آيلس!!!!!

**بنوته s** · 2009-04-07, 14:07

السلام عليكم

شحالكن بنات شخبار الايلس وياكن ^^
انا امتحنت تاريخ 21 \ 3 وماكنت دارسه وطبعا ما يبت درجه زينه بلمره فقلت بحط هالموضوع عشان نستفيد من بعض الامتحان كان جنرال

بنات عندي كم سؤال
1- انا حابه اخذ دوره وعقب اقدم اكدمك فلو يبت 5.5 بدخل دبلوم عالي واذا يبت اقل بتم بالدبلوم بس سوالي هل الاكدمك ينفع لدبلوم وكم يبون لاني اعرف الجنرال يبون 4.5 تقريبا فياليت اللي تعرف تخبرني؟؟؟؟؟
2- من منكم خذت دوره ايلس بجامعه ابوظبي ؟؟؟ وكيف كانت الدوره وكم مدتها وبكم ؟؟؟
3- واذا اخذت الاكدمك 5.5 اقدر امشي بالدبلوم العالي ولا في مشاكل بتواجهني غير الانجليزي؟؟؟

في انتظاركم بناااات لا تبخلون علينا الله يوفقكن يااااارب ويجزاااكن الف خير

المزيد من آخر المواضيع من نفس القسم:

**بنوته s** · 2009-04-07, 15:23

افاااااااا 10 زوار ولا احد رد

**غروب** · 2009-04-08, 18:37

الله يوفقج انا قدمت الاكادمك بنفس اليوم بكمل دراسات ..كان صعب فعلا..
وبعيده وان شاء الله نتوفق وياج

**بنوته s** · 2009-04-12, 00:15

افاا وينكن بناااات ولا احد شارك

وانا حاطته عشان نستفيد من بعض زعلتني والله

**أحلى بدوية** · 2009-04-17, 13:57

والله ما عرف ..

ان شاءالله اللي عندهن خبره يساعدنج

**بنت الطموح** · 2009-04-17, 16:57

ما عندي خبرة حبوبه
انتظري ع البنات ان شاء الله بتلقين اللي يعطيج المعلومع الكافية ^_^

**ذكاي سر حلاي** · 2009-04-17, 17:27

بنوتة بتاريخ 4/5 فية دورة بالمعهد البريطاني وهو واااااااااااااايد زين وبتكون مكثفة والسعر 200
واتمنى اكون افدتج حبوبة

**بنوته s** · 2009-04-29, 17:24

شكرا للجميع عالمرور

بنات منو خذت دوره ايلس بجامعه بوظبي ؟؟؟؟

**Bent RAK** · 2009-04-30, 00:02

أنا شراتج ..أريد آخذ أكادمك و أيب 6 و فوق ..

أنا خذت جنرال و يبت 4.5 و خلصت دبلوما ..

و ألحينة أريد أكمل ، قالو لي ، لازم اتكونين يابه 5 جنرال ..

فأنا قلت ، باخذ أكادميك و يبب فيه 6 إن شاء الله ..

أحس ما يحتي دورة ، بس سوي براكتسات ف البيت عن طريق الويب سايت أو أوراق من الكليه ..

بس للأسف .. تنتهي الشهاده ف سنتين ..

شو رايج انسويلنا جدول .. يعني كل يوم أنذاكر شي ..

و نساعد بعض ..

**بنوته s** · 2009-04-30, 17:34

bnt rak شكرا لمرورج

ماشاء الله عليج وان شاء الله تيبين 6 انا ضعيفه في الانجليزي عشان جيه ابا دوره

**غاية الضوء** · 2009-04-30, 17:59

الغالية لازم براكتس ، لازم حد يوقف فوق راسج ويعلمج كيف تحلين الامتحان ..
يعني مثلا الريدينج .. بيكون عندج 3 مواضيع .. ومايمديج اصلا تقرينهم كلهم ..
وعندج بس نص ساعة .. انا اتعلمت اني اقرا بسرعة ماايلس اقرا كل جملة
لانه الوقت بيضيع علي ..

امتحنت البارحة وكان الامتحان حلو وان شالله انجح فيه ..
هالمرة طالبين منا باند 5 وآخر السنة يبون 5.5 .. بس ماامتحنته
في الجامعة ..

البريتيش كانسل وايد يمدحونه حاولي تسجلين عندهم .. وتستفيدين من كل شي
وعقب ابتدي في البراكتس .. واي استفسار انا حاضرة حبيبتي ..
ربي يوفقج وايسرلج ^_^ ..

**بنوته s** · 2009-05-04, 22:30

غايه الضوء

مشكوووره حبيبتي

وانا ابا اخذ دوره ان شاء الله عشان جيه اسال اذا احد اخذ دوره بجامعه بوظبي ؟؟

الموضوع: آيلس!!!!!

أدوات الموضوع

عرض

آيلس!!!!!

المزيد من آخر المواضيع من نفس القسم:

المواضيع المتشابهه

مدرسة آيلس..

معلمة آيلس

معاهــد آيلس فـ دبي

آيلس

امتحان آيلس