احسن حضانه بأبوظبي

[orphan]

ابا اعرف شو احسن حضانه بأبوظبي لأني ابا ادخل بنتي وشو احسن عمر اني ادويها وخصوصا انها بروحها ما عندها حد بالبيت وتخاف من الناس وايد اللي عندها معلومه ياليت تفيدني وشكرا

المزيد من آخر المواضيع من نفس القسم:

• قصة الفتاة اليتيمة جميلة لرياض الاطفال
• قصة الفناعة لرياض الاطفال
• قصة حكايات الاميرات لرياض الاطفال
• سؤال خواتي
• قصة المحتال الذي خدع كل من في القرية لرياض...
• قصة مكر الثعلب لرياض الاطفال
• قصة الطفل الصغير لرياض الاطفال
• قصة الضيف الطماع لرياض الاطفال
• قصة الأصدقاء الاربعة لرياض الاطفال
• قصة الغنى الحقيقي لرياض الاطفال

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أم مطر]

ابا اعرف شو احسن حضانه بأبوظبي لأني ابا ادخل بنتي وشو احسن عمر اني ادويها وخصوصا انها بروحها ما عندها حد بالبيت وتخاف من الناس وايد اللي عندها معلومه ياليت تفيدني وشكرا

هلا أختي ... أنا يايه أسأل نفس السؤال

أبا أدخل ولدي الحضانه ومب عارفة وين أوديه

إن شاء الله يردون علينا البنات :22 (21):

[# ام عبيد #]

ابا اعرف شو احسن حضانه بأبوظبي لأني ابا ادخل بنتي وشو احسن عمر اني ادويها وخصوصا انها بروحها ما عندها حد بالبيت وتخاف من الناس وايد اللي عندها معلومه ياليت تفيدني وشكرا

مرحب حبيبتي انا بنتي حطيتها سنتين في حضانة نجوم المستقبل لانها قريبة من بيتي بس الله يقول الحق ممتاااااااااااااااااااااااااااااااااازة جدا والحين بنتي في كجي 1 في الفيحاء بس مستواها ممتاز تعرف الالوان والاشكال والحروف بالعربي وبالانجلش غير عن اليات اللي يحفضونهم والدعية واوراق عملهم قمة في الابدع والحين حاطة بنتي الثانيه فيها ....ارجو اني اكون ماطولت وكفيت وفيت :22 (13):

[ثريا النجوم]

:22 (14): هلا عزيزاتي
صراحه انا وديت ولدي حضانة عالمي الممتع الي في الكرامه حضانه ممتازه عندهم انشطه وايده والي ماسكة الحضانه مواطنات وحدة منهن كانت مديرة مدرسة ويعلمون انجليزي ويهتمون بتحفيظ القرآن والصلاة ويربون فيهم حب التعاون وعندهم رحلات حلوه ومفيده ويهتمون بوجبة الياهل واكله ويسوولهم وجبة فطور وغدا وعندهم ممرضه في الحضانه وياخذون في الشهر 1000 درهم بس صراحه يستاهلون وما يسمحون بعد للسايق بروحه ياخذ الياهل حتى لو كان عمه او خاله صراحه الحضانه فوق الممتاز ورائعة مب خسارة اتحطون فيها اعيالكم ( اسويلهم دعاية )

[قمورة ريلها]

حضانة عالمي الممتع بإدارة مواطنة ^_^

ومديرة الحضانة كانت مدرسة تربية اسلامية شو احسن من جي

عن نفسي اول ماربي بحط بنوتي هناك لأني واثقة من بنات بلادي

[Baith]

شوفي اختي انا بنتي في حضانه abc هذي ثاني سنه انا مرتاحه معاهم بعد في حضانه لتل ستب بعد يقولون وايد زينه انا ربيعتي كانت حاطه ولدها فيها بس حضانه بنتي من عمرها سنتين فيها من دخلت تعلمت تتكلم انجليزي وبعد كانت تدخل تسلم وتغنيه وبعد تعرف الالوان ولاشكال بس هذي كان كفايه بالنسبه حق سنها

[orphan]

مشكورين على ردودكم بس ما قلتولي من عمر كم تدخلون اولادكم الحضانه لان بنتي افكر ادخلها بعمر سنتين مناسب او لا

[Baith]

انا بنتي من عمر السنتين وديتها بس اهمه يستقبلون من الاربعين

[أم مطر]

مشكورات الغاليات على الردود الحلوة

بالتوفيق للكل ^__^

[houbara_uae]

تبين راى؟؟ ماشى عن حضانة عالمى الممتع..يعلمون اليهال دين بالاضافة للانجليزى

[سلفانا]

انا بعد من من عمر السنتين

[Miss]

حضانه الثريا في بوظبي

حضانه ماسكتنها حرمه لها خبره كبيره في مجال التعليم والرياض الاطفال

وهي اتداوم فيها يعني مب معتمده على الموظفات اللي عندها

الصراحه خدمتهم واايد حلوه واتخلين عيالج عندهم بدون ما اتحاتين

ويعلمونهم دين و انجليزي و يقدمون لهم وجبات صحية مشرف عليها

الصراحه ماعليها كلام

[Miss]

ونسيت اقول انه هالحرمه موااطنه ^_^

[أحلى أم]

انا سمعت عن نجوم المستقبل مدحوها ..

[ام الهنوف]

حبيباتي انا من رايي ان احنا لازم انشجع بنات بلادنا في مشاريعهم علشان جذيه انا اقول ان حضانة عالمي الممتع و حضانة الثريا المفروض هم اللي اتحطونها في بالكم مب بس علشان تشجيع المشاريع الوطنية بس لا لان بصراحة على حسب علمي و تجربة زميلاتي ان كل وحدة فيهم احسن من الثانية و اللي ماسكين الحضانتين ناس ثقة و انا بصراحة عاشرت هالناس و ماشاء الله عليهم