اريد اكون ملكة جمال

[أم زيودي]

بسم الله الرحمن الرحيم

اما مب متينة بس احس اني بصير متينة اذا تماديت بالاكل ... بقولكم قصتي

كان ياما كان في قديم الزمان ..قبل 3 سنوات بالضبط .. كنت توني عروس .. طبعا قبل العرس كنت اسير الجيم 24 ساعة >> كناية عن الكثرة ... وكنت اسير مراكز لازالة السيلوليت وللتنحيف و ما خليت شيء ما سويته اللين صرت احلى عرووس

عقب العرس بشهرين حملت .. وانتهى كل شيء ... كان وزني 50 كيلو قبل الحمل انا طولي 153 وصار بعد الولادة 66 كيلو .. طبع ياني اكتئاب بعد الحمل وبقدرة قادروصلت 57 كيلو احمدك يارب.. ومن ذيج الساعه وانا وزني متارجح يعني اذا نزلت اوصل 55 وبكل سهولة ازيد..لا تقولولي انتي مب متينه اناقصيره يعني كمن كيلو بعد بستوي برميل اهئ اهئ اهئ

هذا غير الجسم اللي تلخبط عدل من سيلوليت لترهلات وانا بسبة الاكتئاب اللي ياني عقب الولادة اهملت نفسي وايد بس الحين بدت الصحوة يوم(كتكوتي الحلوة بتكمل سنتين )

خلاص انا قررت استوي ملكة جمال وهذا اللي بسوويه

1- بعدل اكلي وانا حطيتلي نظام غذائي

الساعه 7 عصير برتقال
الساعه 10ونص سندويشة منوعه(يعني كل يوم شيء )
الساعة 1 سناك(بسكوتين دايجستف مع شاي اخضر)
الساعه 6 الوجبة الاساسيه ( هي الغداوهي العشا ) وتكون مشاوي وسلطات
واذا يعت في الليل ما آكل غير فواكه وما اكثر مع شرب الماي

هالنظام انا حطيته لنفسي طبعا نسيت اقولكم ان في وجبه وحده بس في الاسبوع فري

طبعا اذا سرت عزايم بحاول اكل شي صحي وما ااكثر

واريد ارجع وزني 50 كيلومثل ما كان

2- بسوي ليزر لازالة الشعر ( للباط + اسفل الرجل +ومنطقة مهمة وايد ) مليت من الشعر ومن سيرة الصوالين ..

3- بشد صدري عند مركز تجميلي لا تفهمون غلط مب عمليه تجميليه هوجهاز لشد الصدر على جلسات ان شاء الله بسير وبشيك في المركز ..

4-برد ادخل جلسات تنحيف وسيلوليت ...

5- بييب لي جهاز اوربت راك +اي جهاز لشد البطن

6-بسوي تفتيح للركب والاكواع والباط والبكيني (هذا الشيء الوحيد اللي اللين الحين مومحصله مكان يكون بيرفكت فيه .. فاللي تعرف مكان مضمون تنعتني بليز)

7- وهالشيء اللي فعلا بديت فيه (ركبت تقويم اسنان ) واحس وايد تحسن في اسناني الحمد لله ومن عقب ما اشله ببيض اسناني اكيد

بنات عندي عزيمة وارادة وكل يوم بكتب لكم يومياتي ان شاااء الله

ياريت اصير ملكة جمال

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة