من تتحداني ب45 كيلو ..

[VOGUE]

قررت اتحدى نفسي والبنات اللي بيشاركون ... اني انزل وزني باذن الله في خلال 3 شهور 45 كيلو ..

اللي بتقولي كيف اقولها بالمشي وتقليل الاكل وتطنيششششششششششششششششششششه

يعني تكفي بالنسبة لي الفتامينات ,, مع التقليل من الوجبات ..

انا مرتاحه من بديت حسيت وزني ينزل صدق .. اللحين ابا اتحدى نفسي بهذا الوزن ابا وزني ينزل 45 كيلو ... باذن الله وان شاء الله بكتب لكم كل شيء وياريت اي حد يبا ينزل نفس الكيلوات يشارك .. عشان نتشجع ..

كان 122 ويوم بديت رجيمي العجيب كان 120 واليوم 116.3 يعني ناويه استمر .. بس بضيف المشي
اللي ودها تشاركني حياها ...

ان شاء الله بحط لكم صورة الميزان من بكرى عشان يكون بالدليل القاطع ..
يالله الهمه من اليوم

اختكم

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

[um shmook]

الله يوفقج غلاااي ويوصلج لمراادج

انا بعد ابي انزل بس مشااركه برجيم ثااني ,

بس بتاابعج وبنشجع بعض ,

وانا امشي تقريباا ساعه ونص يوميييماا

شدي حيلج كلناا ويااج

ومبرووك نزوول الوزن

[أسيرة الجفون]

ماشاللله عليييييييج
صرااااااااااحه شجاااااااعه
يلا وياااج بس لين اوصل الوزن المطلوب بس بتم معاج اشجعج

[أم حمودي 2006]

صحياً المفروض ماتنزلي أكثر من 30 كيلو بكل الأحوال أتمنى لك أن تصلي للوزن المثالي و أنت بصحتك وعافيتك

[المهرة اللعوب]

بتوفيق اختي

ودي اشارك معاج

بس انا هالاسبوع عندي نظام الكورن فلكس على اخر الاسبوع ممكن ادخل التحدي

بس انا اعتقد
انج لو تتبعين انظمه افضل ،، لان هالطريقه فيها نوع من العشوائيه
وانتي هدفج كبير
احسن اتقسمينه لمراحل

يعني

15 ك 3 اشهر
10 3 اشهر
10 3 اشهر
10 3 اشهر

بهذه الطريقه تقدرين تستمرين من غير احباط

وتقدرين اتقيمين نفسج ونوع الرجيم المناسب

بتوفيق

[الدندوشة]

الله يوفقج أختي والبداية هي الأهم وإنت ما شاء الله عليج عندج الإرادة واضحة ...

ونا عن نفسي مشاركة ويا عسولة في نظام عذاري ، ولكن بدخل وياج فالتحدي بعد بس عقب أسبوع تقريبا ...

[خريشة دبي]

هلا الغاليه انا مستعده ادخل معاج في الرجيم
بس قوليلي كيف الترتيب
لانه ماعندي فكرة في المشاركة برجيم في موضوع
انتظرج

[LDEHX]

إلي كانت تسأل مثلي عن ريجيم اليوم فهذا هو
رجيم عبدالله المطوع

الريوق:
كوب ماء
1توست اسمر + جبن قليل الدسم او لبنه قليلة الدسم أو مرتدله او بيضه
+ طماطم وخيار+ 3-5 زيتون + كوب حليب خالي الدسم+نسكافيه + سكر ذره

الضحى:
3 تمرات او برتقاله او كاكاو صغير + شاي او قهوه

الغداء:
كوب ماء
سلطه(½ لعقة زيت) + 3 م. عيش 60 جرام لحم + دايت او ماء
دجاج
½ خبزه سمره خفيفه سمك (من غير قلي)


المغرب:
عكس الضحى يعني إذا أكلتي الضحى يرتقالة ما ترجعين تاكلينة المغرب
بل العكس تاكلين تمر مثلا

العشاء: كوب ماء
1. عكس الريوق (من غير الزيتون) +كوب لبن خالي الدسم.
2. كوب حليب خالي الدسم+ 2-3 شابوره صغيره
3. روب بالخيار+ 2افندي او كيوي.

وهذا الريجيم يطبق لمدة أسبوعين

أما بالنسبة لرياضة اليووووووم فما عندي فكرة

وبليييييييييييييييييز أتمنى التصحيح في حالة كنت غلطااانة

ومع السلااااااامة

[شوق الحنان]

الله يعطيج العافيه اختي
ان شاء الله انا معاج
واقدر انزل 40

[Mis.Dior]

انا بعد حياتي معاج و ان شاءالله نستفيد من بعض بس التعليماج عليج لان هذا اول رجيم اسويه و الصراحه انا بدايه من السبت و نفسج يالسه اقلل اكل و ما اتعشى و بديت امشي من 3 ايام 40 دقيقه مع 20 مره تمرين البطن بس امس ما سويت لاني كنت هلكانه و ان شاء الله نستفيد من بعض

[VOGUE]

السلام عليكم ان شاء الله انا مسويه ملفات وبنزلهم لكم للاستفادة ..

يعني المشاركات

1- خريشة دبي
2- مس ديور
3- فوج
4- حنان الشوق

بننتظر الليلة وباجر بحط الملفات ..


البداية 25-4-2009
النهاية 25-7-2009

انا مابا اسوي ايام استراحه لانه ماتهمني

بس الغداء يوم الجمعة بيكون مفتوح .. او اي يوم تسحين يتجمعون فيه اهلج وماترومين متسكين نفسج معاهم
يعني تستبدلين الغداء المفتوح اللي بيكون يوم الجمعة باليوم اللي تبينه انتي وتعطينه فيه خبر يعني مب كل يومين 3 بيكون لج يوم مفتوح ..


الرجيم ... انا ماعندي رجيم امشي عليه ... بس بسوي الطريقه هذي اول شيء عشان انتابع بعض ونستمتع بالرجيم مالنا اللي بيكون غريب عجيب ونشوف كيف بننزل ..

الغاليات ... انا ودي استفيد والاراده هذي المرة ان شاء الله عالية ... وهدفي جدامي ..

اني انزل ال45 كيلو باي طريقه والغاية تبرر الوسيلة ...


الرجيم راح يكون كالتالي ...


ملف الرجيمات اللي راح تطبقها ( مرفق )

الرجيم راح يتغير كل يومين باختيار وحده منا .. وكل يومين على وحده ..
تفتح الملف وتختار اي يومين على ذوقها ..

القائمة الرياضية :
كل وحده تحط شو امكانياتها الرياضية ,, يعني لاتقولين شي مب موجود عندج في البيت او ماترومين توفرينه .. مب عيب وعادي الموجود حسب الامكانيات وبس

يعني وحده تملك سيكل الثانية تملك اوربت تراك وحده مسجله في نادي كله ينفع بس في واجب لازم تسوينه واللي بتحط لج البنت اللي عليها الدور منا .. مثال


القائمة الرياضية لليوم الاول والثاني




1- 20 نطة حبل
2- 4 مرات تصعدين الدري وتردين
3-تمارين بطن 10 مرات
4- تمارين خصر 15 مرة
5- مشي في الغرفة لمدة 15 دقيقة او في محيط البيت


انا مسجله في نادي واسير بس لازم اطبق الكلام اللي قالته لي عشان نشمي صح .. ويتمر الرجيم مثل ماهو مع القائمة لطالما البنت الثانية ماغيرته ... عقاب

واذا اي بنت ماتروم تدخل او تكمل او تعرضت لاي موقف ترسل رساله لاي بنت في القروب تمسك مكانها
وجذه بنمشي ..

اي استفسار خبروني وانا بنزل الملف مال الرجيم اللي عندي واخترت الدكتور عبدالله المطوع وخزنت له اكثر من رجيم ...

[VOGUE]

وهذا الملف اتمنى يعجبكم في كم حركة حلوه انا اسويها بتعجبكم بشتغل عليها وبحطها لكم ..

وفي مفاجئة للتشجيع يابنات

[VOGUE]

المفاجئة بنات

باركولي ...

[shaaaaaad]

الف مبرووووووووووك وبالتوفيق

[VOGUE]

هذا الجدول فيه 45 مربع .. نبعه ونحطه قرب الميزان ... ونشطب كل مربع بعد مانقيس ونشوف الوزن

اللي وصلنا له ..

شيء تشجيعي

اختكم وفي الانتظار تكتمل المجموعه