تقلل من قيمتي

[عروس صغيرونة]

السلام عليكم ورحمة والله وبركاته

مرحبا خواتي الغاليات
بخبركم عن شي مضايقني وايد يمكن القى الحل عندكم
انا وحده ما كملت سنة من عرسي .. مرتاحه وايد مع ريلي وهو مرتاح وعلاقتنا زينه الحمدالله
عايشه مع اهل ريلي اللي ما عرفتهم الا بعد الملجه يعني ناس يدد ف حياتي


مشكلتي هي ام ريلي الله يحفظها .. انا والله احبها ولا مرة غلطت عليها مهما تقولي واتضايق اسكت وبس .. من ريلي يكون محد تبدا تنغزني بكلام قوي واطوف او اسير الحجرة واصيح وارجع ولا كأنه في شي .. ما اخبر ريلي لان ما ابا اضيعه بيني وبين امه ..


دايما تحاول تقلل من قيمتي جدام الكل حتى الخدامات .. تستانس اذا حد علق علي بكلام مب حلو .. تحسسهم اني ما اعرف شي ومب مهتمه بريلي ومالي رايي .. تحسسني ان ريلي وايد احسن عني واني ما استاهله واني عايلتهم احسن .. مع ان هي اللي اختارتني و كانت مستانسه فيني وانا الحمدالله دارسه ودومي متوفقه وجميله وما احس في اي فرق بيني وبين ريلي .. وعايلتنا ماشا الله من اطيب الناس


ما ادري ليش تعاملني بهالطريقه .. حاولت بالهدايا اكسبها بالكلام الحلو بس ماشي فايدة..
لا تقولون طلعي ف بيت بروحج .. ريلي مايقدر حاليا وما ابا اثقل عليه

اترياكم اخواتي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ينسونه]

الله عينج اختي اسكتي عنها وبعد توج يديده عليهم لزم هذي المشاكل امر عادي بس انتي اتحملي ولا اكنها اتقول شي اسكتى وابتسمي صدقيني بتغير نظرتها لج ويمكن تختبر مقدرت تحملج اجوفج صبوره ولا لا؟؟؟ والله يهديها لج ان شاء الله

[قرموشة]

عليج بالدعاء والاستغفار

[هز الرحيل]

هذا امر عادي كلنه نعاني منه بس لا تضايجين بروووحج ومع الايام راااح تتعودين على الوضع هذا وماااعليج غير الدعاء اهم شيء راااحتج مع ريلج

[شكوة الحرمان]

عليج بالدعاء والاستغفار

[فساتيني]

اصبري واتحملي حبيبتي,,والحمدلله انج ماتقولين ل ريلج عشان ماتتأثر علاقته مع امه وبهالطريقه بتزيد المشاكل

في حريم كبار جذه تعاملهم يكون ويمكن ماتقصد,,انتي عودي عمرج ان ماتهتمين عشان ماتتأثر نفسيتج

أهم شي انتي وريلج مرتاحين اتغاضي عن الأمور الثانيه ولاتعطين لأهل ريلج مجال يمسكون عليج أي غلطه ف حقهم لان بيي يوم بيذكرون انج ماغلطتي ف حقهم أبد

ودوم ادعي الله يحنن قلبها عليج وانتي عامليها كأنها أمج ودوم خلج واثقه من عمرج وحسسيها بهالشي وحاولي اتسوين شي فالبيت من تنظيف او طبخ,,اهتمي ف ريلج أكثر جدامها,, لان الحريم لما يشوفون مرت الولد ماتسوي شي يرمسون مرات


ونصيحه حاولي ماتصيحين لان مافي شي يسوى تتضايجين على عشانه,,انا ف نظري أهم شي علاقتج مع ريلج وبس


الله يوفقج

[هيونة -دبي]

عادي اختي طنشي لازم البدايات جيه بس من تعرفج اكثر بتشوفينها بتتغير
وعليج بالصبر والله يوفقج ويرزقج بالذرية الصالحة.

[$العامرية$]

عليج بالدعاء والاستغفار

[(( عيون ))]

الغلا عشانج توج يديده عسب جيه

يعني هذا كله فرد عضلات ووسوسه شيطان

انتي سايريها وكسبيها بحلو الكلام وطيب خاطر

وان شاء الله فتره وتعدي استغفري ربج وايد وادعيه الله يفرج همج

[سوارة]

اصبري واتحملي حبيبتي,,والحمدلله انج ماتقولين ل ريلج عشان ماتتأثر علاقته مع امه وبهالطريقه بتزيد المشاكل

في حريم كبار جذه تعاملهم يكون ويمكن ماتقصد,,انتي عودي عمرج ان ماتهتمين عشان ماتتأثر نفسيتج

أهم شي انتي وريلج مرتاحين اتغاضي عن الأمور الثانيه ولاتعطين لأهل ريلج مجال يمسكون عليج أي غلطه ف حقهم لان بيي يوم بيذكرون انج ماغلطتي ف حقهم أبد

ودوم ادعي الله يحنن قلبها عليج وانتي عامليها كأنها أمج ودوم خلج واثقه من عمرج وحسسيها بهالشي وحاولي اتسوين شي فالبيت من تنظيف او طبخ,,اهتمي ف ريلج أكثر جدامها,, لان الحريم لما يشوفون مرت الولد ماتسوي شي يرمسون مرات


ونصيحه حاولي ماتصيحين لان مافي شي يسوى تتضايجين على عشانه,,انا ف نظري أهم شي علاقتج مع ريلج وبس


الله يوفقج

[maha99]

اتحمليها وعامليها مثل امج