تفاحه ولدها ؟

**تفاحه حمره** · 2009-04-27, 23:18

السلام عليكم يا امهات شخباركم وانشاءالله تمام
ادخل في موضوعي انا عندي طفل عمره 4 اسنين وثمان وشهور هذا الولد محيرني

مع انه اجتماعي ويحب يلعب لكن يوم اوديه حديقه ما يحب يلعب في مكان في اطفال اكبار ولامزدحم حتى لو كانوا هالاطفال بعمره يحبه خالي ولا حد في, مره دخلتهم النطاطه

وما طاع يدخل لين ما حصلت وحده فاضيه ودخل واول ما يا حد يلعب فيها قال بسنا خلاص خليته مع اخته وروحت ابعيد اراقبه طلع وخذ اخته معاه

ولا علم اخته نفس الطبع وفوق هذا يخاف يتم روحه بمكان الالعاب لازم اكون معاه والا يشوفني جدامه ما اعرف شو اسوي وياه ويضيق صدري

واقول لا يمكن هو ما يشوف حد الا اطفال الروضه يعني احنا ساكنين ابعيد عن اهلي وما نجتمع معاهم واهل ريلي ما عندهم اطفال الا اعيالي محتاره اللي في شئ طبيعي والا لا

والشئ الثاني ما يركز عدل في دراسته يعني يعرف الارقام والكتابه لكن وايد ينسى الحروف حافظ 10 حروف بس وهم للحين ماخذين 20 حرف كيف اقوي ذاكرته تشجيع وشجعنا وجدول واستكرات علقنا وكمبيوتر ويلسنا

وجهاز اصغير يكرر الحروف واشترينا ومكافئات وعطينا هو يحاول ويزعل فديته يوم يشوفني زعلانه انه ما عرف ويقولي يوم بكبر بعرف بس ما تزعلين ويروح روحه ويطقطق على الحروف ويقول اذاكر عشان اعرف يوم اتقولين يغمضني واقول حرام ارص عليه وهو باول روضه انا ما اباه من الاوائل انا ابيه يفهم بس

السموحه طولت عليكم بس فيدوني الغاليات

المزيد من آخر المواضيع من نفس القسم:

**أم السعدي** · 2009-04-27, 23:25

احتي بخصوص المشكله الاولي نفس حاله ولدي انا الله يعيني ع السنه اليايه يوم بيدخل المدرسه
اما المشكله الثانيه شجعيه بالالعاب اللي هوه يحبها قوليله اذا بتحفظ بشتري لك اللي تبيغه بس لا تشترين له دوم العاب لان بيتعود ع هالاسلوب لين يكبر مره شدي ومره ارخي

**عاشقة المك** · 2009-04-28, 04:44

حرام عليج بعده صغير شوي شوي عليه الله يحفضه لج

**miss-hamda** · 2009-04-28, 05:23

في المشكله الاولى نفس مشكله ولدي بس الثانية الحمدالله حافظ الحروف لان يوميا قبل ما ينام اقوله قصص فيها كلمات وحروف اللي درسها فيتم في ذهنه يعني يربط الحرف مع الصورة فيحفظها بسرعة
ان شاء الله اكون افدتج

**تفاحه حمره** · 2009-04-28, 13:57

ام السعدي مشكوره الغاليه على الرد وطمنتيني في مسأله اللعب في الحديقه

عاشقه المك حبوبه لازم يعرف اللي خذه عسب ما يصعب عليه يوم يكون في صف اول لانه المناهج بدت تصعب الغاليه

مس حمده حبوبه ممكن اتخبريني كيف اقوله قصه حلوه الفكره هذي ما استخدمتها بعد يعني اذا خذوا حرف الالف ارنب اقوله قصه عن الارنب جي تقصدين والا كيف والا عندج كتب

**أم سعيد 15** · 2009-04-28, 20:27

فديتها ربي يحفظه بعده صغير
حتى ولدي نفس الطبع بس الحين الحمدلله يلعب إي مكان عادي عنده
بخصوص الحفظ كل انسان وعنده قدره في حفظ الاشياء يمكن مايقدر يحفظ اكثر من 10 حروف او أرقام ؟؟

**Princesses** · 2009-04-29, 00:41

عنده قدرة ان شاء الله على الحفظ بس انتي لا تبينين له احباطج من انه ينسى لأنه يأثر عليه
شغلي أكبر قدر من الحواس في التعلم
الحرف أربطيه بكلمات وصور وقصص وخليه يشكله بأيده بالصلصال أو أي ماده بالبيت ونفس الشي للأرقام
وكل رقم أو حرف عطيه حقه من الوقت
يعني اليوم حرف الألف استمري عليه كم يوم حسب قدرات ولدج وبالروضه تقريبا ياخذونه بأسبوع

أنا الأرقام بالنسبه للأرقام كل ما أشوف رقم أسأل بنتي عنه يوم كانت بأول روضه
بالموبايل أو ريموت التلفزيون او بشاشه التلفزيون او الالعاب وغيرهم ومن كلامج مبين ان ولدج ما شاء الله عليه عنده رغبه هالشي وحده يفرح .. وأتمنى أن تعليمه يكون ممتع له ولج وما يحس انه تعليمه امتحان لقدراته و احباط لج
اتمنى ان اكون افدتج و تكون فكرتي واضحه
ملاحظة بسيطه
الأفضل ما نبالغ بالمكافآت الماديه للطفل لأن الأطفال يملون ولو كافأناهم ماديا على كل شي ما بنقدر عليهم بعدين لأنهم ما بيسون شي بدون مقابل
البوسه والحضن والكلمه أحلى تشجيع وأثرها بالنفس أكبر وبعد لو تمدحينه عند الأهل وأبوه بتشجعينه أكثر وبتزيدين ثقته بنفسه
واسمحيلي طولت وأخذت راحتي بالكتابه

**تفاحه حمره** · 2009-04-29, 22:48

مشكوره ام سعيد على اهتمامج وردج
princesses مشكوره حبوبه على اهتمامج وكلامج عجبني ومع اني ما احب الصلصال لكن بشرتيه وبخليه يسو الحروف فيهم وفي فتره الصيف هذا بسويله جدول بحيث يكون عرف الحروف كلها

الموضوع: تفاحه ولدها ؟

أدوات الموضوع

عرض

تفاحه ولدها ؟

المزيد من آخر المواضيع من نفس القسم:

المواضيع المتشابهه

تفاااااااااااااااحه ابغي طرية تفاحه من اربعه شهورررررررر

رمانه.....تفاحه .............حليب

تفاحه ورمانه وحليب