معاناة ربيعتي

[om tota]

بسم الله الرحمن الرحيم

اولا يا بنات اتمنى منكم انكم تساعدوني في حل مشكلة ربيعتي ربيعتي متزوجة من سنه ونص من واحد متزوج والحمد لله هي على دين وخلق وجمال المهم يوم اتزوجته دخل عليها في بيت اهلها بعد فترة من الزواج طلبت البنت منه بيت عشان اهلها ما يعرفون انه دخل عليها وحست انه هو يتهرب منها بس قالت في خاطرها انه هو زوجها ومستحيل يخليها وانه اللي في بطنها ولده المهم اهل البنت عرفوا وصارت مشكله وزوجها خلاها تواجها مصيرها وراح عنها لفتره وبعدين رجع بعد فترة سكنهافي بيت اهله لمدة خمس ايام وعمتها ما حبت البنت وطردتها الله يسامحها ردت البنت بيت اهلها ووعدها زوجها انه بيبلها بيت بس ما يبلها اي شي وطلقها وهي حامل ورجعها بعد شهر وما كان يصرف عليها ابدا من يوم ما اتزوجها لحد ما ربت وبعد ما ربت تم شهرين ما شاف ولده وطلقها لما اهلها بداوا يدخلوا وراحت البنت المحكمة وحددوا للبنت نفقة وصار ينفق عليها بامر من المحكمه ورجعها للمره الثانية بعد ما طلقها بس ما يابلها ببيت ولما تتطلب منه بيت يقول انه ما عنده ثقه لانها هي بصراحه مره قالتله انه راحت الكليه وهي ما راحت بس والله كانت في البيت ووما طلعت وكذبت المسكينه عشان اتبين له انها بنت مجتهده و تحب الدراسه مثل زوجته الاولى بس حست بكذبتها وصارحتها وسوالها مشكله كبيره وهالكلام كان في بدايه زواجهم والله يا بنات البنت تصلي وتذكر ربها كثير ومخلصه لزوجها لدرجه كبيره وتحبه وايد فوق اللي يسويه فيها ارجوكم ادعولها انه الله يفرج همها ويهدي ريلها وياريت تعطوني نصيحه لها

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[MAHA21]

مسكينة الله يصبرها ويفرج همها

[UAE_CONDOR]

الله يصبرهااا صج بلوة

[مريوم ش]

هي غلطت غلطتين الاولى انها وافقت تاخذ واااحد معرس والغلطه الثانيه ( ....) والله يعينها

[قلب الشمال]

الغلا
واهلها وين؟
جيه مخلين الريال مستفرد ببنتهم؟

[judy abbott]

ما فهمت عدل...

اتقولين حملت من زوجها..وخافت اهلها يدرون...!!!

ليش هي متزوجة من وراهم؟؟؟

ولا تقصدين انها حملت قبل لاتتزوج (استغفر الله)

ما فهمت الصراحة..

بس اذا هي غلطت وياه قبل الزواج...تستاهل اللي اييها...وهذا كله نتيجة تساهلها...

بس اذا السالفة مب مثل ما انا فهمت..

وهي مظلومة...الله على الظالم و بيردلها حقها...

[om tota]

شكرا على مروركم
اختي (مريوم ش) هيه وافقت تزوج واحد متزوج لانها مطلقة.
اختي(قلب الشمال) اهلها رمسوا ناس عشان يكلمونه بس ما في فايده وهوه يتهرب منهم ومافي صله مابين اهلها واهله

[للجنة مشتاقه]

الله يصلح احوال المسلمين

[om tota]

اختي (judy abbott )هو دخل عليها في الملجه البنت على دين وخلق بس اهلها ما يعرفون

[judy abbott]

اختي (judy abbott )هو دخل عليها في الملجه البنت على دين وخلق بس اهلها ما يعرفون

اهاا...

في حد حرم ان الريال يدخل على حرمته بدون معرفة ولي الامر...وبدون الاشهار...

الله اعلم...

كان ودي افيدج بس للأسف ماعندي حل..

الله ييسر امورها...

[فانتاستك]

الله يهديهاا يا اختي قولي لها اتكثر من الاستغفار عشان الله يسهل الها امورها ...........أختي حاولي تنصحينها انها تمشي امورها بروحها وتعود عمرها على هالشئ ........مب مخليه ريلها جيه يلعب فيها جيه وعن سالفه انه دخل بها وحملت تراها قلتي انها ماخذنها مطلقه يعني الي اعرفه انه الحرمه المطلقه غير عن البنت في بعض الامور والله اعلم ........وسالفه عمتها يمكن استهانت بها عشان مطلقه وهي تخاف تتطلق مره ثانيه عسى بس تقوي شخصيتها اكثر من جيه وتحاول انها تشغل عمرها بالدراسه وتاخذ دورات عشان اتفيد عمرها ودير بالها على بنتها

[الدمعة99]

القانون وياها بس اهم شي ماتضعف والريال يوم يعرف انه الحرمة ضعيفة جدامه بيسوي فيها اللي يباه خلها تتحمل وتقوي نفسها وحقها مابيضيع شو الدنيا فوضى والقانون فوق كل ظالم الحمدلله

[روح الشامسي]

الله يكون ف عونهااا

[ms.goldy]

غمضتني والله ،، الله يعينها

[megastore]

ربي ايسر امرها و يفرج كربتها