مركز دبي للاخصاب

**بنت-المها** · 2009-04-06, 13:08

السلام عليكم
أخواتي أختي قررت تتوكل على الله و تسوي عملية أطفال الأنابيب بمركز الاخصاب بدبي بعدما سوتها كم مرة بمستشفى التوام و فشلت العملية الحمد الله على كل حال المهم لو سمحتو أي و حدة سوت العملية أو بتسويها فالمركز تخبرني منو أحسن دكتور عندهم و كم نسبة نجاح العملية عندهم و كم تكاليف العملية الله يخليكم أي شي تعرفونه فيدونا فيه و لكم مني و منها دعوة بظهر غيب
يا الله ثبت حمل كل حامل و رزق كل محرومة بالحمل السليم المعافى يا رب

المزيد من آخر المواضيع من نفس القسم:

**همسة حب2009** · 2009-04-06, 13:27

انا سويتها عند دكتور محمد ما شاءالله دكتور شاطر واايد زين ونسب النجاح مرتفعه عندهم
كثير سوو انابيب ونجح عندهم
وانا الحمدلله من المرة الاولى ما شاءالله نجحت

وشوي اسعارهم غاليه بس لو ريلها من الجيش تقدم على حساب الجيش لان نحن على حساب الجيش ما ندفع شي الحمدلله

**بنت-المها** · 2009-04-06, 14:17

مشكورة أختي همسة حب و يارب يحفضلج عيالج و يبارك فيهم يا رب

**جامعية** · 2009-04-06, 15:07

موفقه اختي...

**صـاحبة السمووو** · 2009-04-06, 15:15

بالتوفيييييييق ان شاء الله

**بنت-المها** · 2009-04-06, 16:20

يزاكم الله خير عالمرور

**بنت-المها** · 2009-04-06, 20:12

همسة حب سؤال لو سمحتي ريل أختي يشتغل فالجيش شو هي الاجراءات لو سمحتي و يزاج الله خير

**العيناويه3** · 2009-04-06, 20:40

انا اعالج عندهم عند الدكتور محمد ما شالله ووايد شاطر ونحن نعالج عن طريق الجيش فخليهم ياخذون تقرير من مستشفى توام ويودونه المستشفى العسكري اللي في ابوظبي ويطلبون انهم يعالجون في مركز دبي وهم بيحولونهم بس يطولون شوي لانهم اول شي بيحولونهم على لجنه عشان الموافقه.. الله يوفقهم ان شالله ويوفق الجميع ويرزقنا بالذريه الصالحه

**بنت-المها** · 2009-04-06, 23:41

مشكورة أختي العيناوية3 الله يرزقج بالذرية الصالحة كاملة الخلقة و الخليقة يا رب و يرزق كل محرومة يا رب
ما قصرتي والله يا الغالية

**العيناويه3** · 2009-04-07, 10:11

المشاركة الأصلية كتبت بواسطة بنت-المها

مشكورة أختي العيناوية3 الله يرزقج بالذرية الصالحة كاملة الخلقة و الخليقة يا رب و يرزق كل محرومة يا رب
ما قصرتي والله يا الغالية

مشكوره على الدعوه الحلوه والله يوفقج ويوفق الجميع

**to_ty_2005** · 2009-04-07, 17:59

انا ربيعتي سوت عندهم عن الدكتوره حسنيه قرقاش وماشالله حملت بتوام وانا سويت عندهم عن الدكتوره الهنديه ورجعتلي الاجنه قرقاش بس ماصار حمل
والدكتور محمد الي عندهم ممتاز بعد حسنيه لانها طلعت من عندهم وعندها عياده خاصه

الموضوع: مركز دبي للاخصاب

أدوات الموضوع

عرض