قصيدة عن المكياج

**أم رشدان** · 2009-05-05, 13:58

قصيدة عن المكياج

يـا صانـع المكيـاج الله يجـازيـك
خليتني مخـدوع فـي شكـل خلـي

الله يحـرق مصنعـك مـع مبانيـك
والمعرض الموجـود في بيكاديلي

هـذا دعائـي دوم لا جيـت اصلـي

خليتني اركـض ورا البنت هاذيـك
واشوفها اجمل غـرام ٍ حصـل لـي

قلبي عشقها يا(جيفنشي) توماتيك
وان شافها قلبـي يرحـب يهلـي

هي رحبت بـي وقالـت الله يحييـك
وقالت هلا باللي عشق زيـن شكلـي

وقالت انا اجمل بنت في اللي حواليك
شف حسني الاخاذ وروجي العسلّـي

طالعتها ثـم قلـت هالقلـب يبغيـك
ومن شاف حسنك خلى غيرك يولـي

ابغي اشوفـك دون مكيـاج يكسيـك
وابغـي اشوفـك بالجمـال المحلـي

قالت تبينـي افـرك الوجـه تفريـك
واشيل هالبـودر وروجـي وكحلـي

قلت أي نعم قومي عسى الروح تفديك
ابغـي جمالـك هالطبيعـي يهـلّـي

قالت دقايق راجعـه لـك واراويـك
ذاك الجمـال اللـي لعينـك يسـلّـي

ويوم رجعت لي شربكتني الشرابيـك
وحسيت الارض تدور وانـا بمحلـي

الوجـه كنـه بيـت كلـه شبابيـك
من هال حفر في وجهها اللـي يعلّـي

كلـه سبـب مكياجـك الله يجازيـك
خليتني مخـدوع فـي شكـل خلـي

ونصيحتي لكل شاب من غير تشكيك
لا لا اتسـرع ثـم تنغـش مثـلـي

اللـي بـلا مكيـاج خلهـا حواليـك
واللـي تحـط مكيـاج خلهـا تولـي

منقول من الايميل

المزيد من آخر المواضيع من نفس القسم:

**ورده ^_^** · 2009-05-06, 00:02

الله يعطيج العافيه

**ايشوووت** · 2009-05-07, 02:51

لوووووووووووووووووووووووووووولز ,,

صح لسان الشاااااااااااااااااعر وتسلم ايدج الحلوه ههه........

**kokabody** · 2009-05-07, 13:47

الوجـه كنـه بيـت كلـه شبابيـك
من هال حفر في وجهها اللـي يعلّـي

كلـه سبـب مكياجـك الله يجازيـك
خليتني مخـدوع فـي شكـل خلـي

صح لساااااااااااااااانج يالشاعره

**jameela200** · 2009-05-08, 16:18

هههههههههههه

حلو والله

الحمدالله اني ما احط مكياج الا في الضرورة القصوى

**ربيع القلوب** · 2009-05-08, 23:09

أضحك الله سنك أختي الحبيبة أم رشدان ,

و أحسن الله عزاء كل مغتر بتلك البهرجة المزيفة من مساحيق و أقنعة خادعة ,

حين تختل الموازين و يصبح المعيار الأساسي هو البحث عن جمال الجسد , و إغفال جمال الروح و الأخلاق ,

فإنه يستحق الكارثة التي حلت به ,

بارك الله فيك أختي الغالية على الإختيار الطريف , ننتظر منك كل جديد بإذن الله ,

دمت في رعاية الله و حفظه .

**ساس الحلا** · 2009-05-09, 22:11

هع هـآع ..~

والله انه القصيد ترتوووب ..^^

صح السـآن شآعرهــآ ..~

وتسلمين حبووو ع الطرح

**يَمّ** · 2010-03-20, 15:57

❀ ❀ ❀

لووووووووول الظاهر إن مكياجها أصلي صايرة كأنها حاطة ماسك

ترى شي فرق بين مكياج التجميل و مكياج تغيير الشكل و صناعة وجه جديد ..

و هذي شكلها من النوع الأخير

الله يعطيج العافية يا ( أم رشدان ) و صح لسان الشاعر ..

ρ ά R a η ό i α

❀ ❀ ❀

**خواطري** · 2010-03-21, 08:07

تسلم يمناج يالغلا
وصح لسان شاعرها

الموضوع: قصيدة عن المكياج

أدوات الموضوع

عرض

قصيدة عن المكياج

المزيد من آخر المواضيع من نفس القسم:

المواضيع المتشابهه

قصيدة واحد تعقد من المكياج :)

قصيدة واحد تعقد من المكياج...