حياتي واقفه شو الحل ؟؟

[اخر معاناتي]

انا عضوه يديده وووو من زمان احب اتعلم من اخطاء الغير .. وحاول اطبق النتيجه اللي ووصلوولها خواتي فالمنتدى ..



والحين بدخل موضوعي ع طووول ..


انا حاليا معرسه من 7 شهور .. والحمدلله مرتاحه مع ريلي ومب مقصر معايه يعني انا اجوفه بعيني هب مقصر معايه .. يمكن لاني احبه ومابا عليه زله ..

المهم حياتنا في غرفتين .. فاهمين قصدي .. ريلي ماقاربني .. لاتستغربون انا عادي عندي .. بس السؤال اللي محيرني شو السبب الكل بغرفه ..


للعلم ريلي يحبني ويمووووووت فيني .. بس في شي مخلنه بعيد عني ..

لو امرض هو عدالي ..
لو يحس اني ملانه يكشتني..
لو زعلانه براضيني ..

وبعد فيه شي ثاني .. ماجفته الا يوم العرس .. واخته وااايد معايه .. اتقولي والله ماكان يحب حد ويوم قلناله نبااج حقه .. ع طووول واقف لدرجه كل اللي فالبيت مستانسن عليه لانه كان رافض العرس .. وكل مايقوولوله لو عندك حد حابنها بنسير نخطبها لك .. يقول هب مينون اسير اخذ وحده ارمسها ..ومثل هالكلاااام ..



بتقولون مسويله عمل .. ماعتقد .. بس قالت اخته يمكن مصتصعب العيشه الزوجيه .. لانه كان وايد يخااااف يكونله اسره .. لانه اخوااااانه 3 معرسين الا هذا مودي حرمته عند هلها يراضيها ولا مزعلنها .. وعلى هالحال كل 3 شهور ولا على حسب ..



وانا هب مقصره وياااه ..

اتلبس .. اتعدل .. ايلس عن هله .. اطبخ .. انظف .. وعندي سويت كامل الحمدلله .. ولا جد حدرت الخدامه ..

كفر الشبريه كل 5 ايام ابدله .. وادخنه وعطره ..


حتى يوم سرت بيت هلي اسبوع كملت ردني وقالني وجووودج فالبيت شي مهم ..

اقولكم مايستغنى .. هههه فديته والله ..


حياااتي لو اكتبها حقكم شرات القصص اللي يتكبونها ع الاوراق .. اللي ماتتصدق ..


روتيني اليومي .

انش الساعه 6 ونص وسويله ريوووق خفيف وايلس معاه وادخنه وعطره ويسير ويرجع الساعه 3 العصر .. يرجع ويكون غدا جاهز واتغدا وياه ويسير برقد لين الساعه 5 وينش ونقعد مع اهله .. لين اذان المغرب .. ويسير يصلي ويروح عند ربعه لين الساعه 12

هل انا مقصره معاه؟؟
هل انا مسويه شي اكثر عن طاقتي ؟؟
شو الحل .؟؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[هز الرحيل]

يلسي عنه وتفاهمي معاه ليش عيل عرس يوم هو يبا جي اذا كان اسبوع ولا اسبوعين مو مشكله بس سبع اشهور وااااااايد بصرااااحه لازم تفهمين السبب منه ويمكن يكون عنده عجز جنسي (سمحي لي على هااي الكلمه ) بس ضرووري تتفاهمين ويااه ....

واهل يدرون بها كله ولو يدرون ما تفاهموا معاه ؟؟
ولو كان عنده عجز لا سمح الله الحمد الله المستشفيات ما تقصر ؟؟

[اخر معاناتي]

يلسي عنه وتفاهمي معاه ليش عيل عرس يوم هو يبا جي اذا كان اسبوع ولا اسبوعين مو مشكله بس سبع اشهور وااااااايد بصرااااحه لازم تفهمين السبب منه ويمكن يكون عنده عجز جنسي (سمحي لي على هااي الكلمه ) بس ضرووري تتفاهمين ويااه ....

واهل يدرون بها كله ولو يدرون ما تفاهموا معاه ؟؟
ولو كان عنده عجز لا سمح الله الحمد الله المستشفيات ما تقصر ؟؟

يلست معاه .. وتفاهمت وياااااه .. بس مايرد عليه .. والحمدلله مافيه شي .. اخته تتدري لكن اهله مايدرون ..

[هز الرحيل]

يلست معاه .. وتفاهمت وياااااه .. بس مايرد عليه .. والحمدلله مافيه شي .. اخته تتدري لكن اهله مايدرون ..

يلسي معاه وقولي له انج قررتي انج تخبرين الاهل بالموضوع اكيد وبلا شك الكل قام يسالج عن الحمل ومدام هو ساكت وما يرد عللليج اكيد في سبب وهو عارف خلاص سكتي وصبري بما فيه الكفايه ولازم ترمسين ولا عقب راح يردون اللوم كله لج

[اخر معاناتي]

يلسي معاه وقولي له انج قررتي انج تخبرين الاهل بالموضوع اكيد وبلا شك الكل قام يسالج عن الحمل ومدام هو ساكت وما يرد عللليج اكيد في سبب وهو عارف خلاص سكتي وصبري بما فيه الكفايه ولازم ترمسين ولا عقب راح يردون اللوم كله لج

صح كلااااااامج هو كله معايه الا في هالشي .. بعيد عني .. مادري ماعرف شو اقوله

[عيون عسليه]

الله يكون في عونج ويهدي ريلج
حاولي تيلسين وياه وتسالينه عن هالشي وشو الي يمنعه

[اخر معاناتي]

الله يكون في عونج ويهدي ريلج
حاولي تيلسين وياه وتسالينه عن هالشي وشو الي يمنعه

حاولت عده مرااات بس لاجوااب .. ماحب اضغط عليه ..

[$العامرية$]

الله يعينج

[أم عبادي وحسوني]

الغاليه ادري انج تحبينه بس لاتسكتين بعد هذا حقج كيف عيل بتكونون اسره

قوليله وفهميه ان لو في شي لازم تتعالج وانا احبك ومستحيل اخليك لو شو

بس قوليله مايصير كل حد بغرفه

الله يعينج بصراحه بس لاتخلين الموضوع جي ابدا مش طبيعي الغاليه حاولي تكلمين استشاريه

[اخر معاناتي]

الغاليه ادري انج تحبينه بس لاتسكتين بعد هذا حقج كيف عيل بتكونون اسره

قوليله وفهميه ان لو في شي لازم تتعالج وانا احبك ومستحيل اخليك لو شو

بس قوليله مايصير كل حد بغرفه

الله يعينج بصراحه بس لاتخلين الموضوع جي ابدا مش طبيعي الغاليه حاولي تكلمين استشاريه

شكرا على اهتمامج فديتج .. لكن انا مرت قلتله فيك شي صارحني احس انه لسانه مربوووط وع طووول ينش .. وانا يوم اقوله .. اقوله في وقت يناسب وماحب اضايقه ..

[أثير الماضي]

؟؟؟؟؟؟؟؟؟؟؟؟؟؟؟؟؟؟؟
أختي تعرفي شو يعني حياه زوجية يعني روح في جسدين ........ يعني احساس بالآخر .. وفي أشياء في الحياه الزوجية هي اللي تزيد العلاقة وتقويها ... وكلمة زوج تعني مع بعض في كل شيء . سوري الغالية بس تصرف ريلج مج مقنع .......... حاولي معاه ........ ولا تسكتي لأنه هذا حق من حقوقج .... بعدين مج حلوه كلن في غرفة .. أحسها صعبة وخاصة على معاريس ......... الله يهدية

[اخر معاناتي]

؟؟؟؟؟؟؟؟؟؟؟؟؟؟؟؟؟؟؟
أختي تعرفي شو يعني حياه زوجية يعني روح في جسدين ........ يعني احساس بالآخر .. وفي أشياء في الحياه الزوجية هي اللي تزيد العلاقة وتقويها ... وكلمة زوج تعني مع بعض في كل شيء . سوري الغالية بس تصرف ريلج مج مقنع .......... حاولي معاه ........ ولا تسكتي لأنه هذا حق من حقوقج .... بعدين مج حلوه كلن في غرفة .. أحسها صعبة وخاصة على معاريس ......... الله يهدية

مثل ماقلتي ختيه روح في جسدين .. نحنا في كل مع بعض الا فالعلاقه اللي تربط كل زوجين ..

اول الايام كنت معاااه .. لكن بعدين يوم جفت الوضع جيه انا بنفسي سرت غرفه ثانيه .. ومرات يرقد عندي .. ومرات يحلف ارقد عنده ..والحين انا ارقد عنده في نفس الغرفه .. لكن احس اني انا وهو مثل الاخوااااان اللي كل واحد متعلق بالثاني ..

[اخر معاناتي]

اب اب

[بنوته كفالي]

لله يهديه يارب ويصلح حالكم

[الوفيه]

الله يعـينج ياربي ويسخرلج زوجـج