الصبغه الحمرى

**بركان الغل** · 2009-04-17, 16:48

بنات

اشرايكم بالشعر الاحمر ريلي يباني اصبغه باللون الاحمر

والله خايفه ماعرف الصبغ يظر ولا لا

وما اعرف شو الماركه الزينه مالت الصبغه في ماركة wellaوفي vivaوماركات وايده

فيدوني بليز وقولولي رايكم باللون الاحمر مب العنابي الاحمر

المزيد من آخر المواضيع من نفس القسم:

**عفرا الشامسي** · 2009-04-20, 04:57

بلنسب لي أنا أستخدم فيفا أما اللون أحمر رووووعه لوحده بشرتها أبيض أما السمره أنصحها تبتعد بالأحمر

**BinT EL UAE** · 2009-04-20, 13:48

مرحبـــــــــــــاني

اول شي اختيه..ونصيحه لج..لا تصبغين..صح الصبغه حلوه وتغير من الشكل بس خلاف اختيه بتمين اسيره لها..لانه يوم تبين توقفين صبغ وتتركينها مابترومين وخصه في حالتج "معرسه" ليش..لانه الصبغه تنزل وخلاف تطرين تصبغين الشعر اللي ظهر وتمين ع هالحاله...انا كنت فالثنويه يوم صبغته ومستانسه وحالتيه حاله مع انه امايه قالتليه بتندمين..وانا لين يومج والصبغه بعدها فشعريه مع انيه قصيته اخر مره لايرز وبعدها فالاطراف يالسه..يعني لو بغيتي خلاف تفتكين منها لزوم تقصين الشعر المصبوغ كله

قولي انا عادي لانه كنا بنات مدارس ومحد يدقق عدل اذا الصبغه انزلت ولا لأ..بس انتي معرسه

والصبغه تجفف الشعر هب الحين خلاف بتشوفين عقب ماتنزل بكمن شبر بتحسين حزتها باليبوسه وحتى لو كنتي تدهنينه الصبغه ماترحم..واذا كنتي تهتمين بشعرج 50%..يوم بتصبغينه لزوم اهتمامج يكون 100% وزود..انا مابا اهول من السالفه بس حبيت اعطيج رمسه عدله تفيدج وعن تجربتيه وتجربة اهليه وربعيه

الصبغه بعد تحرق الشعر لانه فيها بيروكسيد الهيدروجين وهالماده كيماويه هيه اللي تفتح الشعر عسب يلصق لون الصبغه فيه

واذا مصره شوفيلج صبغه مافيها امونيا <<< والحنا بعتبر افضل شي بس الحنا بعد ايبس الشعر لفئات معينه وبعد يباله عنايه بس يبقى ارحم عن الصبغه

امايه الحين اسيره للصبغه بس امايه تستخدم وحده بليا امونيا فالصيدليه تلقينها وبعد تشتكي منها بس امايه مضطره..اسمها SANOTINT بس بعد اعيد وازيد توثقي انج ماتحسسين من هالصبغات..ويمكن ماتفيدج ويمكن تفيدج..انتي توثقي اول انج ماتحسسين

والصبغه تزيد الشعر الابيض عن تجربه موثوق منها..واذا الشيب المبكر وراثه اتزيد منه بعد

واللون الاحمر..يدفق اكثر ع الشقر..يعني اذا انتي شعرج اسود او بني بيكون احمر بس هب فاتح..غامج طشونه بس فالشمس بيبين حمر..واذا تبينه احمر احمر مثل الصهبا يعني..لزوم ينسحب لون شعرج وفصالون وهالشي مانصحج فيه لانه الشعر خلاف بيغدي خفيف بشكل مخيف

تنبيه: اذا بتصبغين فصالون اول شي شوفي اذا انتي تحسسين من الصبغه..لانه اختيه اصبغت فالصالون وهم زادو شي فيها وتمت اختيه تتنافض وماتروم تتنصخ وودينها الدختر وباتت فالعنايه المركزه ليله بسبة شو..؟؟..بسبة راعية الصالون زادت من تركيبة الصبغه عندها ومادري شو خلطت

واذا انتي ماتبين تصبغين ايلسي ويا ريلج ورمسيه وفهميه وقوليله الصبغه تسوي جذه وجذه وجذه فالشعر..وانا متوثقه انه مايبا شي يضرج

السمـــــوحه ع الاطاله غلايه بس حبيت افيدج

.•´
( `•.¸
`•.¸ )
¸.• )´
(.•´
×´¨) (¨`×
¸.•´¸.•´¨) (¨`•.¸`•.¸
(¸.•´ ( *بنت الإمارات* ) `•.¸)
(¨`•.¸`•.¸ * ¸.•´¸.•´¨)
`•.¸)

**missuae3003** · 2009-04-28, 13:12

احس فيها مغامره ومايناسب اي بشره اتوقع بس البيضا ...

الموضوع: الصبغه الحمرى

أدوات الموضوع

عرض

الصبغه الحمرى

المزيد من آخر المواضيع من نفس القسم:

المواضيع المتشابهه

الصبغه

البقع الحمرى عالصدر والوجه !!! والشعر اللي تحت الجلد؟؟؟

المعـاطر الفخمه وهنا تشكيلتين المعطره الحمرى والتركوازيه والعرض لغايه 5-5-2009

هذي الصبغه ولا بلاش

الصبغه