أنا وعمتي والحج

**أم زيودي** · 2009-04-07, 23:16

هلا يا بنات اشحالكن

بغيت مشورتكن في هالموضوع

عمتي وحمياتي مزيونات وفنانات بس المشكلة رزة الويه في السفرات ... يعني كل ما استخبروا اني بسير ويا ريلي سفرة رزوا ويهم ويم ...

خل اعطيكم مثال... كنا متفقين انا وريلي انسير العمرة من استخبرت عمتي جمعت بناتها وقالت بنسير وياكم بس ما عندنا بيزات للطيران انسير سيارة احسن ... قلت لريلي انا ما اروم على السيارة ابي طيارة ولان ريلي يدري اني اتعب من البر... خذ اهله وسار العمرة وانا تميت في البلاد ..

مرة ثانية كنا سايرين الكويت نفس القصة بالضبط سووا ويانا .. قالوا بنسير وياكم وفعلا كنسلنا الطيارة واضطرينا انسير بالبر ... وريلي حاول يقنعني وفعلا سرت بالبر ... وطول الددرب تعبانة ورجعت اكثر من مرة واتأدب ريلي يوديني مكان بالبر ..

مع العلم ان في كل الطلعات انا وريلي اللي نصرف على الكل وهم درهم ما يدفعون ...

لدرجة ان اخر مرة من شهر بغيت اسير العمرة وميزانية ريلي على قدة وقلتله وديني وانا بكلف على السفرة من استخبرت قبل السيرة بيومين قالت انا بسير وياكم حاول ريلي يتهرب منها مافي فايدة وفعلا سارت ويانا وانا اللي كلفت كل شي ,,, ريلي كان قافط مني بس حليله ترا لو عنده ما بيقصر ...

الحين بتييكم المشكلة ... انا ولا مرة حجيت .. وخاطري السنة اسير الحج لان ظروفي تسمح .. ريلي قالي ميزانيتي تعبانه السنة وكالعادة قلتله وديني وانا بكلف ... طبعا ريلي يدري مسبقا اني ما احب اسير مكان بالبر واقز من الاماكن اللي نظافتها نص نص .. عسب جذي قالي بدورلج حملة مضبوطة بس بتكلفنا النفر الواحد حول الثلاثين الف .. قلتله مو مشكلة انا موفرة بيزات ابي اخذ سيارة يديدة واشوف الحج اهم مليون مرة من السيارة وبكلف بس اكووون مرتاحة

المشكلة عمتي من سنة حاسة اني بروح الحج لان بنتي بتكمل سنتين وبعدني ما حملت فظروفي مناسبة ويالسة اتفر علي رمسة اذا سرتوا الحج بسير وياكم قالتلي اياها اكثر من الف مرة

وانا ما عندي ميزانية لاي حد زيادة .... ومتاكدة اذا درت اني بسير بتصمم تسير ويانا ...

اتشاورنا انا وريلي في الموضوع .. قالي وقتها ايحلها الف حلال ...

كيف اتهرب من عمتي .. مع العلم انها حجت قبل ....

وتسلمون

المزيد من آخر المواضيع من نفس القسم:

**rozee** · 2009-04-07, 23:20

الله يعينج >.<

**So_Sweet** · 2009-04-07, 23:24

لا حول ولا قوة الا بالله العلي العظيم .....الله يهديها .. السفرات اللي طافت صووووب وروحت الحج صــــــــــــــــــوب .... هي ما تدري انه الحج لاااااازم يكون لمن استطاع اليه سبيلا ؟؟؟؟

هي ما عندها مثل ما فهمت ... من وين بتييب فلوس الحج ؟؟؟؟ غير انها حجت من قبل !

شوفي الصراحة الحج يكون احلى يوم تكونون شله (( يعني اهل سايرين رباعه)) ... لكن مب على حسابج انتي !!!

اذا كلمتج قوليلها انه كلفة الحج 30000 ... وشوفي شو بتقووول .... الله يعينج

تقبلي مرروري

**ع الابداع** · 2009-04-07, 23:27

ياربي ماداني الناس الي رزه في كل شي وثجااااال على الجبد

احسن حل لها الاشكال اذا كان ينفع وياها قوليلها انه اهلج بيودونج الحج .. اخوج اختج ويا ريلها مثلا امج ويا خالج مثلا اي احد مناسب وانتي وياهم .. وطبعا ما بتقدر ترز الا اذا صدق ويها لوح واعتقد ها النوعيه ويوهم ليحان ..هههههههه

وقولي حق ريلج يلحقج بعدها بيوم مثلا .. او

حل ثاني قوليلهم ما عندكم ميزاااانيه ابدااااااااااااااااااا لاي شخص ثاني
واحسن حل روحي عنااااااااااااااااااااد بالطياره وقولي انا كل مره اسمع كلامكم واروح بالبر واخرتها انا اللي اتعب انتوا ما يستويلكم شي ههههههههههه
وقولي ألزم ما علي راحتيه .. وبدفع التذكره عشان الراحه والي ما يقدر على المصاريف لا يروح واييلس ابرك له .. وخلوا الفرصه للي ماراح

**Al_Dloo3aa** · 2009-04-07, 23:28

الله يعينج الصراحه هذي مشكله
خبريها انه الدوله محطيه قانون حق اللي حاجين قبل مايصير يحج مره ثانيه عسب يخففون من الزحمه
وانه فيه عدد محدد ياخذونهم الحملات عسبه الزحمه

**أمرأه** · 2009-04-07, 23:28

بعطيها كاش وبقولها تكلفة الحمله 30 الف وفلوسنا يا دوب تكفينا

**شـ العيون ــوق** · 2009-04-07, 23:30

الله اعينج اختي

**زيوريخ 2005** · 2009-04-07, 23:32

الله يعينج الغاليه
كله ولا السفر ما تاخذين ابد راحتج معاهم
خبريه وقوليلها أن عليها تدفع ثلاثين ألف وبناخذج ويانا الحج
احنا ميزانيتنا على قدنا عاد مو لها الدرجه فاره نفسها عليكم هي وبناتها
أكل ومرعى وقلة صنعه

**๔ـيون السواهي** · 2009-04-07, 23:37

الله يعينج بس انتوا اللي عودتوهم من البدايه انكم تصرفون عليهم اهل اوكي
بس مب جي عاد

اختي كلميها وقوليلها نحن كلفتنا 60 الف وما تمت عندنا بيزه ولا كان خاطرنا تشاركينا.

**سيده طموحه** · 2009-04-07, 23:38

بصراحه الله يعينج

**بهلولة** · 2009-04-08, 00:08

الصراحة فيها راحة

**غروب11** · 2009-04-08, 00:17

الله يعييينج والله ما اداني رزة الويه مووول ... شو ما في راااحه للوحده مع ريلها ؟؟؟
خبريها كاااش انه البيزات يالله تسدكم انتي وريلج بس

**منورة** · 2009-04-08, 00:18

الله يكون في عونا وعونج الحال من بعضه

**جوهرة111** · 2009-04-08, 00:20

الله يعينج

**جوهرة111** · 2009-04-08, 00:26

سير ويا حملة الفجر والله كريم ان شاءالله

الموضوع: أنا وعمتي والحج

أدوات الموضوع

عرض

أنا وعمتي والحج

المزيد من آخر المواضيع من نفس القسم:

المواضيع المتشابهه

انا...وعمتي..........والرقاااااااااااااااااااااااا ااد

شكر وتقدير ل عمي وعمتي مع التحية

انا وعمتي ( ام ريلي )

أنا وعمتي أم زوجي

امي وعمتي!!