تعبت باقي22يوم اربي وين اسير يا اهل بوظبي

[روريتو]

انا تعبت نفسيا وانا من دون شي مريضا نفسيا
باقي لي 22 يوم عشان اربي
وانا حامل اول مرة
ومب عارفة في اي مستشفى اربي فتحت في الكورنيش والمفرق والنور وبني ياس ملفات عشان اربي
وكل واحد يقولي لي قصص اتخوف
ومستشفى النور اخر واحد قررت اربي فيه واحين ربيعتي اتصلت اتحذرني اربي فيه وقالت لي قصص
واتقلي اسير مستتشفى الفرنسي الاماراتي

واحين في حد منكم جربت الولاده فيه يا ريت اتخبروني

انا تعبت خلاص من دون شي انا خايفة من الولادة وبعد مب عارفة وين اربي

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام سلطان AJM]

حبيبتي المسهل الله

توكلي ع ربج

وهو اللي بيسهل ولادتج مب المستشفى

[AL JAWAHER]

توكلي على الله و ماعليج من القصص الخرافيه
و الله يسهل عليج
عني انصحج بالنور ... لان معظم اربيعاتي مربيات اهناك و يمدحونهم ...

[غيورة]

الكورنيش او لايف لاين

[روريتو]

حبيبتي المسهل الله

توكلي ع ربج

وهو اللي بيسهل ولادتج مب المستشفى

مشكورة اختي على مساندتك

الله ييسر امرج ويسهل ولادتي

ولا تنسيني من دعائك

[روريتو]

توكلي على الله و ماعليج من القصص الخرافيه
و الله يسهل عليج
عني انصحج بالنور ... لان معظم اربيعاتي مربيات اهناك و يمدحونهم ...

انا اخر مستشفى فتحت فيه فايل النور الي في خليفة من قبل اسبوع عند الدكتور امل مرعي وموعدي الياي يوم الخميس
وانا كنت فرحانه وسويت فحوصت الدم والدكتور طمنتيني وارتحت لها كانت طيبة بس من شوي اربيعتي حذرتني وقالت لي لاتسير النور وقالت لي قصص اتخوف وقلت لها ليش ما حد يشتكي قالت ما ادري وقلت لها انا سمعت الكل يمدحه قالت كل دعايات حق المستشفى اصلا الموظفين بروحهم قالوا عنه مب زين

[روريتو]

الكورنيش او لايف لاين

الكورنيش ثاني مستشفى فتحت في فايل واخر مرة رحت عندهم وانا في الرابع وما عيبني كانت الدكتورة هندية وما عرفت اتفاهم وياها وما سويت افحوصات الدم

[dxbaii]

حبيبتي اذا بتسمعين كلام الناس والقصص والخرافات بتتخبلين اتوكلي على الله ولن يصيبنا الا ما كتبه الله لنا

[زم_قمر_ان]

اختى ان شاء الله تقومين بسلامه

ومدام الحمدلله صحتج انتى والبيبى

زينه توكلى على الله واختارى اقرب مستشفى من بيتكم

ويكون زين والحريم مربيات فيه قبل وعشات ما تحاتين زياده

خلى في بالج 2 بس الكورنيش والنور

ويارب تسهل ولادتج وتقومين بسلامه

[حلم صيفي]

حبيبتي انا عن نفسي ناوية اربي بالنور اليديد ومسلمة امري لله

واللي كاتبه ربي بيصير ..

والكورنيش ربيت فيه ببنتي وتلعوزت معاهم وايد مع اني اعرف ناس ربو فيه وارتاحوا كثييير ...

سلمي امرك لله واستخيري وانشالله خيييير ؟؟

[Blo0owi]

استخيري احسن شي

[missuae3003]

هلا الغاليه كل مستشفى له مميزات وله عيوبه ..وكل حاله تختلف عن الثانيه ....

والتساهيل تراها من رب العالمين .. مب من الدكتورات والمستشفيات ..

بس لو بغيتي تربين ... خلي اختيارج محصور بين الكورنيش او المفرق او النور ...

لأنهم اكثر خبره من الباجين

[قلوب العذارى]

الله يسهل عليج يا رب

[أنا مسلمه]

انصحج بالكورنيييييييش .. اكثر نااس خبره .. حتى لو صار لج ولا للياهل شيء ماشاء الله ..

يعرفون يتصرفون .. يعني لو ربيتي في احد من الي كتبتيهم وصار لج ولا للبي بي شيء سيييييييده .. بيطرشونج

الكورنيش يعني شو ضمنج توصلين .. وماعليج من رمسة الناس ..

قل لن يصيبنا الا ماكتبه الله لنا .. استخيري وتوكلي على ربج ..

[مرسى الفرح]

الله يسهل عليج
وعلى كل حامل

امين

مشكله يوم تكثر الخيارات يصعب الاختيار ؟؟

توكلي على الله والي الله كاتبه بيصير ....