تجمع لمراجعات ((مركـــــــــــز دبـــــــــــــــي للاخصــــــــــــــــاب)).. ^_^

**قصور** · 2009-04-11, 15:53

شحالكن حبيباتي .. عساكم بخير وسهالة

انا حبيت اسوي هالتجمع عشان كل وحدة فينا نحن المراجعات تفيد خواتها..

الله يرزق كل محروم ومحروومة .. الذرية الصالحة ..

::

طبعاً بثل ما تعرفون ... مركز دبي للاخصاب .. تغير موقعهم.. والحين هم في مدينة دبي الطبية..

بالنسبة لي المكان وايد أحلى عن الموقع القديم..

بالنسبة الى الدكاترة اللي هناك فهم

الدكتور محمد القليوبي..

الدكتور وائل

والدكتورة حنا او هينا

:

اما بالنسبة للدكتورة حسنية قرقاش.. فاللي سمعته.. انها قدمت استقالتها وفتحت لها عيادة خاصة..

ووحدة من النيرسات قالت لي.. ان الدكتورة حسنية.. ناوية تسويلها مركز للاخصاب مثل مركز دبي للاخصاب .. ومثل عيادة الدكتورة جوان!!

:
انا بديت اراجع عند الدكتور محمد .. وافكر في اطفال الانابيب..

وان شاء الله .. الله يسهل ويسر علي وعليكم..

طبعاً انا ما عندي وايد افكار عن طريقة علاجهم..

بس مدحولي الدكتور محمد.. وايد...

لأنه انسان مدين.. ويعرف الله...

والحمد الله...

:
:

يالله حبيباتي...

شاركونا.. مغامراتكم في مركز دبي للاخصاب..

وان شاء الله الكل يستفيد

^_^

بارك الله فيكم

ويسر اموركم

ورزقكم من فضله

آمين

المزيد من آخر المواضيع من نفس القسم:

**نواعم انثى** · 2009-04-11, 15:59

الله يرزقج يارب ويعوض عليج في رحلة علاجج

وبالفعل الدكتور محمد وااايد زين لانه وااااايدين سمعتهم يمدحونه

فيارب يارب يا حي يا قيوم تسهل عليج وعل جميع اخوااتي في الله

يارب تحملين هالشهر وتبشرينا عاد

**قصور** · 2009-04-11, 16:03

مشكووووووووووورة عزيزتي ((نواعم انثى))

^_^

مرورج اسعدني...

**همسة حب2009** · 2009-04-11, 16:46

اناانصحكم بدكتور محمد
لاني صدق تعالجت معاه والحمدلله ربي رزقني بالحمل وعندي مراجعه بعد اسبوع

**العيناويه3** · 2009-04-11, 19:07

انا ببدا اعالج عندهم ان شالله وكنت اعالج عند الدكتور محمد ما شالله عليه انسان ملتزم ومحترم وووووايد

**الصفاء** · 2009-04-11, 19:57

السلام عليكم
انا بديت اتعالج عند الدكتور وائل وانشاء الله بسوي حقن مجهري
وابي منكن يا خواتي الي تعرف عنه او قد سوته اتقولي والله يرزقها الجنة

والله يرزقنا الذرية الصالحة جميعا

**همسة حب2009** · 2009-04-11, 20:04

حتى الدكتورة الهنديه شاطره ما شاءالله عليها

**قصور** · 2009-04-11, 21:26

المشاركة الأصلية كتبت بواسطة الصفاء

السلام عليكم
انا بديت اتعالج عند الدكتور وائل وانشاء الله بسوي حقن مجهري
وابي منكن يا خواتي الي تعرف عنه او قد سوته اتقولي والله يرزقها الجنة

والله يرزقنا الذرية الصالحة جميعا

انا ما تعالجت عند الدكتور وائل.. بس اللي سمعته .. انه بعد زين.. وتبين الصراحة!.. احسه احسن عن الدكتورة الهندية!!

هذا والله اعلم

**moony44** · 2009-04-11, 21:28

أنا بالنسبة لي ما تعالجت ولا جربت الدكاترة مالتهم بس عجبني الموضوع وقلت ارفعه لكم وخاطري اللي في بالي تشوف الموضوع وتشارك

**دبيه** · 2009-04-11, 22:54

خواتي أنا ان شاالله بسير مركز دبي عن قريب , بغيت أسأل ايعطون مواعيد قريبه ولا لازم انتظر شهور لين الموعد؟

**سارونة الحلوة** · 2009-04-12, 12:01

أنا من مراجعات هالمركز وأتعالج عند الدكتور محمد .. وهو ما شاء الله عليه شاطر والكتورة حنا بعد شاطرة وااايد ما شاء الله عليها وعملياتها ناجحة..

رجعت أجنة مجمدة الشهر إلي طاف وما حملت .. الحمدلله على كل حاااال..
والترجيع الثاني بيكون الشهر الياي إن شاء الله.. ادعووووووووووولي

ربي لا تذرني فردا وأنت خير الوارثين

**سارونة الحلوة** · 2009-04-12, 12:02

المشاركة الأصلية كتبت بواسطة دبيه

خواتي أنا ان شاالله بسير مركز دبي عن قريب , بغيت أسأل ايعطون مواعيد قريبه ولا لازم انتظر شهور لين الموعد؟

انتي اتصلي فيهم وإن شاء الله يعطونج موعد قريب

**بنت نعيم** · 2009-04-12, 12:20

المشاركة الأصلية كتبت بواسطة سارونة الحلوة

أنا من مراجعات هالمركز وأتعالج عند الدكتور محمد .. وهو ما شاء الله عليه شاطر والكتورة حنا بعد شاطرة وااايد ما شاء الله عليها وعملياتها ناجحة..

رجعت أجنة مجمدة الشهر إلي طاف وما حملت .. الحمدلله على كل حاااال..
والترجيع الثاني بيكون الشهر الياي إن شاء الله.. ادعووووووووووولي

ربي لا تذرني فردا وأنت خير الوارثين

الله يرزقج ان شالله

**سارونة الحلوة** · 2009-04-12, 12:39

المشاركة الأصلية كتبت بواسطة بنت نعيم

الله يرزقج ان شالله

مشكورة فديتج والله يرزقج بلي تتمنينه يارب...

**سارونة الحلوة** · 2009-04-12, 12:48

المشاركة الأصلية كتبت بواسطة بنت نعيم

الله يرزقج ان شالله

مشكورة فديتج ويرزقج بلي تتمنينه يااارب

الموضوع: تجمع لمراجعات ((مركـــــــــــز دبـــــــــــــــي للاخصــــــــــــــــاب)).. ^_^

أدوات الموضوع

عرض

تجمع لمراجعات ((مركـــــــــــز دبـــــــــــــــي للاخصــــــــــــــــاب)).. ^_^

المزيد من آخر المواضيع من نفس القسم:

المواضيع المتشابهه

لمراجعات مستشفى الدولي الحديث.. الرجاء الدخول

غروب شمس دبـــــــــــــــي ~

دبـــــــــــــــي للعطآء...

بنات دبـــــــــــــــي......^^