ساعدوني ؟؟؟

**القطة الجميلة** · 2009-05-11, 15:58

بسم الله الرحمن الرحيم

السلام عليكم جميعا

ابا اافتح مع اختي فكرة الزواج عشان تقنع امي و ابوي و المشكلة انها مقتنعة بالفكرة الزواج بعد الدراسة ... بس انا خايفة اني اطيح في الحرام ... وباقيلي كم شهر و بخلص الكلية ان شاء الله

و كل ما حد يدق على الوالده و تكسر المياديف و تحطم الواحد ... اذا اي حد يبا اي البيت

و انا احينة ابا اقنع اختي عشان تقنع امي و ابوي لان تقدر تقنعهم بهالموضوع

و انا احينه ما اعرف شو اسوي؟ وكيف افاتح اختي ؟

و مشكلتي اني ادخل بالموضوع بسرعه يعني افر القنبله و اشرد

و ابا احينه نصايح منكم كيف اهيى اختي عشان تفهمني انا شو ابا .

المزيد من آخر المواضيع من نفس القسم:

**@أم حمودي@** · 2009-05-11, 16:21

للرفع

**النجلاء** · 2009-05-11, 16:24

دام باقي لج كم شهر ... اصبري .... فأن الله مع الصابرين

**حبك محلل** · 2009-05-11, 16:30

الصبر مفتااح الفرج ومن تخلصين الثانوية بأذن الله الله بيسهل عليج ماا باقيلج غير الجليل وعن الوقوع في الحراام عليج بالقرآن علاج النفوس من الوسواس الخنااس والله يوفقج الغلااااا

**^حلـى قلبـي^** · 2009-05-11, 16:32

شو السالفه ؟؟

بلاهن البنات كل يومين منزلات موضوع مشتطات يبون يعرسن ؟؟

تراج تقولين باقي لج شهر اصبري .. الزواج نصيب يوم الله كاتب لج تعرسين بهاليوم بتعرسين حتى ولو اهلج اعترضو ..

بنات اكبر عنج وصابرات وماتنطقن وقالن لحد نبى نعرس وكل وحده مفوضه امرها لله وحاشمه عمرها عن الحرام بتقربها من الله .. ادعي واتقربي من ربج اكثر ان شاءالله بتعرسين بسرعه ..

**راعية_دبي** · 2009-05-11, 17:07

دامج بالثانويه يعني عمرج 18 شوتبغين بالعرس بعده جدامج 10 سنوات على الاقل

عيشي حياتج قبل المسؤليه والارتباط عقب خلاص ماشي حواطه ولاشي

**العهود111** · 2009-05-11, 17:32

يالغلا اهلج معاهم حق

ليش مستعيله على الزواج

ومادامج ماتزوجتي لحد الحين معناتها خيره لج وقولي الحمدلله

تخيلي في بنات وصل عمرهن 30 يعني فاتهن القطار الزواج لكن من السبب في التاخير هن نفسهن كل ماياهن معرس رفضنه لانهن يفكرن مليون مره قبل مايوافقن ويندمن ،، شوفي كيف فكرن نفسهن وراحتهن .

الزواج مب لعبه يالغلا

والله يوم تتزوجين بتقولين ياليتني ماتزوجت ،، تعرفين ليش ؟؟
لانه مسؤوليه أكبر منا ومانقدر نتحملها

وانتي صغيره والعمر جدامج ..

شوفي تبين تجربين العرس حلو او لا ؟

من اليوم كوني انتي المسؤوله عن البيت وامج واختج مالهم دخل فيه انتي الي امري وانهي

قومي من الصبح النوم الي تنامينه لين الظهر انسيه ، وانسي السهر وخلج راعية البيت وشوفي المسؤوليه حلوه او لا ؟

صدقيني بتكرهين نفسج من التعب
والسموحه ييالغلا على هالكلام

بس والله علشان مصلحتج وفكري من اييج المعرس لا توافقين على طول ,, واهم شي تصلين صلاة الاستخارة .

**أم سعيد 15** · 2009-05-11, 19:45

اختي احس بج صغيرة

الحياة الزوجية مثل ما يتخيلها البعض >>>>> عسل وحلاوة وكل شيء حلو وطلعات وسيرات وفستان وعروس وبس

الحياة الزوجية >>>> مسوؤلية البيت والعيال والمطبخ وتحترمين اهل ريلج
ومشاكل ومعاناة وحياة صعبة ويبالها صبر ثم صبر ثم صبر

يا أختي بعدج صغيرة عيشي حياتج الحلوه من دون مسؤوليات واستانسي

الله يرزقج بالزوج الصالح

**rozee** · 2009-05-11, 21:14

الزواج قسمة ونصيب

**دلوعة نونيa** · 2009-05-11, 21:55

الله يوفقج

**هبلة 2009** · 2009-05-11, 23:01

اصبري لين ما توصلي للعمر المناسب لزواج والي اتكونين فيه قد المسؤولية

**احبه حيل** · 2009-05-11, 23:17

الغاليه اعوذ بالله من غضب الله

كله ولا الحرام

عليج بالدعاء و الاستغفار و هذي خيره وكل شئ بإييد ربج لا تستعيلين

**خلاص** · 2009-05-12, 00:06

كلها كم من شهر وبتخلصين اصبري

**قلبي من ألماس** · 2009-05-12, 03:20

اختي عندي سؤال ..

يعني اذا اهلج ما اقتنعوا انج ما تعرسين الحين .. اكيد اكيد بتطيحين في الحرام ..!!!!

سمحيلي صدق طريقة تفكيرج تبين لي انج ياهل وما تعرفين شي في الدنيا ..

ترا العرس .. مب طلعات وفساتين ووناسه وسفرات .. العرس مسؤولية

وشدراج انج لو استعيلتي عالعرس تاخذين واحد يحشمج ..

الغاليه .. العرس نصيب .. ولو الله مب رايد انج تعرسين .. لو اهلج كلهم يوافقون ما بتعرسين ..

خلي وسوسة الشيطان عنج .. واهلج اكيد لما بيشوفون ان الريال مناسب ما بيردوونه ..

**القطة الجميلة** · 2009-05-12, 08:36

شكرا خواتي على المرور ... بس ليش ردودكم جي ... انا يا لسه اقولكم ابا طريقة افاتح اختي بالموضوع و انا ما يخصني بباقي البنات انا على من نفسي ... و انا مب معترضه على قضاء رب العالمين

الموضوع: ساعدوني ؟؟؟

أدوات الموضوع

عرض

ساعدوني ؟؟؟

المزيد من آخر المواضيع من نفس القسم:

المواضيع المتشابهه

بنات ساعدوني عيد زواجي قرب وابا حق ريلي هديه حلوه ساعدوني

ساعدوني بنات ... عندي مشكلة في المسن ... ساعدوني الله يخليكم

ساعدوني بليز ساعدوني ما لي غيركم تساعدوني في طلبات الاستاذ التعجيزيه؟؟

ساعدوني ساعدوني ساعدوني ساعدوني في كتابة شعار للمهرجان