عرسي عقب شهرين وانا دبدوووووووووووووووبه

**قيوانيه11** · 2009-05-06, 11:22

مرحبا هذي اول مشاركه لي في هذا القسم الصراحه ما كنت ناويه اضعف ريلي يعيبه المربربات بس ربعي وخواتي يحنون علي وكرهوني نفسي الحين ابغي اضعف انا وزني 95

وابغي انقص 20 كيلو قبل عرسي بس ما اعرف بقدر والا لاني اموووووووت عالاكل

عالا قل اكون مليانه عقولت خواتي .............

ساعدوني اريد اراده وعزيمه عشان انقص

المزيد من آخر المواضيع من نفس القسم:

**شمعه حب** · 2009-05-06, 11:29

هلااا حبوبه وانا شرااتج فديتج بس انا ان شاءالله بتكوون خطبتي عقب شهر

وشرات وزنج..

وصدقيني بتقدري بس الشيء يباه اراده وعزيمه وانا اول وحده بكووون ويااج لانج شراات وزني

وانتي بكون عرسج وانا ملجتي..

وبنشد حيلنا والله نقدر

يالله شووو قلتي بنبدأ من لليوم..

وبعدين للجسم بس تعودينه ع الشيء خلاص بيتعود جسمج على نظام للاكل

انا مااقولج لا تاكلين بالمره كلي بس حاولي تخففي..

وان شاءالله خير..

**lollypop.84** · 2009-05-06, 11:30

اولا الف مبروووووووووووووك ^^

ثانيا

خلي عندج اراده قوييييييييية للضعف

روحي لأي دكتور تغذية اذا حابه تبدئين ويعطيج نظام غذاااائي

اذا تقدرين اتيين راك بدلج على اخصاائي تغذية وايد فناااااان ..^^ شخصيا يعجبني اكثر عن نيوترشن

او شوفي فالنت بتحصلين وايد قروبات يشجعون بعض للريجيم .. وفيه منهن اللي نزل وايد ماشاء الله ^^

**miss_ebda3** · 2009-05-06, 11:36

اختي قيووانيه11 بصراحه ..وبعطيج كاش في الويه مثل ما يقولون...

صدقيني المتن مافيه خير...مضر للصحه..بشكل عام...

والريايل هاي رمستهم في البدايه خلج لا تضعفين مب لازم جسمج عايبني ومن هذا الكلام ..لكن اخذيها نصيحة اخت

في قلبهم يقولون جان زين تحس وتضعف...

حاولي واضعفي ...خلي وجباتج خمس في اليوم بس بكميات قليله ...وابتعدي عن العيش (الرز) ..هو مصيبتنا ...

والخبز الابيض ...

بعطيج نظام حلو....

الصبح اشربي ماي تقريبا 300 مل..لان الماي يذوب الشحوم..

وعقب ساعة افطري على صحن فواكه ..مثل جريب فروت كيوي واناناس...

والغدا ...سمجه مشوايه مع شوية سطله ...

العصر كلي تفاحه وكيوي وبطيخ احمر ..وابتعدي عن الموز ..والمانجا لانهم يمتنون...

المغرب ..بقسم وجاي ..

العشا عااد لازم يكون اخف شي ..روب مع خيار ...سلطه خفيفه مع روب ...وتعشي من وقت...

واهم شي الرياضه ...امشي العصر ساعه (واذا ما قدرتي تمشين برع ...اخذيلج جهاز مشي )

والجهاز بيشجعج تمشين في اي وقت ...واحسن وقت الصبح ...قبل الاكل ...بساعه...

وان شاء الله على هذا النظام بنزلين بن 10 إلى 15 كيلو ...

وبصراحه همسه في اذنج ...بعد العرس ما بتقدرين تسوين ريجيم.لانج بتكونين خايفه تحملين ( بإذن الله)...

وحافظي على جسمج من اليوم...لا تأجلين لين باجر ....

صدقيني كنت مثلج اقول ما بقدر وما اقاوم الاكل ...بس بعدين بتشوفين نفسج تنسد شوي شوي..

اها وسويلج حلول مره في الشهر ..مفيد وااايد ...

وبعطيج خلطه عصير ...سميتها معجزه ...( اناناس وكيوي وشوية ليمون )...اشربيلج كوب واحد مره لمدة 3 ايام في الاسبوع...وشوفي نتيجته ..اخر الليل... (مجرب 100%)

يذوب الشحوم ويبعد الامساك...ويسد النفس عن الاكل

طولت عليج ..الغالية .

تحياتي

**قيوانيه11** · 2009-05-06, 11:51

شمعه حب هلا فديتج ياسلام جي التشجيع يله نبدى من اليوم انشالله نضعف

lollypop.84
هلا حبيبتي منو هالدكتور لاني انا مجربه نيوترشن وماكملت لاعت جبدي بسير لو في المريخ عااااادي

miss_ebda3
هلا الغاليه تصدقين ترمسين شرات خواتي خلاص صدق عاد بوقف اكل وبسمع كلامكم وبجرب العصير انشالله

**بنت الاجواد** · 2009-05-06, 11:55

الرجيم :
قبل الفطور : 2 كأس ماي فاتر على الريق وبعد نص ساعه تفطرين

الفطور : كأس عصير برتقال بدون سكر + 2 توست اسمر + ملعقة كبيره لبنه أو زبادي بكيفك
الغداء : نفس الفطور
العشاء : نفس الشي
اختي هذا ريجيم نزلته من منتدى
وانا الحين اتبعه
تقول صاحبة الموضوع
10ايام ينقص4 كيلو مع شويت رياضه يعني ربع ساعة مشي

**شمعه حب** · 2009-05-06, 11:57

يالله ختيه من اليوم بنبدأ

انا تريقت بس كمثره وعنب وماالي خاطر اتغدى

شوو رايج...

**جمر بارد** · 2009-05-06, 12:00

20 كيلو بشهرين صعبه خليهم النص بيكون زين

اشربي ماي على الريج وسوي رياضه يحرق زياده

**لمعة خرز** · 2009-05-06, 12:03

اهم شي المشي

**قيوانيه11** · 2009-05-06, 12:09

هلا شمعه الحب انا تريقت كورن فليكس رجيم وحليب قليل الدسم وبحاول لا شو احاول اكيد انشالله ما باكل عيش باكل مشاوي

وتسلمون عالمرور

**lollypop.84** · 2009-05-06, 12:17

المشاركة الأصلية كتبت بواسطة قيوانيه11

هلا شمعه الحب انا تريقت كورن فليكس رجيم وحليب قليل الدسم وبحاول لا شو احاول اكيد انشالله ما باكل عيش باكل مشاوي

وتسلمون عالمرور

الريم

على شارع الكورتيش

حذال فواله

روحي له

اكله فنان

ماشي حرمان

ومريح وااااااااااااايد

**قيوانيه11** · 2009-05-06, 12:20

بشوف الغاليه يوم بي راس الخيمه وبسير اطالعه

**LDEHX** · 2009-05-06, 12:25

الله يوفقكم الغاليات

وتضعفون ونضعف من غير شر

وتقبلوا مرووووري

**هيام (1)** · 2009-05-06, 12:32

والله انج اتذكريني بعمري بس انا كنت 81 جيه ومرات 79 وقبل عرسي كنت متضاااايجه وكتبت هنيه بعد موضوع هههههههه بس والله لازم لازم لازم تضعفين والله كل شي بتلبسينه حق ريلج بتكرهين عمرج وبتمين الا اتغطين هذا وهذا ابدي من الحين الحيييييييين ماشي وقت اقل شي تضعفين لين السبعين شوفي انا معرسه من 7 شهور تقريبا ووزني صك ال 87 اول مره ف حياتي ازيد جيه يعني حطي في بالج انه عقب العرس يمكن يزيد وزنج

**|~القلب الطيب~|** · 2009-05-06, 13:03

الله يوفقج حبيبتي

ومثل ماقاللج البنات

اكلي بقياس وابتعدي نهائيا ً عن الغازات والجوكليت بشكل عام

وكثري من الماي

والجاي او الكوفي اذا حبيتي تشربينه شربيه بحليب قليل الدسم يعني ابتعدي عن بو قوس وكوفي ميت وخلي كوبين بس تشربين في اليوم كامل

واكليلج كيوي واناناس وتفاح اخضر

والله يوفقج ان شالله حبوبه وتنزلين

ومبروك ان شالله

الموضوع: عرسي عقب شهرين وانا دبدوووووووووووووووبه

أدوات الموضوع

عرض

عرسي عقب شهرين وانا دبدوووووووووووووووبه

المزيد من آخر المواضيع من نفس القسم:

يارب اضعف

المواضيع المتشابهه

عرسي بعد شهرين

ساعدوووني عرسي بعد شهرين

عرسي بعد شهرين وماعرف شو اسوي

عرسي بعد شهرين

بنات ساعدوني عرسي بعد شهرين