إدعووولي ( ان الله يحقق أمنيآآآآآآآتي ) تعبت والله تعبت ( والله متضآآآآيجة )

[رعبوبة84]

ياااربي متى بيتحقق أمنيآآآآآآتي ؟؟؟؟ من سنييين وانا أتمنى,,, أدري خير لي

1)) أتمنى اني أتعلم السواقة ( أحنا منقوود عندنااا ) وخاااصة أبوي مب رااااضي ,,
وانا أتمنى أسير دورات ,, وخاطري أسير عند ربعي ما عندي حد يوديني ( او محد متفيج لي )
مراات أكوون طفرااانة في البيت ,, خآآآآطري أطلع ,, أشوف الناااس ,, احس عاايشة بالسجن
2)) أتمنى اني أتوووظف ( عل الرغم اني سرررت مقابلااات ) بس للأسف محد دقلي ,, ومرات أرسب في المقاابلة ( بس الحمدلله قبل لا أسير المقابلة أستخير ) بس اذا ما قبلوني, أتم متضاااااايجة ,, واصيح أقووول ليش مآآآآآآآآآآعندي حظ


3)) أتمني الله يرزقني بالزوووج الصااالح, الحنون ,, ( مع أني الحمدلله أقيم الليل ,استغفررر بنية الزوواج ) بس محد خطبني ,,و ومحد يبآآآآآني ,,,, ( والله أعرف وحدة ترمرس واااحد ,, ,ايون يخطبونهااااااا) أقول انا ما سوت شي أعصي ربي ( هي مب أحسن عني )والله أخوي دووم يطنز عليه يقولي يالعيووووز ,,, ويقولي أنتي محد يخطبج بالعيووز ( والله أصيح الفليل ) روووحي
الحمدلله عل كل الحاااااااااااااال

4)) أتمنى أتبنى يتيمة والله خآآآآآآآآآآآآآآطري ,, أتبنى يتيمة ( عشان أدخل الجنة) بس أستحي أفتح هالموضووع عند أمي ,ابوي,, واخوي ( والله هالأامنية ,,, أتمنى يتحقق ) لأان هالفكرة التبني ( من يوم كنت في الثانوية أدور في راااسي ),, ولاني يالسة في البيت ,, بطالية ,, أبي أسوي شي ,, للآخرة


5)) (( اللهم لا تجعل في قلوبنا غلاً للذين آمنو)

كلما أشووف وحدة تعرس أو تنخطب ,, بالعكس أستانس لهااا,, بس في نفس الوقت أقول ليش مب أنااا.. مع أني والله مب قصدي أحسدهااا ,,
ويوم أسمع وحدة بتتوظف ( أقول ليش مب أنااااا ) ,, بس أدعيلهاااا ,,,



حبيت أطلع اللي في خآآآآآآآآطري ,, لأاني صدق متضااااااااايجة ,,وتعبااااااااانة ,,,

مع أني الحمدلله ( أصوم الإثنين والخميس مررات,,, ,استغفرررر ,, ,اقيم الليل ,, أقرأ قرآن ))

المزيد من آخر المواضيع من نفس القسم:

• عن رواتب الحضانات
• انا دلال ابحث عن صديقتي مها.ج
• ساعدوني
• سَ أبْقى بِلآ عنّوآن ~
• هل من مرحب
• حياكم وردات مدينه محمد بن زايد
• مرحبا انا جديدة معكم هل من ترحيب
• بنات بوظبي مرحبا بكن
• كيف اكتب حلمي
• سلاااام للجميع

[نور 1]

و عليكم السلام ورحمة الله و بركاته ...

ما عليه اختي اتصبري ... و الله يثبت ان شاء الله ... و داومي على الصلاة و الاستغفار ... و صدقيني كل شي نصيب في هالدنيا .... ان شاء الله ربي يرزقج بالزوج الصالح الي يعزج و يفرحج ....... و الله يفرج همج ان شاء الله .....

[عيمية_مزيونة]

عليكم السلام ورحمة الله و بركاته ...

ما عليه اختي اتصبري ... و الله يثبت ان شاء الله ... و داومي على الصلاة و الاستغفار ... و صدقيني كل شي نصيب في هالدنيا .... ان شاء الله ربي يرزقج بالزوج الصالح الي يعزج و يفرحج ....... و الله يفرج همج ان شاء الله .....

[ملاااك]

فديييتج كل تأخيره وفيها خيره ...

إن شاء الله كل شي اييج في وقت واحد..

الوظيفه والزوج الصالح ومن عقب اليهال

الحال من بعضه .. بس الحمدلله على كل حااال

الله يوفقج يااااااارب وكل شي بأجره..

[أم ميثوووه]

فديييتج كل تأخيره وفيها خيره ...

إن شاء الله كل شي اييج في وقت واحد..

الوظيفه والزوج الصالح ومن عقب اليهال

الحال من بعضه .. بس الحمدلله على كل حااال

الله يوفقج يااااااارب وكل شي بأجره..

[Noor Al3yoon]

هلا حبيبتي ليش شاله هموم الديا فوق راسج خلج قنوعه حبيبتي كل اللي قلتيه انا مريت فيه بس شو بنستفيد اذا كنا يائسين اتوكلي ع الله وادعي ربج كل يوم واستغفري ان يحقق امنياتج كلها بخبرج انا كنت نفسج بس مع الايام تغيرت حياتي ما ادري كيف بس انا كنت اقريء سوره البقره بعد صلاه الفجر يوميا واقري الاذكار واستغفر وايد وبقولج ليش مستعيله ع الزواج والله مسؤليه وبعدين بتقولين ياليتني ما عرست يمكن الله رايد لج انج تتزوجين بعدين وكل تاخيره فيها خيره والله يوفقج بحياتج انشاء الله وانشاء الله قريب بنسمع عنج اخبار حلوه بس انتي لا تيئسين وتفكرين وايد بهل الامور الحياه حلوه حاولي انج تقضين وقتج باشياء مفيده صح تذكرت اهلج م يبونج تتعلمين السواقه صح ما عليج انا كنت كذا بس كنت مصره اني اخذ الليسن كان ابوي واخواني معارضين هل الشيء سبحان الله بعد ما خلصت جامعه قلتلهم بتعلم سواقه واتعلمت شوفي القدر يوم اخذت الليسن عتمدوا علي بامور البيت كلها لدرجه اني كرهت السواقه واتمنيت اني ما اهذت الليسن انانيه لاه انزين واخذت دورات واتدربت بس ما تغير شيء فحياتي والله عافان الله في المدرسه ولا مره كتبت تعبير كذا ههههههههههههههه فلم هندي الله يعينج وانتي تقرين حبوبه

[العهود111]

قولي الحمدلله على هالحال الي انتي فيه

1- ياما بنات توظفوا وتلعوزوا من الوظيفه بسبب الاداره الزوج الناس ...

2- ياما بنات اتزوجوا وقالوا ياليت ماتزوجنا العزوبيه ابرك ...

3- وهذا كله خيره لج ولازم نصيبج اييج ...

4- واهم شي مايضحك عليج ابليس ويقولج سوي وسوي ...

5- وخلي نفسج فري ولا تزعلين من اخوج وغيره ..

6- والله يوفقج دنيا واخره ...

[الولهـانه]

فديتج الله يوفقج ...

وكله من الله...

كل تأخيرة وفيها خيرة...

[نور حياتي]

فديتج عن الوظيفة حاولي و لا تيأسين وكلما تقدمين ع مكان اقري معلومات عنهم من الموقع عسب تنجحين ف الوظيفة ... و في قسم الواظيف ف المنتدى فيها وايد اساله عن الوظايف ممكن تستفيدين منها


ويوم انتي متضايقة خبري ابوج مب عيب ترمسينه قولي له انج متضايقة من يلسة البيت .. كلمي حد من اخوانج ولا خواتج



والله يرزقج ان شاء الله

[كلـ شموخـي]

الحمدلله على كل حــــــــــآل

[أم سعيد 15]

ربي يرزقج بكل اللي تتمنينه

[عالية الغالية]

والله محتاجة شي واحد زيادة ع اللي سويتيه





























حسن الظن بالله والثقة التامة ان الله بيعطيج ( ولسوف يعطيك ربك فترضى )




وبعد ادعي ولا تستعيلين الاجابة في نفس اللحظة


لاني قريت مرة ان الدعاء اذا قرب يستجاب ويتحقق فالشيطان يوسوس لج ويخليج تتنرفزين وتقولين كلام يضيعج

وبجذه ما يستجاب الدعاء بسبب استجابتج لوسوة بليس اللعين

[دنيتي وياكA]

الله ييسر امورج يارب
ويحقق لج كل اللي تبيغيه ولا تنحرمين منه
اصبري الله يحب الصابرين
ادعي مالنا غير الدعاء والصلاة والاستغفاار والله بيسر امورنا ان شاءالله

[بنوته2008]

منو يا اختى ما يعاني في هى الدنيا خلنا شوى شوى نمشي في ضيجتج


1- طلعت البيت : انت ما تقدرين تطلعين لاسباب ما تقدرين تسوقين لانه اهلج منقود عندهم هذه جهه من جهه ثانيه
تبي ترفهين عن عمرج لانج تحسين انج في سجن بس في نفس الوقت انت تطلعين كل ما سمحت
الفرصه صح ولا لاء ؟

انزين وين الحل : الحل يا اختى انج في الوقت الى ما تطلعين فيه قسمي فيه وقتج يعني
شوفي شو الى مقصره ويا ربج فيه مثلا ما تصلين السنن ابدى صلى صلاة
وحده مفروضه وبعدين سنتها وكل يوم زيدى على الصلاه المفروضه سنه
اول يوم الصبح وسنتها والظهر وسنتها في اليوم الى بعده او انج
تصلحين اى شي ويا ربج انت تحسين انج مقصره فيه ، ممكن تطبخين
اشياء ، ممكن انج تسوين توزيعات فيها عبارات اذا عندكم مناسبه او
لشهر رمضان يمكن ما احد سواها وتكون منج لفته حلوه . تزرعين اي
شي حاولى تغيرين في حجرتج اشياء علشان الروتين يتغير .
اما بالنسبه للطلعات ممكن تحطين دريوليه حرمه اذا اهلج ما ما نعوا
وهذا حل بعد بس بظل اقول لج :
انت ادرى بالمكان الى انت فيه وشو ممكن تسوين فيه

3- الوضيفه : سبحان الله اكيد الله يحبج لذلك رسبت ليش ما تعرفين انه ما ابتلاك الا لانه يحبك ، وهذه ارزاق والله
يوزعها وانت مو بايدج شي تسوينه غير انج تدعين الله انه ييسر امورج اول شي بتحسين بتكاسل لانه
الشيطان شاطر بس قبل ما تبدين اقرى سوره الناس اكثر عن مره وبعدين استغفرى لو عشر مرات
واحمدى الله عشر مرات وكثرى من لا اله الا الله وايد واكثر شي من لا حول ولا قوة الا بالله لها اثر
عجيب انا مجربتنه . ولا تقولين حظ مو حظ هذه ارزاق مقسمه وانت بتاخذين نصيبج وين ما كان.
بس انت قدمي اوراقج وامتحني وارسبي شو يعني الدنيا طارت لا يا حبيبتى الدنيا بخير وان شاء الله
بتلقني الوضيفه الزينه الى تريحج .

4- الزواج :يا اختى منو ما يبا الستر حبيبتى كلنا ان شاء الله بي نصيبنا والله بيرزقنا ونحن ما بنحاتى هذا الشي لو ما في احد يحسسنا وكلنا نبي نزهب وانحس انه في احد يقضي الى نبيه وما يقصر علينا باى شي ، بس بعد ما نقدر الا انه ندعي رب العباد الى قادر على كل شي ومسير العباد وهو الى بيب نصيبج باحسن الناس يارب العالمين . اما بالنسبه لين ربعج الى ينخطبون انا اعرف انه شي مب هين لو انج ما تقصدين انج تحسدينهم بس تقولين
يحز في الخاطر بس في نفس الوقت ممكن تقولين يارب مدام بعده ما يا نصيبى يارب اكتب لى النصيب الى يسعدني بالدنيا او في الاخره و " ربنا لاتجعل في قلوبنا غلا للذين امنوا". او اي دعاء انت تحبين تقولينه وبعد ترا الرياضه ممكن تسوينها وتخوز عنج هذاالشعور بستغربين بس جربى بس لو تمشين في حجرتج على صغرها وتدورين 11 مره ولا اكثر وبتشوفين النتايج .

اما بالنسبه لاخوج فهو ما يقصد لانه الشباب بشكل عام يطنزون ويا بعض بشكل جارح بس عادى عندهم
واسالى اي وحده متزوجه بتقولج انه طنازت ريلها في الفتره البدايه في حياتها قويه لانه ما يعرف انه
مزحهم قوى بالنسبه للبنات بس في نفس الوقت يباله قرصه علشان يتادب وما يقولج يالعيوز :

فعندج كلمات انت اختارى شو تقدرين تقوليله

- لو انا بنتك ترضى تقولها عيوز لانها بعدها ما تزوجت .
- انا عيوز عندك بس عند رب العالمين جميله الجميلات ورب العالمين شو يقول
" والباقيات الصالحات خير عند ربك ثوابا وخير أملا".
- ما اعرف منو العيوز انا ولا انت شوف عمرك في الجامه .
- عيوز بس شايله عمرها مب عيازه ما تسوى شي .
اما بالنسبة للى تعرفين انها ترمس ويا الشباب تعتقدين انها تنام مرتاحه وش دراج انها اخر الليل ما تصيح من الى تسويه على الاقل انت تستريحين انج ما تعصين رب العالمين وخاصه بهذه الاشياء ما فكرتى اذا انكشفت او خدعها واهددها او سو بها اي شي تتمنين ساعتها انج تكونين شراتها قولى الحمدلله ان الله ما ابتلاج بهذا الطريج يا حبيبى في الله


حبيت اختم يا اختى اي صلاه او قيام او عمل تسوينه لنفسج مب لازم تقولينه للناس ربج ادرى بج احتفضي لهذا الشي لنفسج وخبيه عن الناس قد ما تقدرين علشان ما تغترى بنفسج وعلشان الناس ما تحسدج على قدرتج بالقيام والدعاء لانه هذه بحد ذاتها راحه نفسيه . اما بالنسبه للتبنى فانت بمجرد النيه تؤجرين يا اختى فما بالج يو بتتبنين يتيم
بس الحين الفرصه مو متواجده يوم بتكون موجوده ان شاء الله ما بتقصرين " لا يكلف الله نفسا الا وسعها " فلا تضيقين على عمرج والله واسعنها عليج

عسى الله يريحج وينول لج الى في بالج يا قرت عين والديك


ودعوه منج بظهر الغيب بالزوج الصالح والهدايه والستر والمغفره ويرحم امي ويغفر لها ويدخلها الجنه بدون حساب ويطوا عمر ابو على الخير يارب العالمين عسى تكون منج لباب السما مستجابه .

[بنوته كفالي]

يَا أَيُّهَا الَّذِينَ آمَنُوا اسْتَعِينُوا بِالصَّبْرِ وَالصَّلَاةِ ۚ إِنَّ اللَّهَ مَعَ الصَّابِرِينَ (153) - سورة البقرة


اصبري الغاليه و الله يرزقج على قد نيتج

والله يحقق لج امنياتج


ادعيلي