ساعوني في الغسيل

[Lomya]

السلام عليكم......
بنات أنا عندي غسالة جديدة اوتماتيكLG وكل ما أغسل فيها يصرن الثياب محببات واجدام معنا جربت كل الاختيارات الرقيق البارد أقل سرعة في الدوران ........ فبغيت أعرف اذ حد يعرف السبب؟
هل ممكن يكون من الصابون أومن الغسالة؟
أنا استخدم صابون بونكس...
وبغيت أعرف بعد شو أحسن شي الي يخوز البقع من ملابس الاطفال؟
وشو احسن صابون للغسيل؟

ساعدونا يا أهل الخبره...

ومشكوارت

المزيد من آخر المواضيع من نفس القسم:

• طريقة ازالة الدهون من الاوني بسهولة وفعالية
• طريقة عمل منظف للزجاج طبيعي في المنزل
• خطوات تنظيف المنزل بوقت قليل وبدون تعب
• افضل طرق تعطير غرف النوم سهلة وفعالة
• طريقة عمل معطر هواء طبيعي في المنزل حصري
• طريقة تنظيف العباية السوداء من بقع المناكير
• طريقة تنظيف الجينز بسهولة وفعاليه
• طريقة تنظيف حوض المطبخ بسهولة وفعالية
• فوائد تخزين القهوه في الفريزر
• كيفية استخدام الخل لتنظيف السجاد

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[miss-fashion]

هلا حبيبتي انا عندي LG ماشالله وايد زينة وتنظف وايد زين.. يمكن انتي استعملتي صابون غلط يعني شوفي شومرسوم لان الغسالة اللي من فوق لها صابون غير عن اللي بابها تحت انا ماكد استعملت بونكس دايما استعمل بيرسل او اريل جربي تغيرين الصابون وشوفي انا دايما استعمل الغسيل السريع 30 دقيقة وعندج الكتاب مال الغسالة وايد واضح وبالصور وانشالله يطلع غسيلج يلمع.. موفقة

[Lomya]

شكرا ع الرد مس فاشن
يمكن ايكون من الصابون؟
بس بيغت اعرف قد جربتي غير السريع ........ يعني القطن أو الرقيق أو الاصطناعي ومع صابون بيرسل أو أيرل

[Lomya]

UP UP UP

[miss-fashion]

لا اختية ما جربت غيرهم لانة صرف كهرباء بس احيانا اذا عندي شي اخاف انة يخترب اغسلة في الطشت النايلون خفيف بلينور وعلى الحبل على طول تقدرين اجربين الاستعمال للاشياء الحساسة او الرقيقة في الغسالة بعد زين لكن لتكثرين الصابون للاشياء الملونة والحساسة عشان لونهم مايبهت شويت صابون ولينور يكفيهم اما الابيض عادي حطي صابون

[Lomya]

UP UP UP

[سمو الحب]

انا اللي اعرفه انه الغساله الاوتوماتيك ماتنظف زين وتخرب الملابس وتصرف ماي وايد
واستخدم صابون اريال مع فانيش واااايد امريحني في الغسيل

[تفاحه حمره]

انا عندي سامسونج وايد اوكي اتوقع انها نفس غسلات LG

اعتمد بالغسيل على السريع واحيانا اللي نصف الكميه

اغسل في صابون تايد للغسالات الاماميه والثياب اللي فيها وسخ ارسوي فيها فانش الرش وايد زين

لا اتكثرين الصابون يمكن من كثره الصابون عادي انا مره استخدمت صابون بونكس ما سوى شئ للثياب

[Lomya]

مشكورين ع الردود وجزاكم الله خير ...... وبجرب اغسل الغسل السريع ..

[mischocolat]

انا غسالتي ماركة اريستون اوتوماتيك ما شالله الملابس تطلع انظف من النظافه وما تصرف ماي ابدا لدرجة اني عقب ما اشتريتها طلبت الصيانه ويوم يا خبرته عن كمية الماي اللي تسحبها جدا قليله كيف بتنظف
اتصدقون ظل الريال واقف 45 دقيقه لين خلصت الغساله وطلع الثياب وقالي شوفي بنفسك ..هاي صناعه اوربيه متطوره كميه بسيطه جدا من الماي وكل شي يبرق والله اني استغربت
بالنسبه للملابس اللي تحبب معروف انها اللي تحتوي على القطن وتكون خفيفه وناعمه وهاي النوعيه ما ينفعها ابدا الماي الحار هو اللي يخليها تحبب لانوع الغساله ولانوع الصابون
والاحسن انج تغسلين الثياب وهي مقلوبه وتنشرينها بعد وهي مقلوبه عشان تحافظين ع اللون والنوعيه
صابون بونكس ما ينفع للغسالات الاوتوماتيك بس حق الغسالات العاديه
ودايما غسلي بالغسيل السريع

[FM.]

لرفع...