هالشهر بعد مب حامل ...

[الحلوووهـ]

حبيبتي لاتزعلين واتكدرين عمرج ..

كل شــي مكتــوب عند رب العالمين ..



انا بعد ماعرست بـ 3 شهور حملــت

وكملت اسبــوع من يوم عرفت اني حامل وعـقب سقطت .. الحمدالله ع كل حـال

وعشــت فـ نفسيــة الله يعلم بها .. وارتفع عندي هرمون الحليب

وصددق اتبهدلت ارق وتعب ..

والحين الحمدالله مافيني شــي

بس كملت سنــه و4 شهور

وماصار حمـــــــل



وربي يكتبلي الحمل هالشهر ويكتب لكل خواتي المحرومات ^^

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ياقوته]

فديتج والله

كلنا حاسين فيج

عن نفسي صار لي ست سنين ما يبت ياهل
بس ولله الحمد كنت احمل وينزل

الحمدلله لك يارب على كل شي

شوفي توكلي على الله ولا تفكرين بالحمل ابد

شوفي عندج ماشاء الله ام سيف في البريمي
تسوي حجامه وتمسح
وماشاء الله عليها فنانه
ومب شرط 3 يوم الدوره
عادي خامس يوم او بعد الدوره

صدقيني جربي تسوينها وبتحسين براحه نفسيه
عن نفسي رحت لها وارتحت وايد
وان شاء الله بكمل معاها

واقري البقره وكثري من الاستغفار
وربي يرزقج ان شاء الله

[karz2004]

الله يرزقنا ويرزق كل محرومه الذريه الصالحه المعافاه
وانا بعد بكمل عقب شهر سنه من عرست بس ما صار حمل بس انشالله يكتبلي الحمل هالشهر

[noOoOoOor]

عورتي قلبي الغاليه الله يعطيج الذريه الصالحه أن شاءالله

[doooba]

حبيبتي انا نفس احساسج وشعورج وانا حاسه انه هل الشهر بعد ما بكون حامل وبتنزل علي الدوره بس صدقيني دايما اقول الحمدلله على كل حال

خلينا نتوكل على ربنا ونصبر

وصدقيني ربنا ماراح ينسانه وان شاءالله بيرزقنا

خلينا نتفائل

(( اللهم لاتذرني فردا وانت خير الوارثين ))

[#بنت ابوها#]

الله يرزقج يااارب بالحمل لسليم ومثل ماقالولج البنات لالا تفكرين في الحمل
انا يلست ثلاث سنوات ونص بس بعدين حاولت انسى ولله الحمد رب العالمين رزقني

[Cute Mather]

الله يفرح قلبج ان شاء الله بشوفت ضناج
الله يرزقج الذرية الصالحة ان شاء الله ويرزق كل محروم

[7arm 5aled]

انا بعد كل ماتيني ادوره ايجيسني احبااااااااااااااااااط وكشفت وطلع كل شي سليم الله يرزقنا يارب احنا بس لو انشل هالتفكير من بالنا صدقيني الله بيرزقنااااا .. الله يرحمنا برحمته ونحمل هالشهر يارب قولوا آمين

[principess]

الله يرزقج ويرزقنا ويرزقج كل وحدة تبا تحمل..

[دفوووشه]

اختي اتبخري بالشاي الاخضر من خامس يوم ... من دورتج ... وتمي على هاحاله 3ايام
ولاتجامعين ريلج من بعد التبخير هم 3 ايام ... وبعدها الجماع وان شاء الله خير

[للمره 1000]

التفكير التفكير التفكير السبب الرئيسي في تاخر الحمل

و التفكير ياثر على الدوره و اذا الدوره تاثرت يصير تاخر الحمل

و انتي شكل بدا التفكير ياثر على الدوره ... و بدت تتلخبط عندج ... و الدليل الي صار لج هذا الشهر

وقفي تفكير غيري جو روحي اي مكان في الويك اند..انتي و زوجك ... و اجلي الموضوع لا تفكير فيه لمده 6 شهور ... و صدقيني مجرد ما تنسين السالفه بتحملين من غير ما تدرين

و ربي يرزقج بالذريه الصالحه في القريب العاجل ان شاء الله

[مـ’ـوزهـ’ـ]

عزيزاتي كنت على امل اني اكون حامل هالشهر بس بعد طلعت مب حامل
مع انه ما نزلت الدورة على طول بس كانت افرازات بنية طول خمس ايام فالكل قالي اكيد حمل معضم الحريم يستوي وياهن جذي بس بالاخير نزلت الدورة هل ها شي طبيعي ولا يستوي ويا كل الحريم انه اتم افرازات وعقب ينزل الدم؟؟؟
كان خاطري اكون حامل ومر عشر اشهر من عرست وكل ما نروح عند دكتورة يقولون كل شي طبيعي فكرت اروح عند ام خالد المسيحة في الشهامة بس هالشهر ما صار لان الدورة نزلت علي وانا في العين بيت اهل ريلي وريلي كان مريض وسمعت اني اذا ابا امسح يكون اول ثلاث ايام في الدورة

فيدوني اخواتي اكثر عن المسح لازم اول ايام الدورة ولا ما يخصه اروح اي وقت؟؟
بغيت افضفض شوي متضايقة وما ابا ابين لأمي عشان ما تشيل همي وريلي ما اباه يشغل باله بهالشي وام ريلي تقول لا تستعيلين وايد نعرفهم اتأخرو في الحمل اكثر من ثلاث سنين وكل شي طبيعي كان فيهن بس ابا بيبي تعرفون شعوري صح ؟؟؟؟

هلا

اختي الي يبغي مسح


يسيررر احسن شي أيام الدوره .. لانه احسن وقت


انا جيه اول ما نزلت مرن يومين ورحت لها

خخخ مع اني عروس ما كملت غيرر 6 شهور


بس كنت ابغي عياال

[أثير الماضي]

آآآآآآآآآآآآآآآآآآآآآه لا تزيدي الطيييييييييييييين بلة أنا بعد كنت على أمل هالشهر بس للأسف ......... الحمد لله ع كل شيء ويارب ترزقنا ونحمل الشهر الياي

[UM_RSHOODEE]

اشكر كل وحدة ردت علي من كل قلبي والله لما شفت ردودكم حسيت براحة نفسية ما تتوقعونها واسفة اني ما رديت على طول لان النت كان مقطوع عندي
اخواتي انا احاول ما افكر وبالعكس ريلي يحاول كل شهر يوديني مكان نغير جو بس شو اسوي مب بيدي واوقات اكون لاهية بس وقت الدورة اتم اكل في عمري بتنزل ولا لأ
صح ان ما مر وايد من عرسي بس اخاف ادخل الثلاثين وانا بعدني ما عندي ياهل وتعرفون الحمل والولادة بيكونون اصعب
الله يهون علينا كلنا ويرزق كل حرمة محرومة ويثبت حمل كل وحدة
وانشا الله بواضب على الاشيا الي قلتولي اياها شكراً فديتكن

[شوشو_24]

اشكر كل وحدة ردت علي من كل قلبي والله لما شفت ردودكم حسيت براحة نفسية ما تتوقعونها واسفة اني ما رديت على طول لان النت كان مقطوع عندي
اخواتي انا احاول ما افكر وبالعكس ريلي يحاول كل شهر يوديني مكان نغير جو بس شو اسوي مب بيدي واوقات اكون لاهية بس وقت الدورة اتم اكل في عمري بتنزل ولا لأ
صح ان ما مر وايد من عرسي بس اخاف ادخل الثلاثين وانا بعدني ما عندي ياهل وتعرفون الحمل والولادة بيكونون اصعب
الله يهون علينا كلنا ويرزق كل حرمة محرومة ويثبت حمل كل وحدة
وانشا الله بواضب على الاشيا الي قلتولي اياها شكراً فديتكن

حبوبه لاتفكرين بهالطريقه
وخلي املج وايمانج بالله قوي وربج مابينساااج ^_^