لو خطبج ؟

**دموع2009** · 2009-04-20, 15:25

السلام عليكم

اليوم حابه
أشاوركم فموضوع
وايد بنات يكتبون آراء البنات في اذا خطبج واحد أمه مصرية أو هندية هل بتوافقين ولا ؟
بس موضوعنا غير اليوم وإلي هو
لو خطبج واحد أبوه اماراتي والام بلوشية طبعا هي عايشة من زمان في الامارات
هل بتوافقين ولا بترفضينه عشان امه ؟
والولد زين
نريد انشوف تجاربكم
اتمنى ماحد يضايق أو يحتشر من كلمة الام البلوشية
احنا كلنا مسلمين
بس تعرفون المعاير وغيره انتوا اكيد فاهميني

المزيد من آخر المواضيع من نفس القسم:

**روح الورد21** · 2009-04-20, 15:29

الصراحة عادي
لأني بعيش مع الولد مب مع امه
و حتى لو امه بلوشية المهم الناس يكونون زينين و يحترموني و احترمهم ^^
و ان شاء الله البنات يفيدونج اكثر ^^
و بالتوفيق حبوبه

**سحايب دبي** · 2009-04-20, 15:31

والله يا اختي لا فرق بين عربي ولا أعجمي إلا بالتقوى

بس نحن عندنا يبحثون عن أصل الأم والأب

ولو كانت الأم هنديه ولا بلوشيه ولا عيميه مثلا ( مع احترامي للجميع

على طول يرفضون لانه الوالد الله يحفظه يقول نحن ما نخلط عروقنا والرب الله والنبي محمد

**دلوعه فزاع** · 2009-04-20, 15:35

عادي واحد من االاهل ان شاء الله بيخطب بعد والام مب مواطنه شو فيها الحياه حلوه سواء للريال او البنت

**ظبيانيه سبشل** · 2009-04-20, 15:38

قال صلى الله عليه وسلم: ( تخيروا لنطفكم فإن العرق دساس )

**MAHA21** · 2009-04-20, 15:38

جيه البلوش مب خلق
صج ماشي شي ترمسون فيه أهم من هالموضوع مدري متى الناس بتتعلم ماشي فرق بين عربي ولا عجمي الا بالتقوى يا نااااااااااااااااااااااااس التقوى

**MAHA21** · 2009-04-20, 15:39

جيه البلوش مب خلق
صج ماشي شي ترمسون فيه أهم من هالموضوع مدري متى الناس بتتعلم ماشي فرق بين عربي ولا عجمي الا بالتقوى يا نااااااااااااااااااااااااس التقوى

**الدوسريه** · 2009-04-20, 15:39

دام ان الريال ما فيه يعييبه يعني ريال دين واخلاق واحتــرام ليش لا الرسول قال عليه افضل الصلاة والسلام اذا جاءكم من ترضون خلقه ودينه فزوجووووه

الله يوووفق الجميع ان شاء اللــه

**مكسورة_الخاطر** · 2009-04-20, 15:40

مادري الغلاا
كل شخص واهله وافكارهم
وربي يوفقج

**شوق _ زايد** · 2009-04-20, 15:40

للرفع

**أم الغالين <"** · 2009-04-20, 15:44

بصراحه .....أهم شي عندنا النسب يكون مناسب للقبايل ومن نفس الطينه لأن الحياه ما تتحمل مشاكل وناس صارت آآآآآخر هموووومها تعاير بعض بالنسب...ومثل مايقولون أبعد عن الشر وغنيله...واحسن الوحده تصبر وتاخذ ريااال مناسب لها....علشان ماتندم وتقول ياريت لو ؟؟؟

**رويــانــة** · 2009-04-20, 15:48

فيه عايلات توافق وفيه عايلات لاااا

وعندي أنا ما تفرق أمه من وين دام أبوه ولد عرب ^.^

ويليت بعد لو أمه مصرية عشان أسافر وياه كل سنة مصر ههههه

والسموحة

**دلوعه فزاع** · 2009-04-20, 15:50

المشاركة الأصلية كتبت بواسطة أم الغالين <"

بصراحه .....أهم شي عندنا النسب يكون مناسب للقبايل ومن نفس الطينه لأن الحياه ما تتحمل مشاكل وناس صارت آآآآآخر هموووومها تعاير بعض بالنسب...ومثل مايقولون أبعد عن الشر وغنيله...واحسن الوحده تصبر وتاخذ ريااال مناسب لها....علشان ماتندم وتقول ياريت لو ؟؟؟

اسمحيلي الغاليه اختلف معاج في الراي لانه الرسول عليه الصلاه والسلام قبل الاف السنين قال من جائكم من ترضوه دينه وخلقه فزوجوه يعني نمشي على منهج الرسول مب الناس وايد ناس خذو من نفس الجبيله والطينه وبعد ما ارتاحو كله مشاكل وفضايح عسى يكون الغريب ابرك من القريب

**خفوق القلب** · 2009-04-20, 15:51

الناس تقبلوا الهنديه و المصريه و المغربيه و السوريه
و كل عرق نعرفه و مانعرفه
و ما بيقبلون بلوشيه على الاقل البلوشيات تعودنا عليهن وما شفنا منهن شي

**ms.goldy** · 2009-04-20, 15:52

بنات هذا موضوع ,,

كل وحده لها رايي

ولازم تحترموووون صاحبة الموضوع

بلييييز نبغي نتناقش ونبغي نسمع الآراء لانه صدق هذا واقع ويستوي في مجتمعنا

انا عني ما ادري ،، وقوم ابويه يقولون حلاة الثوب رقعته منه وفيه

قال صلى الله عليه وسلم: ( تخيروا لنطفكم فإن العرق دساس )

وبالعكس مب قصدنا نقلل من حد ،، لانه والله عندي ربعي نصهم عيم ووحده بلوشيه بس والله انها عسل كنت ما اصبر عنها وافتدقها اذا ما اداوم

الموضوع: لو خطبج ؟

أدوات الموضوع

عرض

لو خطبج ؟

المزيد من آخر المواضيع من نفس القسم:

المواضيع المتشابهه

لو خطبج

لو خطبج واحد متحرر بتوافقين؟

لو خطبج ....بتوافقين ولا ؟؟

لو خطبج وااااااااااااحد ..........................

اذا خطبج واحد ...