ريلي وحرمته الثانيه

**مشاعر الروح** · 2009-04-16, 03:15

مرحبا بدخل في الموضوع ريلي عنده حرمه ثانيه في اماره ثانيه ويفكر اييبها عندي البيت لان يداوم في الاماره الي انا فيها ويروح في الاجازه اتعبت انه يطلع في الاجازه ابا اطلع واطلع العيال بعد بس صار صعب ويوم اقوله يقول شو اسوي تراه دوام تخيلوا اتم بالاشهر ما اطلع طلعه مثل الناس وسمعته بيا يحول دوامها عدنا وما ادري اقدر بوجودها عندي وما اعرف اسلوبها وشخصيتها انا عن نفسي هاديه واطباعي عاديه بس خايفه كيف اواجه الامر عادي والا لا.......؟

المزيد من آخر المواضيع من نفس القسم:

**الهوى دانة** · 2009-04-16, 03:17

ممممم والله ماعرف شقولج بس صعب تعيشين انتي وضرج في بيت وااحد

الله يعيينج يارب ويصبرج ويوفقج ويا ريلج .. الله يكتب لج اللي فيه الخيرر ^_^

**مشاعر الروح** · 2009-04-16, 03:24

آآآآميين مشكوره على الرد

**بنت الطنيجي** · 2009-04-16, 03:25

عامل الناس كما تحب أن تعاااااااامل !!!!!!

عادي يالغالية و ان شاء الله تتقبلون بعض ..و خل قلبج كبير و وسيييييييع و ان شاء الله ما تحصلين منها غير الخير ..

ربي يحفظكم ان شاء الله

**مشاعر الروح** · 2009-04-16, 03:34

بنت الطنيجي الف شكر لج ووالله قمر تسلمين يالغاليه

**خلاص** · 2009-04-16, 04:50

لا لا تسكن غندج خليج بعيد عنها الحبسة في البيت أهون ألف مرة عن العيشة مع ضرة الله يكون في عونج

**فطااااامي** · 2009-04-16, 04:58

خلج بعيده عنها احسلج ... لا تعورين راسج
ابعدي عن الشررر ... وانشاء الله تطلع بنت حلال

**عشقي عيونكـ** · 2009-04-16, 05:04

الله يكون في عونج اختي مااضن بتتصاافن في بيت وااحد ومثل مااقاال المثل ابعد عن الشر وغنيله خلييج بعيده احسن

**foma6000** · 2009-04-16, 06:48

في وحدة يمنية الله يذكرها بالخير كانت دوم تقول لي ابعد من حبيبك خله يحبك

**أنا مسلمه** · 2009-04-16, 06:49

عزيزتي تقبليها بصدر رحب ولاتخلين الشيطان يدخل بينكم خلاص الي صار صار وريلج تزوج

الجأي لرب العباد بأن يسخر قلبها لج ويرققه ويبعد عنكم المشاكل ..

ولج اجر كبيييييييييييير على الصبر والله الدنيا قصيره وحاولي تقرين قصص كثيره

عن الصالحات وكيف قدرن يكسبن الزوجه الثانيه

وانصحج اسمعي محاظره الشيخ الدكتور خالد الجبير قلوب مأسورة بيتكلم فيها عن الضره

وبيفهمج التعامل وبيقولج لاتسيرين النار بسبتها

وربي يووفقج

**الضياء** · 2009-04-16, 06:51

ياختي صعبه والله انتي الحين مرتاحه لانها بعيد عن عينج
لكن اذا صارت وياج بتعذبين من الغيرة اذا شفتي داش وطالع
يعني ماله شغل بواسعه الصدر

**أمل الكعبي 77** · 2009-04-16, 07:02

اذا كانت نيتج صافية و زينة .. صدقيني الامور بتم أحسن و احسن مما تتوقعين

امي و مرت ابوي ساكنين في بيت واحد و ترى اغلبية اهلي جي

اللي مزوجين ثنتين كلهم في بيت واحد

بس اهم شي في الريال انه يعاملكم معامله وحده

و ما يقعد يفرق بينكم ابد

أختج

أمل ^^

**قلب الشمال** · 2009-04-16, 07:06

خيوفرلها سكن في نفس امارتج

**غبووش** · 2009-04-16, 07:06

خلج بعيدة عنها احسن

**.Um Hamad** · 2009-04-16, 08:04

يااقلبي...

بما انكِ لا تعرفي طباعهـا وسكنها معكِ امر ضروري وطارئ

اشرطي على زوجكِ ان يكون هذا الامر بشكل مؤقت حتى تتعرفي على طباعها واخلاقها

ونواياها وتعاملها معكِ ...على وجه العموم اخلاقها

فأن وجدتي نفسكِ تقبلتيها واطمأنيتي لوجودها معكِ...فلتكن اخت لكِ وتعاملي معها على هذا الاساس

وان وجدتي العكس... ذكري زوجكِ بشرطكِ

الموضوع: ريلي وحرمته الثانيه

أدوات الموضوع

عرض

ريلي وحرمته الثانيه

المزيد من آخر المواضيع من نفس القسم:

المواضيع المتشابهه

ريلي والحرمة الثانيه..

ريلي بولادتي الاولى غير وولادتي الثانيه صار انســان..!!

ريلي متزوج علي..كيف انتقم من الثانيه .. كيف اخلص ريلي منها تفضلي ادخلي

انا وحرمة ريلي الثانيه بهذا المنتدى

بنات هاي المره الثانيه اشوف ريلي الله يرحمه