بنتي ترضع مرضعة ...

[mona98]

السلام عليكم خواتي ....
بنتي كملت السنتين وولين الحين تشرب الحليب في مرضعة حاولت وياها تشرب في كوب مب راضية وما خليت كوب ما اشتريتة الوان واشكال ورسومات عسى يجذبها وآخر شي تشرب فيهن العصير والحليب ما ترضى ما اعرف كيف اصرف وياها ... اريد طريقة حلوة عشان تودر المراضع

المزيد من آخر المواضيع من نفس القسم:

• اجمل اسماء مواليد جديدة بحرف الراء ومعانيها
• افضل الطرق البسيطة التي تساعد على تنويم...
• متى يسمع الطفل وطرق التعامل معه خلال هذه...
• اهم فوائد الحفاضات القماش وانواعها
• هل يمكن ان ينتقل فيروس كورونا خلال الرضاعة...
• افضل طرق علاج نزلات البرد عند الاطفال
• وصفة التوت والشوفان والكوسة للاطفال الرضع...
• وصفة التفاح المهروس والذرة وقرع الجوز...
• وصفة الجزر والذرة واليقطين للاطفال الرضع حصري
• افضل طرق التعامل مع المولود الجديد

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Mįşš●Ċlaśŝįč]

احس سنتين من الوقت شوي حرام
انا اقطعها عن عيالي بفترة تعليم الحمام

يعني على السنتين وال5 او 6 شهور خلاص ما فيه حليب ولا بامبرز
باذن الله سهلة السالفة يبالها صبر وايد
عادي ولدي كان يصيح صياح اليهد والله صبرت نفسي وسديت اذني وخليت ريلي يساعدني
لين تعود الحمد لله
ويشرب الحليب عادي في كوبه مرسوم عليه ويني ذا بو هههههههههه
كله يقولي عطيني ويني ذا بوه بيشربني الحليب

[mona98]

احس سنتين من الوقت شوي حرام
انا اقطعها عن عيالي بفترة تعليم الحمام

يعني على السنتين وال5 او 6 شهور خلاص ما فيه حليب ولا بامبرز
باذن الله سهلة السالفة يبالها صبر وايد
عادي ولدي كان يصيح صياح اليهد والله صبرت نفسي وسديت اذني وخليت ريلي يساعدني
لين تعود الحمد لله
ويشرب الحليب عادي في كوبه مرسوم عليه ويني ذا بو هههههههههه
كله يقولي عطيني ويني ذا بوه بيشربني الحليب

مشكوووورة الغلا
والله يصبرني على صياحها
ونتريا الردود

[BaToOoL]

انا شفت في برنامج ناني ......اول شيء تقل للبيبي انت كبير والكبار مايشربون من المرضعة ...وبعدين جدامه تاخذ المرضعة وترميه في الزبالة وتقله خلاص انت كبير وماتحتاجه ..يعني هذا اللي اذكره

[أم السعدي]

بنتج بعدها صغيره ع الاقل لين تكمل سنتين ونص هيه بروحها بتودرها وبتكون تفهم لو ع الاقل لو فريتي المرضعه ف الزباله بتعرف ان خلاص ما شي مرضعه اصدقين انا اعرف يهال ما شاءالله يسيرون المدرسه لين كجي ون يشربون المرضعه

[رهووفة]

حبيبتي استخدمي معه اسلوب المنع بالتدريج
عشان مايكره الرضاعة والحليب مرة واحدة
الحليب مهم له هالفترة ,, اختي منعت ولدها
عن الرضاعة وترك الحليب مايرضى يرضع
الا بالرضاعة عشان كذا عيالها الثانين استخدمت
معهم اسلوب ثاني لما يكملون سنتين تبدا تعودهم
على الحليب الطازج الي فيه مزاز مثل حليب السعودية
والصافي كل ماحب ياخذ حليب تعطيه منه لين حبه وصار
يمزمز منه وقريباتي استخدموا نفس الطريقة وضبطت وياهم
الله يعينك على صراخه ..

[جميلتي]

حطيلها بلاستيك اسود في المرضعه وقوليلها ها توتو

جي خوفت عيالي ^^

[سنيورينا]

بعدها صغيرة فديتج ..
بس مثل ماقالولج البنات ..عقيها فالزباله جدامها
وعقو الزباله فالدرام ونتي بكرامه عشان تقتنع بالسالفه
وخذي لها طوب عليه رسوم وسوالف تحبها
وكافئيها على تصرفها ..

[um_shahd]

لازم يكون عندها مثل اعلى تقتدي فيه
يعني الوقت الي يكون مب موعد الحليب
سوي لج ولابوها ولها حليب بقلاصات حلوه وشربوا
واخلطي وياه الحليب بودره الكاكاوا ولا بودره الفراوله
لو ماطاعت تشرب
قوليلها كيفج حنا نكبار مب شراتج نونو
باجر بنسير المدرسه وانتي مابيدحلونج لاني مب كبيره شراتنا
وجيــه
دووووووووم
وكل مره كثري من عدد المراات
وفالليل وها الاهم شي زمزميه اتيي فيها مصاص
سويلها فيها اذا تبا ..ماتبا كيفها ..
وان شاء الله بتتعود
انا ها اسلوبي
والله يوفقج

[*Chloé*]

انا أأيد المرضعه لأنه اذا ودرها الياهل ما يشرب حليب
خليها ترضع شو يعني