المتزوجات عطوني حل ؟

[cute lady]

مرحبا الغاليات اشحالكم عندي موضوع ووايد محيرني ومب عارفه شسوي انا متزوجة من 7 شهور والحمدلله مرتاحة مع ريلي بس فيه مشكلة وايد متعبتني ريلي يعطيني مصروفي ومش محدد كم بس يوم احتاج يعطيني زيادة المشكلة يحس اني وايد اصرف ويقولي هالشي مع اني ما اصرف الا على البيت او البيبي بس عشان يوم يسألني شو سويتي في الفلوس اقوله مع انه يكون في خاطري اشتري لي شي حق عمري ابا اسير الصالون بس عقب افكر واقول لا ما فيني

يعني بالمختصر كيف اتصرف مع ريلي اللي دايما يسألني شو سويتي بالفلوس ومحطي في راسه اني اصرف وااايد والله تعبت وانا من النوع اللي يستحي وما يحب ينحط في هالمواقف دلوني وعطوني من خبراتكم يالمتزوجات لاني تعبت :1 (36): اريد اغير من شخصيتي ؟؟؟ شسوي


بليز لا تطنشوني وما تردون على الاقل ادعولي

بغيت اسألج اختي .
كيف انتي متزوجة من 7 شهور و اتقولين انج تصرفين ع نفسج و ع البيبي ..
البيبي روحه يباله 9 شهور ليما يظهر

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[روح الغلا]

بغيت اسألج اختي .
كيف انتي متزوجة من 7 شهور و اتقولين انج تصرفين ع نفسج و ع البيبي ..
البيبي روحه يباله 9 شهور ليما يظهر

الغالية انا حامل واجهز للبيبي


الـود
تسلمييين غناتي وان شالله اسوي باللي قلتي عليه

[الـود]

عزيزتي فهميه ان الحرمه إلها مشتريات تهمها مثل ما الريال له مشتريات تهمه
وحاولي تزرعين فباله فكرة انج مقدره تعبه فالشغل وانج ماتلعبين بالفلوس وكل مايعطيج شي قوليله الله يطول بعمرك والله انك ماتقصر والله لايحرمني منك (يعني ادهني صيره) ^_^
ولا تصرفين الفلوس كلها وفري منها شوي واذا احتجتي شي اطلبيه مره ثانيه بس خلي اللي موفرتنه لج وقت الازمات ^_^

بعد اذا كنتي تبغين شي مثلا ب 200 قوليله ابا اشتري الشي الفلاني قيمته 250 طبعا خمسين حقج توفيره والباقي خذي به حاجتج ^_^

الله يوفقج ان شاء الله

[**لمعة الماسه**]

حبوبه كلنا نمر بنفس السوالف خص اول الزواج..

انا قمت اكتب اساسيات مصاريفي ومصاريف البيت.. الشهريه..

وقعدت قعده هاديه مع ريلي ورويته اللسته بالاشياء اللي كل شهر نحتاج نشتريها..

وطبعا هو قدر بروحه كم ممكن يبحبحها حق مصاريفي الخاصه ..غير عن بعد العشره يبتدي شوي شوي يفج ايده

وفهميه انج صح عروس وتوج متشريه بس جسمج تغير وتحتاجين لبس بقياسات غير.. غير عن مستلزمات البيبي..أنا افضل لو تروحون مع بعض عشان هو يتكفل بهن..

[آخر كلام]

الخوات ماقصرن..ويمكن انتي تتشرين من اماكن غاليه فعلا او مزودتنها حبتين في مشتريات البيبي لان ترومين تاخذين نفس الاغراض برخص لو تترين لين التنزيلات و حطي في بالج ان ثياب البيبي خصوصا اول ما ينولد ما تنفعله الا شهر و يكبر عليهم عقب فلا تكثرين لا تكثرين
فانصحج بالكتابه عشان توضحين الامور لنفسج قبل زوجج و ربي يوفقج

[دلع بوظبي]

قوليله لاتسالني وين تصرفين لاني مااحب هالسؤال وكيفي اصرفه مثل مااابغي واذا مابتصرف عليي بتصرف على منوه ..^__________________^ ويالله هات زياده ^__^

--->> أمــــــزح .. خلج على كلام البنات بانج تقنعينه انه مصروفاتج مااتكون على خرابيط..

[روح الغلا]

كل من رد على موضوعي تسلمووون وما قصرتو

[مياري]

أنا مثلج تقريباً بس لما سألني المره الأولى حرجت عليه شوي لأن مصروفي شي من خصوصياتي اللي مش من حقه انه يسألني عنه وين صرفته أو شو اشتريت فيه ....والله حاله ومن هذاك اليوم حرم يسألني ليش عاد محد له شي عندي ...ولا كلامي غلط؟؟!!!

[ام سمية]

اللة يغطيج على قد نيتج

[Um-Rashid]

حبيبتي نصيحتي لج انج لازم تحددين انت وزوجج مصروف يكون للبيت ومصروف للبيبي ومصروف حقج انتي ورتبي كل شي صدقيني جيي اريحلكم ... حبيبتي لا تشترين ثياب وايد حق البيبي خصوصا مال نيو بورن لان الياهل بسرعه يكبر يعني مابيكمل اسبوعين الا والثياب صغرن علييه ..

[روح ملاس]

الله يسهل امورج

[أم خالد2]

الغلا ...
الحرمة بطبيعة الحال مستلزماتها وااااااااايد ، بس صدقيني زوجي كان مثل زوجج والمشكلة كل أهله اللي في البيت مفهمينه بأني أصرف الفلوس وألعب فيهن على أشياء ما تستاهل بس الريال يحب الحرمه لما تتعدل وتتطيب عشان جذيه كان الحل الوحيد بأني أكتب كل الأشياء مع أسعارهن في دفتر وأخليه يشوفهن وحزتها بدا يقتنع باللي أسويه والله يعينج