ولدي بيخبل بي

***ام خليفه*** · 2007-03-03, 19:11

ولدي عمره سنه ونص تقريبا
واذا سوى اي غلط على طول احرج عليه
وهو عصبي بشكل كبير
يعني من اعصب عليه او اضربه على طول يعصب ويعق الي جدامه
مثلا يفر سماعة التلفون و يسحب الستاره بكل قوة
او يقعد يتفل
ومرات يضرب ويسحب شعر الي شالنه
عيزت وياه
لا الضرب ياب وياه ولا الزعيج ولا الكلمه الحلوه
دلوني على طريقه اقدر اتحكم فيها في ولدي قبل ما يفوت الاوان

المزيد من آخر المواضيع من نفس القسم:

**zoomyat** · 2007-03-04, 01:31

لا حول ولا قوة الا بالله !

ولدج شرات اخوي 10000000% !!

مع ان اخوي مب صغير !! صف خامس هو الحين وللحين يسوي هالحركات ...

وبكل صراحه انا اشوف الخطأ من امي لانها السبب في هالتصرف ...

مثلا الحين هو بغا شي وهي قالت له لا يقعد يفر كل شي من على الطاوله .. عقب اتعصب عليه واتصارخ عليه هو يسوي ازيد عن جي فتروح وتعطيه اللي يبا عشان ما يفر الاغراض !

جي الياهل بيتعلم ان اذا سوى هالشي بيحصل اللي يبغيه ..

كم مره قلت لها هالكلام بس خلاص هي امبرمجه عمرها على هالشي !!

انتي لاحظي عمرج هل اتسوين نفس الحركه؟ اذا هيه فمعناه لازم اتغيرين نفسج وعقب هو بيتغير

وربي يعينج

**um_7am00d** · 2007-03-04, 01:56

هلا ام خليفه...

انا بعد عندي ولد عمره سنه وشهرين..كنت اعاني مثلج في البدايه من عصبيته ومط الشعر والعض و يصفع..و يعق كل شي قدامه اذا زعل ..

طبعا حاولت معاه بالزعيق و الصراخ و كل شي..بس بصراحه اكتشفت ان هالشي غلط ..

افضل طريقه تتعاملين ويا ولدج فيها الكلام..حاولي تتحاورين وياه لان هالعمر يبدا يفهم كل شي..

قول لي له ان هالشي غلط..و اذا مط شعرج قول له انه يعور ماما..و طبعا لازم تستخدمين تعابير ويهج في الحوار معاه..و اذا مثلا قلتي شي وزعل و عق اللي جدامه طنشيه..لاتسوين عمرج شفتيه..و اي تصرف يتصرف به حتى لو تفل مثلا او ضرب طنشيه..لان الطفل يقوم بهالاشيا عسب يلفت انتباهج..و بعدين حاولي كثر ماتقدرين انج تعطينه حب و حنان اكثر..تقربي منه اكثر..وصدقيني بيتغير وااايد بس يبالج تصبرين..وعساني فدتج..و يعله من الذريه الصالحه يارب..

ام حمود

**لمعة الماسه** · 2007-03-04, 03:40

هلا اختي..
والله جنج تتكلمين عن ولدي ربي يحفظه ويحفظ عيالج...

عاد انا ولدي يوم تيه نوبات الغضب هذي خلااااص خوزي عنه وسوي اللي يباه غصبن عنج.... ما كنت اقدر اتحكم به ولا باعصابي.. بس مره يننبي عالاخر فشليته غصبن عنه.. ودخلته الغرفه ومسكته من كتوفه وحطيت عيني في عينه... واتكلمت بكل الكلام اللي ابا اقوله (ليش اتناغج ومحد ضربك عشان تصيح.. واذا صحت مابسويلك اللي تباه.. واذا مره ثانيه صحت وصارخت بدون سبب انا بضربك عشان يكون فيه سبب لصياحك.. ) وقبل لا اطلع من الغرفه فهمته انه مابيطلع من الغرفه اذا تم يصارخ ويصيح.. واذا طلعنا من الغرفه ما ابا اسمع صوته ومن هالكلام (لاتقولين صغير مايفهم.. لاء يفهم الطفل وااايد ذكي).. كلميه باسلوبج وكوني حازمه معاه.. واستخدمي معاه اسلوب العقاب والمكافأه.. ولاتنسين المديح اذا سوا شي زين حتى لوتافهه ...

وعد خليه ياكل بيض طبعا بشكل معتدل.. وايد يزيل العصبيه..

واخيرا راقبي الخدامه... انا الصراحه من بعد ماذلفت مربيته وااايد تغير ماشالله عليه.. حسيت انها هي اللي يايبتله العصبيه... تراهن ايبن المارص لليهال باسلوبهن الغبي .. اونهن يخففن دمهن... او اشاء ثانيه...

وتحملي تخلين الخدامه تنومه.. تراها ممكن تكون تسوي شي هو اللي يسبب عصبيته... نفس اللي اكتشفته انا..

وهالله هالله في الحب والحنان ممكن هذا كله حق يلفت نظرج....وربي يهديه لج اياه ..

**أبجد هوز** · 2007-03-05, 00:44

حبيت اشارككم ...................... افضل حل للطفل انك تكوني بااااااااااااااااردة معاه
يعني اذا سوى شي غلط لا تصرخي عليه
اذا طلب حاجة وجلس يصيح وانت ما تريدي تعطيه ..... لا تشوفي عليه ولا تحاولي تفهمي ...... طنشي... وبيسكت بنفسه وما بيكررها
في هذا السن الطفل يحاول يتعرف على طبيعة امه ........... واذا رضختي لطلب .. لما يصيح ... معناه اكتشف الحل في التعامل
حتي لما تشيليه اي محل ويجلس يصيح وتحسي انك تفشلتي ......... نصيحة طنشي وترا الناس شايفة طفل يصيح وهذا عادي .......... ولا تعطيه في السوق لا حلاوه ولا لعبة بقصد انك تلهيه
بيصيح وبعد كم مرة بيسكت

**فزوا لها** · 2007-03-06, 22:01

الله ياعين ياختيه

ولديه عكره 10 شهور وفيه بوارد ولدج

عصبي فضيع صح انه حبوب بس عنيد اللي يباه

يسووويه تخيلي جربت وياه كل شي بس ماشي فايده

حتى غصب عني اظربه

اطنشه واخليه يصيح مايسكت يزيد

وعاد ياحبه للخراب مايخلي شي في حاله

بس انا اعتقد هذا كله بسبب الدلع الكل يدلعه

وابوه مسافر من اربع شهور يمكن عسب جيه

وربي ينني بس يالله يفيدونا خواتنا وتلقى حل

لهل المفاعيص

**ودينه** · 2007-03-07, 01:50

فدييته أول شي بوسييه لي حبيته ما عرف ليش ثاني شي أنا ولدي من يعصب أطنشه عالآخر والا كأني

اشوف أو أسمع شي أحسه ينقهر ويتم يصيح وفجأه أسويله حركه علشان أسكته مثلا أقووله الله

شوف البييبي أو أي شي بالتلفزيون المهم الفت نظره لشي بطريقة صوتي ويسكت ويتم يضحك مع ان

الشي اللي يالسه أراويه اياه شي عادي بس نبرة صوتي هي اللي تجدبه أو أسويله حركه بألعابه

ويستانس عليها والحين ما شاء الله عليه خف عن أول واايد أهم شي لا تبينيله أنج مقهوره من

حركااته تمي أضحكي ولاعبيه عاادي وأن شاء الله خير

**ودينه** · 2007-03-07, 01:52

ها نسيت أقولج طنشييه بس مب واايد شوي مال كم دقيقه عقب حاولي تلفتي نظره حراام يغمضون يوم يصيحوون

***ام خليفه*** · 2007-03-10, 20:22

الله يعين
مشكورات خواتي وما قصرتن الصراحه
وان شاءالله احاول اني اتبع نصايحكن
والظاهر ان التطنيش اول وسيله واهم وسيله بتبعها وياه وان شاءالله يفيد وياه
دعواتكن
ويزاكن الله كل خير وربي يسخرهم لنا ان شاءالله

**أم ولوودي** · 2007-03-11, 12:34

شوفي حبيبتي حاولي اتيبينها له بالعكس يعني لا تصارخين عليه لأنه لو صارختي بيعصب ازيادة وازيادة وبتم هذي الخصلة فيه لين ما يكبر فحاولي تكلمينه بهداوة أوكي

الموضوع: ولدي بيخبل بي

أدوات الموضوع

عرض

ولدي بيخبل بي

المزيد من آخر المواضيع من نفس القسم:

المواضيع المتشابهه

دخيلكم ساعدوني.. كيف افطم ولدي ؟؟ لاني حامل؟؟؟ والمصيبه ولدي مايرضع الا طبيعي

عين ولدي <<< ميته ضيج من اشوف ولدي :(

ولدي بيخبل بيه دخيلكم ساعدوني عليه

ولدي يعاني من غازات البطن شو الحل بليز ساعدوني ولدي الوحيد

ولدي ولدي ولدي ساعدوني