ياحيــــــــف على البنات

**miss amal** · 2009-05-11, 13:21

السلام عليكم ورحمه الله وبركاته

شخباركم بنات عساكم طيبين اول شي نهنئ خريجين الثانويه العامه ونتمنى لهم النجاح في كل خطوه يخطونها

خلوني ادش فالموضوع على طول ودايركت

بنات امس انا حضرت حفل تخريج طلبة ثانوية وياليتني ما سرت ولا حضرت
شفت اشياء واشياء واشيا العجب العجاب
لاتربيه
ولا اخلاق
ولا احترام

شو فايدة التعليم بلا أدب

يابنات طالباتهم قمة في الوقاحه وقلة الادب وعدم المبالاة .. دخلنا القاعة انا والاهل وماحصلنا مكان من كثر الحضور من اولياء الامور والطلبه والطالبات وحتى كمن شيخ كانو حاضرين غير في الصفوف الاخيرة وورانا كانو شلة بنات تقريبا 4 سيدات

ومن بدت الحفله قاموا يعيثون الفساد يايبين وياهم صوايات الملاعب الي يشلونها الاولاد في الملاعب تقريبا 15 طالبه او اكثر عندهم هالصوايات وانواع الازعاج والصريخ والضحك وكل وحده تزقر ربيعتها الخريجه بصوت عااالي ومحد قدر يسمع حتى اسماء الخريجين من حشرتهن ويو الامن حاولو ياخذون عنهم الصوايات .. تمو يسبونهم ويقولولهم مايخصكم نحن يايين نستانس جب يالله لاتمدين ايدج ولا يخصج فينا نحن كيفنا نحن بنات فلان ونحن بنات علتان ... اقول في خاطري والنعم فضحتي تربية اهلج لج

وكم وحده من الحضور قامت تكلمهم بالزين وتمو يسبون سب وبصوت عالي يفضحون اي حد يقولهم عيب الي تسوونه و يشتمون

والله يابنات من غير اللبس الي كانو لابسينه كل وحده نافخه شعرها ومسويه مكياج تقولون يايه عرس و العبي من هذي الي اطلع المساويط

وين التربيه وين الاخلاق هذيلا يستحقون العقاب لا الثواب

فضحونا بين الي يسوىوالي مايسوى حتى الاجانب مستغربين منهم شو بيقولون عنا
بيقولون بكل بساطة

ولله شي انا استحيت منه حتى الشواب تشاردو من الحشره مساكين

المزيد من آخر المواضيع من نفس القسم:

**Bint Al Ali** · 2009-05-11, 13:31

الله المستعان

**عيون غزلان** · 2009-05-11, 13:38

قلة تربيه
الله يعينهم على دنياهم يتحرون اللى يسوونه شطاره
ما يدرون الكلام اللى ينقال من وراهم
الله المستعان

**هواجس الزيودي** · 2009-05-11, 13:41

الله المستعاااااااان

**وحيده بدنيتي** · 2009-05-11, 13:43

الله المستعان ..
راح الحيا ..

**أم السعدي** · 2009-05-11, 13:45

الله يهديهم

**زلال2008** · 2009-05-11, 13:48

شووو بلااهن البنات متخبلااات !!!ا
قبل مااتسمع صووت البنيه من المستحي والحين عافان الله هن والشباب واحد

**miss amal** · 2009-05-11, 13:57

والله يابنات قليلات ادب ينازعن الكبير والصغير الي يقولوهم خفو الصوت طرطرو عيونهن ونازعوه الا جب ومايخصج ومالج دخل ونحن بنات فلان شو تقدرين تسوين ونحن يايين نستانس
عيل يوم يايين تستانسون تفصخو بعد والا ارقصوا
شو هالوقاحه هذي

**بنّونه** · 2009-05-11, 14:08

العتب على الأهل، و إلا بنتي إتهبي اتسوي شرات هالسوايا ..

مثل ما تزرع تحصد ..
و دامج ربيتيها على إدب و مذهب تراها بتكبر عليه ..

**نور حياتي** · 2009-05-11, 14:44

صدق قليلات ادب

مره يايات الجامعة عندنا وكل وحدة مسوية فتحة لين الركب ع مريووول المدرسه

شو تبغين اكثر من جي ...

**umsa3ed** · 2009-05-11, 14:53

ما وراهن رجال ولا ايهبن ايسون ها السوايا

**اخت بوحميد** · 2009-05-11, 16:24

افافا البنات استون شباب وشباب استوو بنات الله يسترنا على بناتنا

**سبات شتوي** · 2009-05-11, 16:34

الله يهديهم

**نبض الصحاري** · 2009-05-11, 16:45

هالشي صار شي ظاهر ولا يزيد يوم بعد يوم لانه خلاص صارو الشباب عندهم تمر على لقوانين خصوصا انهم عارفين القوانيين لو انه اتطبق عليهم قوانين يديده يمكن يفيد
يزاج الله خير على الموضوع الطيب مافيج حيله ربي يسعدج دنيا واخره ان شالله

**قمـآري }..** · 2009-05-11, 16:48

ماشي تربيـة ..

الموضوع: ياحيــــــــف على البنات

أدوات الموضوع

عرض