كم اتكلف سفره للنمسا

**to_ty_2005** · 2009-05-12, 21:48

مرحبا خواتي
بالدخل بالتفاصيل
اختي تبا اتسافر هي وريلها للنمسا وطبعا عيالها بتعقهم عند امايه هههههههههههههههههه
الي سافرت النمسا او تعرف شي عنها اتخبرني
يعني كم بتكون الميزانيه لشخصين لمده 9 ايام
بكم التذاكر ؟ الفنادق الليله بكم لازم يكون الفندق 5 نجوم؟ وشو احلى الفنادق؟
وشو احلى المناطق هناك؟
وكيف التنقل يعني لو اجر ريلها سياره من هناك كم بيطلع عليه ؟ او لو طلب مترجم وسايق كم بيطلع عليه
وكم مصاريف التمشيه والاكل لمدة9 ايام؟
الي تعرف لاتبخل علي
ارجووووووووووووووووووووكم

المزيد من آخر المواضيع من نفس القسم:

**to_ty_2005** · 2009-05-12, 22:50

ماشي ولا رد

**الحلوووه19** · 2009-05-13, 02:40

ما شالله تقاارير النمسا واايد

بس فنجق جراند ففينا وااايد حلو ..
و 5 نجووم

و النمساا فيها زلامسي و قينا و مناطق ريفيه حلووه

بس لوأطالعين تقاارير البنات راح يفيدج

لان انا بس سرت فينا و الفنجف يلي قلت لج عنه مكاانه حلووو

**بنت المنهالي** · 2009-05-13, 05:21

للرفع

**ام الحلوين2** · 2009-05-13, 11:50

عزيزتي التكلفه ما يقدر أحد يحددها لج، لأنها تعتمد على أشياء كثيره، منها شركة الطيران إلي بيسافرون عليها ، والدرجة إلي بيركبونها، والفنادق يختلف سعرها من فندق إلى آخر ، ونفس الشي المواصلات ، على بيعتمدون على القطارات أم بياخذون سياره خاصه بسايق ، أو أنهم بيستأجرون سياره يسوقونها، وهل بياكلون في المطاعم وإلا بيعتمدون على نفسهم في الطبخ....ألخ.
أنا بقولج عن تجربتي ، سرنا النمسا لمدة 16 يوم و5 أيام ألمانيا ، وتنقلاتنا تنوعت بين الأندرجراوند ( فيينا)+ القطارات ( بين فيينا وسالزبورغ) + سياره مسـتأجره يسوقها زوجي ( للتنقل بين القرى في النمسا + المانيا + رجعنا فيها لفيينا وسلمناها في المطار) + نطبخ في الفندق لوحدنا + السفر كان على طيران الإمارات الدرجة السياحة ( سنة 2007) + السكن كان بعض الفنادق 5 نجوم وبعضها 4 نجوم.
كلفت الرحلة ( لشخصين كبار + 3أطفال ( 8 سنوات + 6 سنوات+ سنه) ما يقارب ثلاثين ألف درهم

**أحبـ M ـك** · 2009-05-13, 13:15

الغاليه التذاكر بيكلفكم 6000 تقريبا لشخصين اوكي

السكن اذا فندق 5 نجووم يمكن حدود 6000 لمدة 9 ايام ..

غير الاكل والمصاريف اليوميه تكلف تقريبا 5000 درهم ,,

والسياره لمدة 9 ايام شي بـ 3500 درهم ,, وانا انصحهم يستأجرون سياره وريلها اللي يسوق وما يحتاي مترجم ولا شي خليها تاخذ في السياره جهاز القارمن وتيمع معلومات وتتوكل ع الله ,,

واحس ما يحتاي فندق 5 نجووم نحن يوم نسير نسكن في بيت ويا عايله ناخذ الغرفه للشخصين الليله بـ 200 درهم يعني 9 ليالي بـ 1700 درهم والله اوفر لهم بوااايد من الفنادق ,, واحلى بعد

شوفي السنه اللي طافت سرنا انا وريلي (( النمسا وهولندا وبلجيكا وميونخ )) لمدة 9 ايام ,,

السياره والسكن والمصاريف اليوميه كله بــ 17000 تقريبا او اقل ,, بس من غير التذاكر ,,

**cream** · 2009-05-13, 13:34

ما انصحها اتسير النمسا لأنه فيها انفلونزا الخنزير

**قلبي بوظبي** · 2009-05-13, 13:44

موووفقه أختــــــــــي عاد صوريلنا ^^

**النقيه** · 2009-05-13, 15:20

المشكلة انفلونزا الخنازير تقريبا بكل اوربا

شو الكالف
اروح دولة مسلمة احسن لي ما فيها امراض

**Miss Cavalli** · 2009-05-13, 16:21

هممم .. خلينا نحسبها ..

شوفي لو مثلا سكنت في فندق 5 نجوم يكون الريت تقريبا 1000 درهم لليلة الوحده في فيينا .. احيد احنا سكنا في لو ميريديان و كان هذا الريت .. يعني 9 ليالي 9000 درهم ..

التذاكر على حسب الطيران و الوقت ... يعني مرات بتحصلينها بين 2500-3500 .. نقول 5000 الى 7000 حق التذاكر .. هاي استوت تقريبا 16 الف درهم ...

الاكل و التمشية و تذاكر الاماكن السياحية و المواصلات ممكن تقولين 600 درهم لشخصين في 9 ايام 5400 درهم .. استوا كله 21 الف درهم ....... و اذا بتتشرون و جي بعد حطي ميزانية .. عاد انا ماعرف شو تحبون تشترون غالي ولا عادي .. طبعا ملاحظة على المواصلات .. اذا هم نفرين يتنقلون بالاندرغراوند لنه وايد سهل في فيينا .. ماله داعي سياره و غيره ... حتى لو بيسيرون منطقة ثانية يسيرون بالقطار .. لنه السياره بتضيعهم اذا هم اول مره يسيرون هذيج البلاد .. حتى باستخدام الغارمن

و بس يعني ممكن تقولين لها 20 الف درهم اوكي حق كل السفر و يحطولهم 5000 درهم زياده للطواري .. (اكيد يشلون الفيزا لنه يمكن يحتاجونها ) ..

**الغر الحشيم** · 2009-05-13, 16:37

المشاركة الأصلية كتبت بواسطة النقيه

المشكلة انفلونزا الخنازير تقريبا بكل اوربا

شو الكالف
اروح دولة مسلمة احسن لي ما فيها امراض

سبحان الله من يومين تقولين انج بتسافرين فرنسا و اسبانيا

مع العلم ان النمسا فيها حالة وحده فقط مصابه بالإنفلونزا و اسبانيا فيها 95 حالة !

المشاركة الأصلية كتبت بواسطة النقيه

مشكورات خواتي حصلت في فرنسا واسبانيا والاسعار معقلة ارخص من النمسا

**monana** · 2009-05-13, 16:41

المشاركة الأصلية كتبت بواسطة الغر الحشيم

سبحان الله من يومين تقولين انج بتسافرين فرنسا و اسبانيا

مع العلم ان النمسا فيها حالة وحده فقط مصابه بالإنفلونزا و اسبانيا فيها 95 حالة !

**to_ty_2005** · 2009-05-13, 22:17

هيه والله عن النقيه قبل كم يوم اتقول بسافر دوله اوروبيه والحينه اتقول انفلونزا وماعرف شو
ليش غرلتي رايج يالنقيه ماتسافرين ولا شو

**to_ty_2005** · 2009-05-15, 02:19

up up

**to_ty_2005** · 2009-05-16, 02:25

منو بعد يابنات سافر النمسا وعندها معلومات

الموضوع: كم اتكلف سفره للنمسا

أدوات الموضوع

عرض

كم اتكلف سفره للنمسا

المزيد من آخر المواضيع من نفس القسم:

المواضيع المتشابهه

كم اتكلف السيلانيه

صور زيارتي للنمسا ::::Honey Moon::::

من بوظبي للنمسا

خبروني بروح للنمسا

بكج للنمسا