قصة ولادتي ...

[نونوتي_2007]

مرحبا كروشااات & امهااات

طبعا اخيرا تشجعت وقررت اكتب لكم قصة ولادتي ^_^

موعد ولادتي المتوقع كان : اول 4 بس انا ربيت بتاريخ 19\3

كان كل شي عندي اوكيه بفترة حملي لكن من دخلت السابع صار عندي فقر دم وصل 8

المهم بتاريخ 19-3 كنت راقده لين الساعة 1 ونص ونشيت من رقادي على اساس اني

ابغي ارووح الحمام ( عزكم الله) ورجعت اكمل رقادي حسيت اني ابغي ارووح الحمام مره ثانيه

وقبل ما اوصل الحمام حسيت بشي نزل مني قلت معقوووله ما حسيت بعمري !!!

وعقبها ياني الم بسيط وراح ورجع الماي ينزل لي بس انا مب مستوووعبه شي - وكل شووي

ينزل بزياااده قررت اقعد ريلي من الرقااد وقالي يلاا المستشفى قلت له اصبر بخبر اختي

قامت اختي واتصلت بالدكتوورة - جان تقووول الدكتووره خليها تمشي لا تيبينها الحين

اهي بجر واكيد بطوووول فولادتها والالم عندي يزيد والماي ينزل اكثر

بهالحظه وصلت امي وقالت لي يلاا المستشفى

وسرت المستشفى وعلى طووول دخلووني غرفة الولاده وحطووولي الجهااز وطلعت عندي

تقلصات الولاده وشيكت النيرس ع الرحم وشافته فاتح 2 وقالولي بعدني مطووله

وسبحاااااان الله الساعه 5 العصر فتح عندي الرحم 10 سانتي وبدت سواااالف البووووش وغيرها

لين الحين كل شي سليم ... وراس بنتي قرب يطلع .. لكن بلحظة غير متووووقعه

تغير وضعية بنتي وحاااولت الدكتووورة تعدل الوضعيه بس ماشي فااايده

دقات قلب بنتي بدت تقل والنفس قل عندي فأاضطروا انهم يدخلوني العمليات لاني انا وبنتي

كنا بنروح فيها ... وبهذي اللحظه شيكوولي ع الدم والصدمه وصل دمي 7

رفض دكتووور البنج يدخلني غرفة العملياااات قبل ما يأمنووون لي دم خافوا تصير عندي

مضاعفات ف العمليه .. والمستشفى ما عندهم دم لاني ربيت بخااص

فطلبووولي دم من الحكووومي ولين ما وصل الدم صارت الساعه 9

فدخلووني العمليات وبنجووني بنج كااامل وربت والحمدلله

فعلا اضطروا ينقلوون لي دم ف العمليات وعقب ما طلعت

يعني بالمختصر انا بولاده وحده جربت الطبيعي والعمليه

والله يسهل على كل حاااامل يااااارب

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[شجون_الإمارات]

الحمدلله على سلامتج

والله يسر على كل حامل ولادتها يارب

[*أم لولي*]

الحمدلله على سلامتج ومبروك ماياج
ذكرتيني بولادتي أنا نفس الحاله كنت
الرحم فتح لين 10 سانتي والراس
فريب يطلع كل ماأضغط عشان تطلع
نبضها يخف عقبها قالو لازم عمليه
ولا بتخسرين البيبي دخلوني العمليات بثواني طلعو البنت مزرقه فديتها
الحبل السري كان ملتف على رقبتها ثلاث لفات صح أني أنا تعبت وجربت الولادتي بس كل يهون عشان سلامت لولي

[BabY_Sol3eiah]

الحمد الله على سلامتج و سلامة البيبي

و مبرووك عليج البنوووته الحلوه و تتربى في عزكم ان شاء الله

[دلوعته00]

حمدلله على سلامتج


وعقبااااااااااااااااااالي

[روزي حمرا]

الحمدلله على سلامتج نونوتي ,,,,,,,,,وتتربى البنوووته في عزكم ان شاااء الله...الله يخليها لكم,,,,

[غلاتي أنا]

حمدلله على سلامتج

[أنا مسلمه]

تستاهلين السلامه الغاليه .. وفعلا الووحده لازم ماتهمل عمرها وتستهين بفقر الدم ..

لان خطر جدا .. عادي يسبب الوفاه لو صار نزيف .. حتى دكتورتي تقول الحامل لازم يوصل دمها 14

وربي يحفظ بنووتج من كل شر يارب العالمين

[♥ღ♥]

الحمدلله على سلامتج
سبحان الله صار فيني نفس الشي
بس انا فتح عندي 5 وماطاع يزيد
والبيبي تعبت وااايد
إتخيلي بعدها مانزلت في الحوض وهم عطوني طلق صناعي
وعقب على طول بنج كامل وعملية

[sam dubai]

الحمدالله على سلامج وسلامة البيبي...وما تشوفون شر أن شالله..

والله يسهل على كل الكروشات أن شالله...

[thariya]

حمدلله على سلاااااااااامتج من متى ادخل عالقسم,,واشوف واقول متى ربت ...
حبينا نبارك لج والله يحفظ بنووووووتج من كل شر,‘

[غاية الضوء]

الحمد الله على سلامتج و سلامة البيبي

و مبرووك عليج البنوووته الحلوه و تتربى في عزكم ان شاء الله

[~..روح دبي..~]

الحمدالله ع سلامتج .. ومبرووووك البنووته تتربى في عزكم .. والله يعينا ويسهل امرنا .. ^^..

مع تحياتي :

روح دبي ..

[موزه السويدي]

فديتج يانونوتي الله يخليلج أمونه ولا يحرمج منها ^^

[وهج الذكرى]

الحمدلله على سلامتج

والله يسر على كل حامل ولادتها يارب