المسك~ضروري~

**شجرة التوت** · 2009-05-09, 05:05

السلام عليكم ورحمة الله وبركاته

حبايبي بغيت منكم طريقة عمل وإستعمال المسك الحجر اللي أستخدمه بعد الطهر من الدورة.
أنا خذته من عبدالصمد القرشي

و هل يصير أستخدمه في أي وقت ثاني من الشهر؟
وهل هو آمن أو يسبب إلتهابات؟

أتمنى أسمع تجاربكم وردودكم~
~~الله ييسر أموركم ويصلح لكم ذريتكم~~

المزيد من آخر المواضيع من نفس القسم:

**أنا مسلمه** · 2009-05-09, 05:08

ياليت البنات يفيدونج .. بس انا سبب لي التهابات ^.^ .. يمكن وحده لوحده يفرق

**نونو111** · 2009-05-09, 06:42

والله يالغالية انا استخدمه دوم بعد السباحة على طول وعلى كامل الجسم بما فيه هناك واوكيه الحمدلله ما حسيت بشي

**شجرة التوت** · 2009-05-09, 14:22

~~مشكورات حبايبي ~~بس بغيت أعرف كيف أستخدمه سمعت إن ينحط مع الماي ورد

**dxbaii** · 2009-05-09, 16:40

ييبي غرشت ماي من الصغار ودقي المسك وبعدين حطي المسك بعد ما طحنتيه في غرشت الماي وخضيه قبل كل استخدام وحطي اشوي من الماي على القطن وامسحي فيه المنطقه

**البنفسج((1))** · 2009-05-09, 16:42

بالعكس وايد اوكي اي وقت استخدميه غناتي

**أم عليه** · 2009-05-09, 17:09

صاحبة الموضوع يزاها الله الف خير اختي بنت زايد
هذا الموضوع يتكلم عن نظافه المنطقه الحساسه و استخدام المسك

1- شكل المسك 0

نبدأ بخطوات عمل المسك :

بنات خلوا كل شي تستعملونه نظيف الان هالخلطه بنستخدمها لمنطقه حساسه في الجسم

و هذي الاغراض الطلوبه

1----

مسك عبد الصمد القرشي (( احسن شي ))
ماء ورد
ماء معدني
طاسه ذات غطاء محكم

اولا: روحي عند عبد الصمد القرشي وقوليله ابا مسك الحجر ((الحبه 10 دراهم<10 ريال)) ريحته جنان......

ثانيا: خذي نص قطعة المسك و لفيها بنايلون عشان النظافه و ما تتوصخ

اطحني نص حبه المسك بس ما اتخلينها بودره لا

كذا لازم يكون شكلها

يعني فيها كسر

ثالثا: بعدين اناء لماء الورد و الماء المعدني

((..انا استعمل مسافي))

و هذا مقدار كل واحد منه *ماء الورد و الماءء المعدني *

و ايصير اتزيدين على حسب حجم العلبه مب شرط تتقيدون بالكميات

وحطي المسك و الماء الورد و الماء المعدني مع بعض في طاسه قابله للقفل ((يعني ام غطاه))...........

وبعدين رجي الطاسه زين لين ما تتخلط المحتويات((طبعا المسك ما راح يذوب))

-------طبعا القطعه تكون نظيفه

القطن البيضاوي هذا بس اتغطينه عادي

و قطعه قطن الدائري هذي((يعني تطلع عندج نصف دائره))

مثل ما واضح في الصوره

-- القطــــــــــن---

وتغطسينها في الخلطه وتمسحين بها المنطقه من فوق لين تحت و الخلف بعد...

للمتزوجات لازم ادخلين القطنه داخل0 ... وراح اتشوفين انه في وصخ يطلع ((هذا دليل النظافه))
والبنات بس من برع.

((يجب مراعات النطافه التامه يا بنات ... يعني لا تغطسين القطنه اكثر من مره عشان ما تنتقل الجراثيم في العلبه))

وتستمرين بها الطريقه

بعد ما تخلصين من الدوره ولمده 3 ايام متتاليه

و اذا كنت حابه بعد الاستحمام و وقت الحاجه طبعا

وشوفي النظافه والريحه الحلوه ((حتى الريحه تعلق في ملابسج الداخليه))

و انسي شي اسمه التهابات او حساسيه و افرازات و روائح كريهه...

انا انصحكم بمسك عبد الصمد القرشي عشان هو الاصلي و يكون معقم ولاتستعملون شي ثاني

الان هذا النوع الوحيد الي انا جربته

جربوا وادعولي وادعو لام جمانه اللي كتبت هالموضوع....................... ...

اللهم يسر أمري .... وفرج عنا برحمتك ياقريب يامجيب ... عاجلا غير آجل يارب العالمين

وهي كاتبه بنهاية موضوعها :

اتمنى من كل بنت تبي تنقل الموضوع تذكر المصدر و تنقل الموضوع حرفيا و يا كل شي بدون حذف

لاني صدق تعبت عليه يعني حتى اسمي لا تحذفينه و هذا اهم شي

(((..وترى المسك مايضر ابدا بالعكس له فوائد كثير والرسول صلى الله
عليه وسلم وصى عليه))

ان شاء الله افدتج......هذا موضوع اختي بنت زايد

**فتاة حالمة** · 2009-05-09, 17:57

استخدميه بعد الدورة وبعد الجماع هذا مهم
واذا حابي تحطيه بعد السباحة عادي

**غرورعبدالله** · 2009-05-09, 21:38

رووووعه الطريقه..

عادي استخدمها وانا حامل ولا ما يصير؟

**شجرة التوت** · 2009-05-10, 14:13

ثانكيوووووووووو

**Fafi** · 2009-05-10, 14:19

بنات مسك الحجر مب للمناطق الحساسه !!!

**ريم دبي3** · 2009-05-18, 17:32

مشكوررره

**غرورعبدالله** · 2009-07-04, 04:48

بنات عادي الحوامل يستخدمونه؟؟

**ذكريات امي** · 2009-07-04, 14:30

البنات ما قصروا والمسك ينباع في الرصاصي بعد

**مره حيل** · 2009-07-04, 14:37

أنا أستخدمه بعد ما تسبح على حسب يعني مب كل السبوحات يعني جي مره في الاسبوع خاصه في الويك أند يوم بو الشباب موجود بعد ما أشل بموس أستخدمه (على فكره أنا ما أطحنه ولبا أحطة في ماي بس أستخدم الحجر شرات الصابونه ) وتعرفون الموس يخلي المنطقة تطعن بس أمسحي بحجر المسك بعد الموس وشوفيج النتيجه جنج شاله بحلاوه ناعمه وطرية ولا بعد ما تحسين أنج شالة بموس

هذي نصيحتي والحمد الله مرتاحه من استخدمته من الالتهابات بس أنا دايما إلتهابات لها أسباب ثانيه
والسموحه على الاطاله

الموضوع: المسك~ضروري~

أدوات الموضوع

عرض

المسك~ضروري~

المزيد من آخر المواضيع من نفس القسم:

المواضيع المتشابهه

ضروري لو سمحتوا، وين الاقي المسك الاسود السائل الاحمر

حجر المسك ولا المسك الابيض السائل ولا المسك الاسود السائل(صوور)

حجر المسك (( المسك الجامد )) بالجملة

المسك وما ادراك ما المسك ؟!!!!!!!!!!!!!!!!!!!!!!!!!!!!!!!!!!