ألم قوي ف خاصرتي

**عروس صغيرونة** · 2009-04-12, 20:13

بنوتااات انا حامل وبغيت اسالكم ان احس بالم قوي ونفس تشنج طول اليوم بين ظهري وبطني
هل هالشي طبيعي ؟
وهل له حل ؟

ردوا علي والله يعوور

المزيد من آخر المواضيع من نفس القسم:

**Blo0owi** · 2009-04-12, 20:22

حبيبتي انا اول ما ياني الويع حطيت المشكله في هالقسم واللي قالوه":
ان الرحم يتوسع وهذا شي عادي ....
ومنهن قالن راحن المستشفى وطلع نفس السبب عادي لا تحاتين....

انا كنت احس بألم فظيع .....بس فتره وبيروح لا تخافين ...

**عروس صغيرونة** · 2009-04-12, 20:34

اختي بياخذ وقت طويل لين مايروح ؟

انا خفت من المشي لاني امشي وايد

**fashions** · 2009-04-12, 20:45

اذا طول الالم معاك روحي المستشفى لاتتركين نفسك كذا ..الله يهون عليك يارب

**هدوية** · 2009-04-12, 21:12

انا كنت جيه .. تمييت فترة طويلة اعاني من الم فخواصري .. بس عقب روحه راح .. بس اتوقع انه السبب اني كنت انام عظهري

**بيضه** · 2009-04-13, 01:55

خخخخخخخخخخخخخخخخخ

اختي خل تشيك الدكتوره للكليه الكليه دوم تسوي جي في الحمل وهي بالخاصره ورا بالظهر

سيري وشيكي وشربي ماي وايد حبوبه ها اكيد من الكليه ومن تخلصين تشيكين تعالي قولي لنا شو طلع اوكي

**أنا مسلمه** · 2009-04-13, 02:03

ماعندي علم ربي يشفييج ويعافيج

**ظبيانيهF E** · 2009-04-13, 02:26

انا اقول روحي المستشفى

يمكن يكون من الكلى ترى يصير توسع للكلى في فتره الحمل مع توسعات الرحم

بس نا ابا اخوفج اذا كان اللي عندج جي ترى عادي بسبه الحمل

لا تحاتين

**لولَش** · 2009-04-13, 03:28

ماعندج اعراض التهابات؟ لأنه التهاب البول عزج الله يسوي هالالم..

عالعموم راجعي طبيبتج احسن ..

**ونة اشعاري** · 2009-04-13, 05:15

انا مريت في نفس المشكله قبل شهرين لما كنت في الخامس

وسرت عند الدكتوره قالت لي هذا الرحم عندج يالس يتوسع وهاي تقلصات عاديه تصير لكل الحوامل

لا تحاتين يالغاليه في الحمل بتشوفين هوايل .. من شد في الريل وتقلصات وآلام في الظهر والبطن وحتى آلام في المؤخره وغيره .. والله يهون علينا يالغاليه ..

ان شاء الله الجنين ماعليه شر لا تحاتين حبيبتي

**نونو دبي** · 2009-04-13, 08:13

انا تميت على هاي الحاله اسبوووووووووووووع هملت في عمري اخر شي سرت المستشفى وسوولي تحاليلل وطلع عندي التهاااااااااااااب فضيع وقالولي لازم تتنموين فالمستشفى وتميت عندهم لين ماخفيت يعني 4 ايااام
والله يشفيج لازم اسيرين المستشفى

**miss amal** · 2009-04-13, 09:58

مايخصه الغاليه هذا شي طبيعي انا مريت فيه بعد فالشهر الخامس تقريبا تم ظهري يعورني واايد ناحية اليمين فالخاصره وزغت انا قلت اكيد الكلى
وسرت عند الدختوره قالتلي يمكن الكلى ويوم فحصت طلع كل شي طبيعي وقالت لي هذا لان الرحم يتوسع شي طبيعي ولا تخافين كلها فتره وبتعدي
انا تم عندي تقريبا لمده اسبوعين
وعقبه ياني ويع ثاني صوب الضلوع من فوق البطن وتميت اتويع اسبوعين بعد وعقب خلاص خفيت الحمدلله والحين اعاني من شد عضلي فالريول احيانا يوم انش من الرقاد

**عروس صغيرونة** · 2009-04-13, 12:48

حد خوفني وحد ريحني

اروح عند الدكتورة ولا عادي من الحمل الحين ؟ :s

الموضوع: ألم قوي ف خاصرتي

أدوات الموضوع

عرض

ألم قوي ف خاصرتي

المزيد من آخر المواضيع من نفس القسم:

المواضيع المتشابهه

فيدووني خاصرتي تعورني وأنا حامل له علاقه ولا لاء !

ألم ف خاصرتي اليسرى (هل ممكن أكون حامل)؟؟؟؟؟؟؟؟؟