منو الريال فيهم؟!!!!!!!!!!!!!!!

**معصبة** · 2009-05-14, 18:56

السلام عليكم والرحمة

بنات شحالكن
هاموضوع حبيت اقدم فيه ملاحظه ونصيحه لكن بعد واقصد فيه المتزوجات بالذات لانه يخصهن

شي لاحظته اكثر من مرة على بعض المتزوجات يوم يطلعن ويارياييلهن لمكان معين
مثلا السوق المستشفى اي مكان عام
ليش ماتستحي على ويهها هالحرمة وتمسح وجود ريلها جدامها
مثلا جدام راعي المحل تهزب راعي المحل وتحتشر عليه لو كانت بتشتري شي منه
وتعلي صوتها ولاجنه ريلها وياها والله اني يوم اشوف هالمنظر اقول ياحيف عالرياييل
ريال شطولك شعرضك تسمح لزوجتك تعلي صوتها على الريال جدامك وانت واقف عالفاضي؟؟؟

انتوا يامتزوجات ترضون تحطون رياييلكم بهالموقف؟؟؟
ترضون يوقف حذالكم جنه سمنديقه وجوده والعدم واحد
ولوكنتوا ترضون بهالشي فهل ترضونه على خوانكم تشوفون حريمهم يقلون ادبهم على الناس حذالهم وهم ولاجنهم موجودين
وين راح الحيا؟؟؟
واكبر مشكله ان اغلب الحريم اللي جي لاستر ولاحيا الشعر برع والمكياج تارس الويه
والرياييل يطمشون عليها وهو ولاجنه موجود او موجود بس خايف يقولها شي
ياحييييييييييف ع الرجوله والله
والله يرحم الحيا

المزيد من آخر المواضيع من نفس القسم:

**بنــuaeــت** · 2009-05-14, 19:00

هي والله صدقتي

هالريال مع احترامي له ما يتسمى ريال

ولا جان ما وقف جنه حرمة صاكت ولا له كلمة

**مغربية في دبي** · 2009-05-14, 19:06

لله المستعاااااااان

انا مستحيل اتكلم وريلي وياي ما يرضى

حتى لو شي يخص الحريم هو يتكلم

اما اذا المحل فيه حريم هذا شي ثاني

والله يهدي الجميـــع

**جمرة غضى..** · 2009-05-14, 19:13

*

ع حسب الموقف ...

من وجهة نظري...]

موب معناته الريال سمنديقه .. يمكن ماله فشغل الحريم .. باعتقاده ها شي يخص الحريم ...

شي بعض الرياييل ما يحبون يصدعون راسهم ...

واذا كانت الحرمه تهاوش بطريقه موب حلوه .. ][ها شي ثاني ][

ومعاج فكل كلمه ... ^ـ^

والله يستر علينا وعلى بنات المسلمين ...^^

**لحظات عابرة** · 2009-05-14, 19:18

الله يرحم الحيا

**HeartCandy** · 2009-05-14, 19:25

انا شفت بنية تضارب راعي المحل و عقب ما ادري اخوها و لا ريلها استلم راعي المحل طبعا عقب ما هاييج هتت من الضرابة
و كل الي في المحل يشوفهم و يضحك عليهم هم حطوا عمارهم في هالموقف
وعاد لو شي يستاهل طلع مخربلها الشيلة !!! انزين تتصلح ما فيها شي ليش كل هالزوبعة !!
سواء ريال و لا حرمة الضرابة اسلوب غير حضاري

**زوجـة حـمـودي** · 2009-05-14, 19:29

المشاركة الأصلية كتبت بواسطة معصبة

السلام عليكم والرحمة

واكبر مشكله ان اغلب الحريم اللي جي لاستر ولاحيا الشعر برع والمكياج تارس الويه
والرياييل يطمشون عليها وهو ولاجنه موجود او موجود بس خايف يقولها شي
ياحييييييييييف ع الرجوله والله
والله يرحم الحيا

اي والله صدقتي

**الذابلة** · 2009-05-14, 20:38

الله المستعان ...............وتسلمييييييييين غناتي

**ام سلطان 5** · 2009-05-14, 20:38

لاحول ولا قوة الا بالله

**حرم بوشهاب** · 2009-05-14, 20:39

والله معاااج حق يا اختي
بس سااعات يوم اشوف جيه مواقف احس الريال يغمض مسكين يمكن عيز معاها او يعتبر انه ماله شغله فالهسوالف ويريح عمرة

بس والله تصرف موول مب حلو
انا ريلي لو بس اتافف من الهندي يحرج عليه يقول عيب احترمي الرياال .. عيل شقاا لو رفعت صوتي اظن بنكفخ ههههه

**مريم الشحي** · 2009-05-14, 20:43

تراج اتقولين شعرها طالع والميكاب تارس الويه

خلاص ما يحتاي يسكتها عن الرمسة ويا الريال

دام ريلها مب ريال

لو انه ريال جان صلبها وما خلاها اتظهر شعره وحده

وايد اشوف هالاشكال

الله المستعان يالخيماوية

**ام ميثاني..** · 2009-05-14, 20:43

حبيبتي لاتجمعين لانه واتيد حريم محترمات

**بدروه** · 2009-05-14, 20:45

على حســـــب الاسلوب ..!!

**دلع 2009** · 2009-05-14, 20:52

اصراحه معاكم في كل كلمه انزين حتى لو ريلها من النوع السكوتي مب تمسح وجوده وبكرمتها تسكت وتظهر من المحل وهذا اذا ادل مايدل على انه اخص الزوج او غيره هذا اخث تربية الاهل لانه الزوج مستحيل اربي حرمه

**دمعة غلاي** · 2009-05-14, 20:58

قلتيها باختصار لأنه مب ريال ..

وفديتج لو على هالموضوع بنقول ..
لعنبو عرضك شرفك يمشي عدالك .. متزينة ومتعدله وكاشخه وصابغه ويهها .. والعطر ينشم من بعد كيلو .. وتفتن اللي ما ينفتن .. واللي يبا يغض البصر تخليه غصب طيب يطالعها ..
لعنبو عرضه وشرفه والرياييل كلهم اللي يسوى واللي ما يسوى يطالع ويستمتع ..

استغفر الله .. أستغفر الله ..
أشباه رجال .. مب رجال ..

الله لا يبلينا بريال مثل هالرياييل .. وربي اقعد في بيت أهلي ارحم وابرك لي ان اعيش مع ديوثي ما يغار .. ما اعرف منو الريال في البيت انا والا هو !!!

استغفر الله ××

الموضوع: منو الريال فيهم؟!!!!!!!!!!!!!!!

أدوات الموضوع

عرض

منو الريال فيهم؟!!!!!!!!!!!!!!!

المزيد من آخر المواضيع من نفس القسم:

المواضيع المتشابهه

بيشرد مني الريال !!!!

مااقدر اقول غير حسبي الله ونعم الوكيل فيهم..حسبي الله ونعم الوكيل فيهم..

هذا الريال!!!!!!!!!!!!!!!!!!!!!

الريال الريال و كأنه محور الحياة

شو تسمون هذا الريال