انا والغربه

**طيرالسما** · 2009-04-05, 12:07

بسم الله الرحمن الرحيم

مرحبا شحالكن عساكن بخير وعافيه

انا حابه اليوم استطلع على رايكن بوضوع يخصني انا وعيالي

ريلي الله يحفظه لي يا ربي صارله مسافر تقريبا اسبوعين وطبعا السفره لشغل ومطوله لين شهر ديسمبر باذن الله المهم طبعا انا بس يخلصون العيال -ولدين في الابتدائي - الله يسلمهم ويخليهم لي قولن اميــــــــــن على طول طايريله وبنيلس عنده - هو في بلد اوربي بعيد شوي-
المهم بنقظي الاجازه الصيفيه عنده بس هو شار علي بشور وانا وايد متردده لين الحين.......
قالي يردون العيال للمدارس ونتي تمي اهنيه عندي بنرد ارباعه يوم يخلص .....
والعيال ما عليهم شر عند يدتهم وعمامهم وخوالهم عندهم وما بيقصرهم شي .. والمدرسه يعرفون هم نظامها.. والسياره بتوديهم وبتيبهم.. ومن هذا الكلام.
انا قلبي ما مطاوعني اودره اروحه في بلاد الغربه ... وبعد مب هاين علي اعيالي يتمون ارواحهم صح الاهل كلهم عندهم بس بصراحه انا عيالي معوتنهم على نظام معين خاصه انا نحن ساكنين في بيت اروحنا واناما عندي غيرهم فانا شاده حيلي وايد معاهم ....اخاف يتغير النظام عليهم ويتخربطون..
وبيني وبين نفسي اقول فرصه خلني اشوفهم كيف بيعتمدون على اعمارهم...
محتاره .. وبغيت اعرف ارائكن يالامهات ؟ شو الايجابي والسلبي في هذي الخطوه الي بقدم عليها ؟
ولا تحرمني من ردودكن.....

المزيد من آخر المواضيع من نفس القسم:

**بنت_uae** · 2009-04-05, 12:27

الغااااااااااليه يلج بيطول وايد اهناك يعني بعد شعر 12 بيرد مررررررره ثاانيه ولا بسس

اذا ما بيرد مره ثاانيه ايلسي عننننننننننننده وخلي عياالج عند اهلهم واذا على النظااااااااام دامنهم متعوديين عليه ترااهم كا بيطلعون منه وانتي ان شاء الله كم شهر وبتردييلهم .....وريلج اولى الغاليه دامنه محتاااي لج في بلاد الغربه

واذا مطوليين واايد مال سنه سنتين حولي عياالج بمداارس عربيه عندهم

وشكرا

**عالية الغالية** · 2009-04-05, 12:29

في هالزمن كل واحد يقول يالله نفسي

حتى لو اعمامهم وخوالهم ما بيدارونهم شراتج في امور هم ما بينتبهون لها لكن انتي كأم بتنتبهين لكل شي

وغير هذا صعب ع العيال فراق الام والابو

والغربة صعبة

ولالازم النظام بيتخربط وبتتبهدلين الين ما يتعودون ع نظامج مرة ثانية

هذا اذا ما تمردوا على النظام

من رايي

تاخذينهم معاج ويكملون دراستهم هناك

منها يكونون جدام عينج ومنها يكتسبون لغة

تأكدوا من هالسالفة في الوزارة والمنطقة

وموفقة

**طيرالسما** · 2009-04-05, 12:40

مشكوره - عاليه الغاليه - وبنت UAE -

لا لين شهر 12 وبيرد خلاص يعني في نص السنه... عسبت شي مب عارفه اقرر ....

***هابت ريح*** · 2009-04-05, 12:48

أنا راي من راي الأخت عالية الغالية

ودي معاج عيالج
ورتبي أمورهم الدراسية مع المنطقة ألا أربع شهور بتمون هناك

**SadTears** · 2009-04-05, 12:48

اختي

صلي استخاره واستخيري ربج ادرى بالغيب

**catcoota** · 2009-04-05, 12:54

انا اشوف انج تستخيرين والله بيسهل عليج ان شاءالله..

اتوقع انج بتيلسين 5 شهور تقريبا مع ريلج ف لوتكلمينه وتناقشون موضوع اليهال وشوبيصير فيهم وتقررون ع هالاساس علشان بس مايكون قرارج بروحج وقلبج يعورج ع عيالج.. اكيد ريلج ماقالج الا علشان محتاي وجودج معاه..

واذا متعودين ع يدتهم وعمامهم وخوالهم والخدامه بتكون معاهم ان شاءالله امورهم بتكون طيبه..

الله يسهل عليكم اموركم ان شاءالله

**طيرالسما** · 2009-04-05, 15:37

المشاركة الأصلية كتبت بواسطة *هابت ريح*

أنا راي من راي الأخت عالية الغالية

ودي معاج عيالج
ورتبي أمورهم الدراسية مع المنطقة ألا أربع شهور بتمون هناك

مشكوره اختي على الرد بس المسأله انه بتروح منهم نص السنه الدراسيه والتربيه نضامها مب مرن ما بيقدرون يكملون الفصل الثاني من دون عذر طبي... عن الغياب ( بيعتبرونه غياب عن الفصل الدراسي الاول )....وبعدني يالسه اسئل...... والحمد لله انا من البدايه مستخيره ربي وقول عسى ربي يجدم الي فيه الخير.

وتسلميلي.

**طيرالسما** · 2009-04-05, 15:43

المشاركة الأصلية كتبت بواسطة catcoota

انا اشوف انج تستخيرين والله بيسهل عليج ان شاءالله..

اتوقع انج بتيلسين 5 شهور تقريبا مع ريلج ف لوتكلمينه وتناقشون موضوع اليهال وشوبيصير فيهم وتقررون ع هالاساس علشان بس مايكون قرارج بروحج وقلبج يعورج ع عيالج.. اكيد ريلج ماقالج الا علشان محتاي وجودج معاه..

واذا متعودين ع يدتهم وعمامهم وخوالهم والخدامه بتكون معاهم ان شاءالله امورهم بتكون طيبه..

الله يسهل عليكم اموركم ان شاءالله

هلا اختي .... تين الصدق انا ما اسوي شي لا بشوره وعلمه وهو الحين عنده زحمة شغل وما اريد ازيدها عليه هو قالي يوقفون سنه ومتى ما نرد بيحطهم في معهد وبيستفيدون... والسنه اليايه يكملون السنه الي راحت عليهم.. وانا ما حبيت فكرة انهم يوقفون السنه لذلك اقترح انهم يرجعون لمدرسه.

**الذربة** · 2009-04-05, 16:05

لا يا أختي .. لا تخلون سنة كاملة تفوتهم عشان أربع شهور ..

خليهم بعد الإجازة يرجعون مدارسهم وايد أحسن ..

بس ما خبرتينا كم أعمار عيالج .. وهل في مجال يعتمدون على عمارهم ولا لأ ..

لأن لو بعدهم صغار إنتي بعد ارجعي معاهم .. عشان تهتمين فيهم .. وتكونين وياهم ..

كفاية أبوهم بعيد ... فلا تكونين إنتي بعد بعيدة عنهم هالأربع شهور ..

وصدقيني ما بتحسون بالوقت .. الأيام بتمر بسرعة .. وما بتوعون إلا وأبوكم عندكم في البيت إن شاء الله ..

**طيرالسما** · 2009-04-05, 18:02

هلا الذربه

مشكوره عى الرد الحلو..... عيالي السنه اليايه واحد بيكون في رابع والعود ان شالله سادس..

**توته حلوه** · 2009-04-06, 06:45

حرام اعيالج بعدهم اصغار يبونج وياهم وابوهم ما عليه شر وبردلكم بالسلامه ان شاء

**وردة ابلادي** · 2009-04-06, 07:38

والله يختيه احس ان الاحسن تناقشين مع الاهل ,,, صدقيني من خلالهم بتحسين بقرارج انج تيلسين هناك صح ولا غلط!!!

شاوريهم و شوفي وياهم.. وشكله ريلج صدق محتاجنج تيلسين فياه
وبالمره عيشوا شهور عسل بعيده عن حشرة العيال خخخخخ P;

**الجرح الدامي** · 2009-04-06, 08:37

المشاركة الأصلية كتبت بواسطة SadTears

اختي

صلي استخاره واستخيري ربج ادرى بالغيب

انا مع الاخت

**Dmoo3_el7ob** · 2009-04-06, 08:38

يمكن ريلج محتاجلج صح بس عيالج اهم الغالية بعدهم اطفال
تعرفين انا هديت ولدي وسرت الحج وكان عمره سنه و8 شهور فديته مرض وضعف وتغير وايد واختي هدت عيالها الكبير 15 سنة والبنت 9 سنين والله ان كل يوم يصيحون ونفسيتهم تعبت

الغالية ريلج ما عليه شر ان شاء الله وما بيتاثر كثر اليهال

هالكلام انا اقوله غن تجربة لان ريلي صارله شهور مسافر عنا وانحطيت في نفس الوضع بس بالنسبة لنا مصلحة اليهال ابدى

الله يوفقج

الموضوع: انا والغربه

أدوات الموضوع

عرض

انا والغربه

المزيد من آخر المواضيع من نفس القسم:

المواضيع المتشابهه

زهبتي للعرس والغربه

الجزء الثاني..من محتارة بين الوطن والغربه

محتارة بين الوطن والاهل والغربه