صح؟ ولابس كلام حريم؟؟

**غرم** · 2009-04-07, 12:08

السلام عليكم..
خواتي بغيت اسأل للي تعرف .. هل صحيح ان البيبي اللي ينولد في الثامن مايعيش؟!!
او بس هذا كلام حريم!!

شو رايكن؟

اختكم: غرم

المزيد من آخر المواضيع من نفس القسم:

**أمل الدنيا** · 2009-04-07, 12:10

أنا سمعت جــي وزين سألتي لأني أبى أتأكد انشاء الله يفيدونا الخوات الباقيات .....

**أم سـ ع ـيـد** · 2009-04-07, 12:48

هيه فديتكن بس مب من كلام الحريم ( كلااااااااااام اطبااااااااء) سبحاااان الله اللي في السابع يعيش اما اللي في الثامن اغلبيتهم مايعيشون الا نسبه قليله جدا ...

طبعا انا يوم كنت تعبانه ببنتي في الثامن ماكانوا يبوني اربي عشان الياهل احتمال مايعيش وتمو يعطوني مثبتات وربيعتي كذالك تمت وايد في المستشفى ومنعوها من الحركه لين ماتدخلت التاسع لان هب زين اتربي وهيه في الثامن ...

وهذا كلام اطباء وحريم مابيقولن شي الا كانن يدربه طبعا وحريم قبل اغلبيتهن ايعرفن لان ماشي مستشفيات على زمانهن ...

وانشاء الله وصلت المعلومه وستفدتن منها والسموحه طولت عليكن ...

**أمل الدنيا** · 2009-04-07, 12:49

يزاج الله خير ......فديتج ...

**وردة ظبيانية** · 2009-04-07, 12:51

السلام عليكم خواتي
هذا الكلام غير صحيح
وحدة من خواتي ولدت في الثامن لأنه فيها توأم وماشاءالله عليهم كبروا الحين وبيدخلون الروضة ربي يحفظهم
اختي الثانية ولدت في الثامن وبقيصري وبنتها ماشاء الله عليها
كثير يولدن في الثامن خاصة لو كان توائم او الام تنزف بشكل مستمر والعلم مطور وفي رعايا للمواليد قبل الأوان
وياما سمعنا عن حريم يولدن في التاسع ويطلع الطفل ميت
ما أقول ان هذا الإعتقاد غلط 100%! لأن الطفل اذا كان عنده تشوه غالباً اذا عدا الأربع الشهور الأولى من الحمل ممكن مايعدي الثامن حتى لو عاش أيام بعد الولادة
أعرف وحدة ولدت في الثامن بس البيبي ماكانت مكتملة عنده المصارين ومشكلة في القلب ماعاش اكثر من عشرين يوم بعد الولادة
العبرة مو امتى تولد العبرة اذا كان الطفل عنده مشكلة والا لا
الله يحفظ امة محمد عليه وعلى آله وصحبه أفضل الصلاة والتسليم

**fashions** · 2009-04-07, 12:55

حبيبتي سوا ولدتي بالثامن او السابع او السادس كله بأذن الله تعالى .. ربك ذاا اراد يعيش بيعيش ..وحده ولدت بالسادس وكفنو البيبي لانه خلاص مات على كلام الاطباء شوي الا البيبي وهو ملفوف يتحرك ..شوفي سبحان الله بقدرة قادر عاش ..

**ام زيوووود** · 2009-04-07, 13:51

وانا ويا البنات ... اعرف وحده من ربيعاتيه .. مره بداية الثامن ربت والحمدالله
ولدها كمل سنه ونص فديته

اظني لو الياهل عنده مشاكل صحيه في هالحاله يمكن ما يعيش .. الا اذا الله اراد انه يعيش

ها شي ثاني

**ظبيانيهF E** · 2009-04-08, 01:51

ربيعتي عندها 2 بنت و ولد ويابتهم هم الثنين في الثامن

بس قالت انهم عطوها ابره لأنه الياهل لما يكون في الثامن وينولد التنفس يكون صعب عنده

فهاي الابره تساعد على انهم يتنفسون بشكل طبيعي

كله بأمر الله

سبحان الله العظيم

**حلم صيفي** · 2009-04-07, 14:01

الله اعلم ما عندي فكرة بس خوفتيني الحين ...

**غناتي1982** · 2009-04-07, 14:02

الموت والحياة بيدين الله وأنا ولدي الله يحفظه إن شاء الله يبته في الثامن والحمدلله ما فيه شي ، وأنا الصراحة كنت وااايد خايفة لأني مثلكم كنت أسمع الناس يتكلمون إنه ولد الثامن ما يعيش بس الحمدلله ما فيه شي، الله يحفظ عيالي ويطولي بأعمارهم إن شاء الله.

آمين

**غــ مرحوم ـلا** · 2009-04-07, 14:06

الله يثبت حمل كل حامل ويرزق كل محروم يارب

**غرم** · 2009-04-07, 23:37

ونعم بالله
صح كل شي بأمر الله وقدرته..
الله يسهل ع الجميع ويفرحنا بجوفه احبابنا الكتاكيت ^^

**Lilas** · 2009-04-07, 23:48

أنا أختي ولدت بالثامن بتوته ما فيها شي وما احتاجت الحضانه حتى, كللو بقدرة الله سبحانه وتعالى

**missuae3003** · 2009-04-07, 23:53

ما اعتقد .. واحس العكس يعني نسبة انه يعيش فالثامن اكبر من السابع ..

لأنه فالاسبوع الثاني من الشهر الثامن يكون الطفل خلاص مكتمل تقريبا في كل شي

وترا اخر شي يكتمل في الجنين هو الرئه و الجهاز الهضمي ... وهذوول يكتملون فالثامن ..

يعني اللي ينولد بالسابع صعب يتنفس طبيعي الا بمساعده الاجهزه عكس اللي فالثامن

حتى فترة الحضانه اللي فالثامن اقل من اللي فالسابع ..

وكل الحريم اللي ربن فالثامن من اهلي ماشاء الله عاشو عيالهم .. وحتى ما ابطو في الحضانه وااايد ... اكثر شي اسبوعين او ثلاث ..

وحد منهن مادشو عيالهم الحضانه .. لانه اوزانهم فوق 2 كيلو ...

.
.

والموت والحياه مكتوبه من عند الله

**أخت القمـر** · 2009-04-08, 00:05

المشاركة الأصلية كتبت بواسطة missuae3003

ما اعتقد .. واحس العكس يعني نسبة انه يعيش فالثامن اكبر من السابع ..

لأنه فالاسبوع الثاني من الشهر الثامن يكون الطفل خلاص مكتمل تقريبا في كل شي

وترا اخر شي يكتمل في الجنين هو الرئه و الجهاز الهضمي ... وهذوول يكتملون فالثامن ..

يعني اللي ينولد بالسابع صعب يتنفس طبيعي الا بمساعده الاجهزه عكس اللي فالثامن

حتى فترة الحضانه اللي فالثامن اقل من اللي فالسابع ..

وكل الحريم اللي ربن فالثامن من اهلي ماشاء الله عاشو عيالهم .. وحتى ما ابطو في الحضانه وااايد ... اكثر شي اسبوعين او ثلاث ..

وحد منهن مادشو عيالهم الحضانه .. لانه اوزانهم فوق 2 كيلو ...

.
.

والموت والحياه مكتوبه من عند الله

فدييييييييييييييييييييييت منطووووووووووووووقج والله

وهذا الي اعرفه،،، ان الثامن يكون البيبي اكتمل

وكل شي بيد رب العالمين،،، والله اعرف عن وحده ربت ف السادس (وحتى الاطبه ) ما توقعوا ان البيبي يعيش

سبحان الله ،، كل شي كللللللللللللللللللللللل شي بيد رب العالمين

وع فكرة هالمعلومه انا دوم اسمعها من الحريم ،، ان البيبي ف الثامن ما يعيش ،، بس ما اصدق ،، كل شي بيد رب العالمينيعني كل الي انولدو ف التاسع عباااااقرة

الموضوع: صح؟ ولابس كلام حريم؟؟

أدوات الموضوع

عرض

العرض المتطور

صح؟ ولابس كلام حريم؟؟

المزيد من آخر المواضيع من نفس القسم:

المواضيع المتشابهه

بنات بلييييييز بغيت أرقام حريم حريم ياجرن فساتين اعراس

محتاره اسمع كلام ريلي واخته ولا كلام امي وامه ><

الى متى الفهم الخاطئ يا حريم ،،، تراه مب مثل ولا كلام عادي يقال!!!؟

صحبتك لأشرف وأجلً وأعظم كلام ۝ ◊ ...۩..كلام الله ۩,

شو حل الوحده اذا كانت ما تكتم اي كلام وتتاثر باي كلام بشكل كبير