس يروحون جزيرة الفطيسي .... بسبب الغرفة ..... الصراحه اقل من العاديه واذا بقيمها حتى نجمه وحده ما تستحق ..... وريحتها مش حلوة ..... وحتى الاكل ما عجبني ..... وبعد يمكن والله اعلم انه فيه الصيف بتكون الجزيرة وايد حارة .... عالعموم انا ما عجبني المكان وما فيه فعاليات تذكر

اما بخصوص الاقتراحات فأنا بذكرلكم بعض الاماكن وكل وحده ترتب حسب اللي يناسبها

مرسى دبي

قناة القصباء في الشارقة

حديقة الممزر في دبي ( مفتوحة على البحر .... وااااااااو قمة الرومانسية فالليل )

ذ ووك .... الممشى في دبي

حديقة منتزه الجزيرة في الشارقه خخخخخخخخ مال اول بس حلو حق التمشيه خاصة المعاريس يحبون يتمشون ويسولفون

فندق ديزرت بالم في دبي لانه فيه حوض سباحه خاص وكبير وااااااااااااااو

فندق ارجان روتانا لانه فيه حوض سباحه متوسط الحجم وخاص بالغرفة موجود في البلكونه ( مش كل الغرف فيهن )

في العين الفندق اللي فوق جبل حفيت

وفي العين بوادي مول والعين مول والجيمي مول وسوق الزعفرانه حلووووو

ميريديان العقه في الفجيرة ومطعم تاج محل في خورفكان اعتقد او الفجيرة ..... والتمشية على الشاطي هناك واااااو

وفي دبي النافورة المرتبشه خخخخخخخخخ صوب مول دبي ......

وبعد ممكن تركبون القوارب في الفيستفال سيتي

وبالتوفيق

**وردة ابلادي** · 2009-05-26, 10:06

صدقها الحلا مبتليها ... و صدق اذا بسيرين الفجيره ,,, عليج بفندق جال الفجيره ,,, على البحر ,, مكان رومنسي والله ,,, بسيرله في تاريخ زواجي ,,,,

**فجر الندى** · 2009-05-26, 10:55

مشكورين خوااااااااااتي عالردود الحلوة
وبالتوفيق جميعا

الموضوع: شهر العسل في البلاد...............

أدوات الموضوع

عرض