ّّالملتقى الخامس لمغتربات استرالياّّّ

[قالت ستأتي]

مسا الخير لكل الحلوات إللي في المنتدى
كيف الحال وشو الاخبار؟؟؟؟

والله اشتقت لكم وااااايد

أمس بديت أشتري للبيبي أغراض وقعدت ساعتين في السوق محتارة شو أشتري
من كل محل أشتري لبستين أو ثلاث .....
نسيت الورقة إللي عاطني إياها المستشفى عن أهم الأشياء إللي تشتريها الوحدة لأستقبال المولود

رحت محلات وايد بس أحلى محل عجبني ومتوفر فيه كل شي للبيبي محل الأطفال بيبي شوب .

بحاول آخذ معاي الورقة واروح له مرة ثانية لأني للحين ما اشتريت منه شي
سمعت إنه بعض فروعه مسوية تنزيلات بحاول استغلها والله المستعان


مغتربة

ما شاء الله مشترياتج حلوة أنا أحب هاي السلطات ، كنت اكلها بين الوجبات هههه تصبيرة

شوق شوقي

كيف حالج وحال بناتج الأمورات ؟ أنا ريلي بعد يقولي ردي معاي ، بس الحين أحس إنها صعبة وايد.

سنيورينا

ما شاء الله بدأ الصيف عندكم ..... نتريا الصور والأغراض إللي شارتنهن

روزي

أخبارج وأخبار الدراسة .... الله يعينج على تدوير الهدايا للمعاريس.

أحبك m

كيف حالج شو أخبارج وأخبار الدراسة ؟؟؟ الله يوفقج
بسير أشوف جديدك في منتدى السياحة.

مارينا

طمنينا على أخبارج وأخبار السكن.

نفنوف

وينج؟؟؟؟ وشو أخبارج ؟؟

وبقية المشاركات ..... لا تحرمونا من مشاركتكم معانا

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[rose_dxb]

قالت ستاتي

جانج من دبي ( بيبي شوب فرع الريف مسوي تنزيلات واااااااااايد )

و محل كارتيير في مول الامارات و العربي سنتر

يوم كنت في امريكا اشتريت منه حق بنت اخويه .. و مرت اخويه تقولي ان الكوالتي مالهم زيينه و ما يختربن عكس الملابس الي اشترتهن من هنييه

[rose_dxb]

لقيت مشاركه مارينا في الملتقى الجديم .. اليوم حطتها ..
طرشتلها رسااله و هذه مشاركتها

مرحبا صبايا....

ما بغا المنتدى يفتح...حشاااا

مغتربه... مشكوره على الموقع وانشاالله اتوفق بواحد من هالاماكن... والله يايني اكتئاب من هالمكان... ابا مكان اكبر وكلش مب مرتاحه مره... عندي الاحساس انه مو بيتي...والارق مو مقصر فيني....

شوق شوقي.... اخبارج.... موجوده والله بس شكلهم بيقطعونا بهالكورس بالدراسه.. الله يوفق الجميع...

سنيوريتا وروز وقالت ستاتي.... شو العلووم؟

[شوق شوقي]

والله ملانه ......ملل .....ملل

شو اسوي ماشي شغله الله يعين ...تغربنا ملينا ..ردينا ملينا ..

[مغتربة2]

هلا بنات شخباركم ياسلام شو هالمشاركات الحلوة!! ماشاء الله عليكم عيني عليكم باردة دشو باجر مافيني احسدكم هههههه

شوق شوقي،، هههههههههههه صدقتي ياختي دومنا متمللين انزين يا حلوة اشغلي وقتج بأي شي مارسي هواية دشي نادي طلعي ليسن غيري فترتيب البيت مممم زوري الأهل شوفي فيلم ،، ما خبرتينا انتي من اي إمارة؟؟ ماشاء الله عليج متحفظة مب شراتي ما ناقص إلا ارفع صورتي فالتجمع هههههه

روزي،، مبروك مقدما وياعيني عاللي هداياهم سبشل عطاري الصينية تصدقين خاشتها فالكبت! اونه بخليها للبلاد ههههههههه عقولة ريلي كلما قلت له بشحن هالغرض يقول لي جي قحط!! كل شي فالبلاد هع!

قالت ستأتي،، ترى شي قائمة في بيبي شوب عالكاونتر مكتوب فيها اغراض البيبي ودشي المنتديات شي مواضيع حلوة ومفيدة والله يقومج بالسلامة الصراحة ملابس ماركس سبنسر اشوفها روعة بس قطعتهم يهود..

مارينا،، الله يسهل عليج إن شاء الله وتحصلين السكن المناسب..ويلا شدي الهمة دامج بديتي الماستر الكراف بيبدى!! والله يوفقج ويوفق كل الطلبة

أحبك ام،، شو تدرسين؟؟ لقافة

نفنوف،، شخبارج؟؟ اكيد مع الأهل والحمدلله عالسلامة..

[مارينا 3]

مشكورات روز ومغتربه.... طرشن مسج وبعد ما انتبهت "هذا الغباء بعينه"

مبروك على التجمع "اخر من يدري انا طبعا "

شحالكم وعلومكن..؟ انا بعدني متشرشحه... الله يستر لا الدراسه اوكي ولا السكن اوكي...

اقول بقرا اللي فاتني وباجر بدشلكم الساعه بتيي وحده الفليل ودوامي باجر الصبح وانا يالسه اتسكع بالملتقى....

تصبحون على خير....

[شوق شوقي]

مغتربه

ضحكتيني والله انا من راك والعالم وراك احاول اشغل تعرفين بشو اطبخ ماخليت سويت ماجربيته اليوم سويت

كيكة الفستق صراحه لذيذه


مارينا

تشتتي من الجامعه الغاليه معذوره اللي يدور سكن صدق ينسى عمره


قالت ستاتي

احسن شي بيبي شوب حق الصغاريه قطنيه ومريحه صراحه انا كله من وياهم اخذ خاصه البيجايم

[rose_dxb]

هااااااااااااااااي بنات

شحالكم


حلييييييلج يا مارينا .. الله يهون عليج يارب


مغمغ .. انتي عيل مب شراتي خخخخخخخخخخخخ انا يوم اسافر لو اشتريت قلم افجه من كرتوونه اشخبط امايه تقولي ما تروميييييييييييييين تمسكين عمرج خخخخخخخخخخخخخخخخخخخخخخخخخخخخخخخخخخخخخخخ

بخبركم عن سالفتي في المانيا ...

كل يوم اسيييييييير السووق .. و من اشتري شي ارد الفندق ركض البسه خخخخخخخخخخخخخخخخ
و مره امايه هزبتني و يوووووووووم رقدت نشيت الفليل و يلست اقرقع خخخخخخخخخ يوم دشت امايه عليه الحجرة
تمت تضحك قالت ما تروميين يعني الا تفتشيين اغرااضج خخخخخخخخخخخخخخخخخخخخخ


شووق شووقي .. الله يسهل علييج الوالده يارب ..كنت بكتبلج شي بس ياربي نسيت بنت اخويه عفدت ع الاب تووب

[أحبـ M ـك]

أحبك ام،، شو تدرسين؟؟ لقافة

..

فديتج ادرس بزنس اي تي .. والسنه اليايه اختار واحد منهن وادرسه في سنه وحده وبتخرج باذن الله

[أحبـ M ـك]

احلى بنات نزلت التقرير واتمنا تشوووووووفوووووووووونه

http://forum.uaewomen.net/showthread.php?t=452806

[rose_dxb]

احبك ام .. موفقه حبووبه في دراستج و الحينه بدش موضووعج

[أحبـ M ـك]

أحبك m

كيف حالج شو أخبارج وأخبار الدراسة ؟؟؟ الله يوفقج
بسير أشوف جديدك في منتدى السياحة.

حياج الله الغلا

بس بسألج انتي متغربه في سيدني صح ,, انزين ليش رديتي وريلج هناك حرااام ردي له احسن

[أحبـ M ـك]

والله ملانه ......ملل .....ملل

شو اسوي ماشي شغله الله يعين ...تغربنا ملينا ..ردينا ملينا ..

ليش فديتج وايد اشياء تتسلين فيها ،، اشتركي في نادي اذا انتي قريبه لج ام القيوين اشتركي في (( ايمار سبا )) والله خبال تحسين عمرج في المالديف

[سنيورينا]

مسا الخيييير

عيوني على حبه ونص مفتوحه ربع خخخخخخ
واخيرا خلص هاليوم والحمدلله ..
اكشن من الخاطر..

احبك ام

ماشاء الله التقرير واااايد حلو ..الصراحه عشت الاجواء ..
والفندق ماشاء الله حلو وايد ..لفتني البانيو خخخخخخخخخخخخخ
اللي فالحجرة حركه حلوة
والمطعم الايطالي
ماما ميااااا
الاكل يشهي خصوصا الباستا سي فود
عليكم بالعافيه يا
عيبني المكان والله تولهنا عالبلاد وايد يله هانت
ان شاء الله نرجع بالسلامه



شوق شوقي كنتي تتخبرين عن الريجيم

كلي يابوج لاتحرمين عمرج من اي شي
عقب سوف تصابين بمرحله الانفجار وتكتسحين ابو المطبخ وتزطين الاخضر واليابس
خخخخخخخخخخخخخخخخخخخخخخ
خبيرة فهالسوالف ترا..

كلي الاشياء المفيده سلطات وفروت وماي كثثثري منه
والسويت خففي منها واايد
وطبعا اهم شي الحركه والمشي
اليوم كليت نص كتكات خخخخخخخخخ
ماقاومت لونه وشكله الخطير فالمطبخ
والحينه حزينه لووووووووووول


مارين الله يعينج خيتو
الغربه صعبه الله يهونها عليج هو جي فالبدايه عقب
ان شاء الله بتستقرين الله ييسر لج امورج..


روزة فديت البيبي اللي تعفد عاللاب
خخخخخخخخخخخخخخخ
كييووووت ..

انا مثلج اول ماايي من السوق البس واجرب
ماروم اخش اي شي خخخخخخخخخ
لين ماامل منه اشوفه جدييييييييييييييم


فيني رقاد وسوالف
شواسوي

[rose_dxb]

حيالله سنيورينا

خخخخخخخخخخخخخخخ

شو اسوي ( ادوووه ) >>>>> بنت اخويه

الحينه قامت تعفد ع الاب تووب و تضحك تتحراه تلفزوون خخخخخخخخخخخخ
و تلحسه بعد من اشلها و الاب تووب عدالي ع طوول عيوونها ع الشااشه و تضحك
فاخليها علييه .. و عاد كنت اكتب الرد فجاااااااه شفتها ادق الكيبوورد >> تطور ماشاء الله ربي يحفظها
و تمت تخبص فالحروووووووووف و عصبت و نسيت الي كنت بكتبه خخخخخخخ