الدورة الشهرية

**الحياة غير** · 2009-05-08, 15:39

السلام عليكم ورحمة الله وبركاته

شحالكن بنات عساكن بخير وعافية

انا عندي سؤال بس مستحية منه شوي.. المهم بخلي الحيا ع صوب و بدخل بالموضوع لانه وايد متعبني

انا بنت عمري 22 سنة .. مخطوبة حاليا والمجلة شهر 7 ان شاءالله

انا عندي سؤال عن الدورة الشهرية واذا لها تاثير على غشاء البكارة

بخبركن السالفة بالتفصيل ... انا الدورة الشهرية يتني يوم كنت صف اول اعدادي .. واول مرة تمت معاي تقريبا اسبوع وشوي ... وهي ما كانت منتظمة ابد يعني كانت تم معاي من اسبوع لين 11 يوم .. وكان تيي كل 27 يوم الى شهرين.. المهم قبل سنة ونص تقريبا الدورة انتظمت عندي يعني تيي كل شهر وتبقى معاي 9 ايام .. والدم النازل عادي يعني مثل اي وحدة اول يومين يكون شوي غزيرة وبعدين يخف .. وطبعا مع قطع الرحم اللي تنزل اللي تكون بحجم القطعة النقدية الصغيرة

لين هني كل شي اوكي وماشي اي مشكلة

المشكلة بدت يوم الثلاثاء اللي طاف يوم يت الدورة ... كانت عادية اول يوم لكن ثاني يوم مادري شو صار .. الدم اللي ينزل عادي لكن المشكلة في قطع الرحم اللي تنزل ... كانت كبيرة بشكل فضيييع
يعني حجمها تقريبا ( الطول 5-7 سم والعرض 3-4 سم ) ومن يومها وانا خايفة تكون هالقطع اثرت على الغشاء .. مادري شو اسوي دورت على رقم اخصائية نسائية لكن ما حصلت.. وانا ما اقدر اروح العيادة لاسباب خاصة..

بليز بنات طمنوني .. هل ممكن تاثر الدورة على الغشا .. ومنو صار لها نفس الشي؟؟
ومنو عندها رقم اخصائية نسائية ممكن تساعدني ؟؟
بليز بنات لا تبخلن علي وطمنني الله يطمنكن دنيا واخرة

المزيد من آخر المواضيع من نفس القسم:

**حلم صيفي** · 2009-05-08, 15:57

والله حبيبتي انا حابة اساعدج بس هي اول مرة اسمع بقصة زي قصتج ...

انتي من اي امارة عسب اساعدج او البنات يساعدوج برقم الاخصائية ....

**لاكي** · 2009-05-08, 16:09

سبحححححان الله
لاني كنت ناوية انزل موضوع تقريبا نفسج
يتني هالحالة من سنة اظن
كانت عندي الالام فظييييييعة جدا
ابكي واتقلب من مكان لمكان وارجع وويهي يستوي اصفر
وما يهديني الا الابر الي اخذها من الحوادث او حبات المورفين
في يوم من الايام على هالحالة وماكان عندي حد يوديني المستشفى
ومع الالام نزلت مني حبة عزكم الله مثل شكل البيض كانت مفاجاة مني
وتصعقت منها ومصدومة ..
خبرت امي تعجبت خبرت اخواتي بعد تعجبو الكل حاسس انها حالة فريدة
كنت ناوية اروح المستشفى مشان اطمن على عمري بس كانت عندي حالة كسل
فقلت حق عمري اذا تكررت راح اروح المستشفى بس الحمد لله من وقتها لين الحين ما تكررت
بس لهي اللحظة وانا اتمنى اسمع الجواب
والحين يوم شفت موضوعج اتمنى اعرف شو الي استوالي هذاك اليوم

**أم اليمامة** · 2009-05-08, 16:12

انا بعد اول مرة اسمع بهالقصه....بس ان شاء الله خير......لان غشاء البكارة مب لهادرجه خفيف....يعني هو صح رقيق بس مب لهادرجه انه يأثر عليه الدم

**ღثلجه ورديهღ** · 2009-05-08, 16:18

اممم يعني القطعه اكبر عن الصبع ؟؟

**قلبي من ألماس** · 2009-05-08, 16:19

لا تحاتين حبيبتي ..

غشاء البكارة ان شالله مب متأثرٍ .. انتي بس لانج الحين على عروس .. تحاتين هالشي وتخافين منه ..

وبعدين فض الغشاء ما ينزل دم لدرجة ان تنزل قطع كبيرة .. << وسوري اذا كنت صريحة بزيادة ..

بس انا اعرف وحدة دايما اصلا لما ينزل منها الدم ينزل جي كتل كتل ساعات .. بس هو دم متجلط .. وبالحرارة ينزل ..

عشان جي يقولون البنت وقت الدورة تبعد عن البروودة .. لانها تدخل هوا من غير انها ما تخلي الرحم ينظف عدل من الدم ..

لا تحاتين ولا تفكرين غناتي .. والله يتمم لج عرسج على خير ...

**الحياة غير** · 2009-05-08, 16:30

امين يارب

تسلمون خواتي

انا من ابوظبي .. والقطع اللي نزلت هيه اكبر من الصبع.. مادري شبهتها بالجنين.. لا تفهمون غلط انا الحمدلله ملتزمة ومحد مسني خير شر.. هي تقريبا 4 او 5 مرات نزلت بنفس اليوم..
وانا من زمان تنزل مني قطع لكنها تكون صغيرة

**ام sdt** · 2009-05-08, 17:34

والله مااعتقد بس اذا ماتقدرين تسيرين عياده عشان تتاكدين على الاقل اتصلي بدكتوره نسائيه عشان تتطمنين ويخوز عنج الخوف وانا ماعندي رقم حاليا بس في عندج عيادة الدكتوره اوراس او مستشفى زليخه الطبي اطلبي دكتوره نسائيه واساليها والله يسعدج في حياتج انشالله

**الحياة غير** · 2009-05-08, 20:24

ان شاءالله

مشكورة اختي

بليز بنات اللي عندها رقم اي دكتورة نسائية تطرشلي عالخاص

ويزاكن الله كل خير

**كشكش** · 2009-05-08, 21:05

أختي أن شاء مافيه شي ........

أحس الدوره تختلف في الصيف يمكن من الجوه أو أكل يعني مثل الهمبا يزيد كمية الدم....

أنا أشوف أنه عادية بس أنا مش دكتوره

**بنوته89** · 2009-05-08, 22:12

الدورة ابد ما يخصها بغشاء البكارة..لا تحاتي الغالية

**يمامة أيوب** · 2009-05-08, 22:35

المشاركة الأصلية كتبت بواسطة قلبي من ألماس

لا تحاتين حبيبتي ..

غشاء البكارة ان شالله مب متأثرٍ .. انتي بس لانج الحين على عروس .. تحاتين هالشي وتخافين منه ..

وبعدين فض الغشاء ما ينزل دم لدرجة ان تنزل قطع كبيرة .. << وسوري اذا كنت صريحة بزيادة ..

بس انا اعرف وحدة دايما اصلا لما ينزل منها الدم ينزل جي كتل كتل ساعات .. بس هو دم متجلط .. وبالحرارة ينزل ..

عشان جي يقولون البنت وقت الدورة تبعد عن البروودة .. لانها تدخل هوا من غير انها ما تخلي الرحم ينظف عدل من الدم ..

لا تحاتين ولا تفكرين غناتي .. والله يتمم لج عرسج على خير ...

رايي
مثل الاخت...

انا صار لي مرة و لمن رحت عند دكتورة قالتلي الدم عندج مال الدورة متجلط متخثر و ينزل قطع ...ماله شغل بغشاء او شي هذا من الرحم و اللي تشربينه و تاكلينه ياثر,,,
انتي كله شربي اشيا حارة ولا اتحاتين و خلج دافيه طول الوقت و دفي ريولج..

اذا ما استحملتي الالم ترى بنادول يزيد سيولة الدم لكن الاحسن ابتعدي عن الادوية وكقت الدورة و اشربي اشيا حارة

مافيج الا العافية لا احاتين

**قفص الحب** · 2009-05-08, 22:52

انشاءالله مافيج الا العافيه ..

بس انا أقول اطلبي رقم اي عياده نسائيه من البداله واتصلي واطلبي الدكتوره وكلميها وانشاءالله خير

**mazyo0na** · 2009-05-08, 23:43

عندج عيادة الدكتوووره بشيره في بوظبي اتصلي ع البداله لان للأسف ما عندي رقمهاااا عشان تتطمنين فديتج

شربي اشيااا حاره ودفي عمرررج عدل واهم شي لا تمشين على السيراميك حافيه ترى كله بروووده ومضر على المدى البعيد

ان شاء الله ما عليج شر الغاليه

**الحياة غير** · 2009-05-09, 00:14

مشكورات خواتي
اطمنت شوي وان شاءالله ما يكون فيني شي

بس الصراحة انا دوم يوم تيي الدورة اشرب اشيا باردة ماحب اشرب شي حار
بس هالمرة شربت شي حار!!! وما جربت من البارد لاني كنت مزجمة .. وما كنت احس باي عوار .. لاني كنت اخذ اسبرين (يمكن هو اللي اثر)
شي غريب شكلي عكس البنات ^_^

تسلمن خواتي وان شاءالله بدور على رقمها

الموضوع: الدورة الشهرية

أدوات الموضوع

عرض