منو الغلطان ؟

**امونه وفطومه** · 2009-04-02, 21:41

السلام عليكم ورحمة الله وبركاته
أنا اليوم بحدثكم عن مشكله صارت معاي هذي السنه
حابه آخذ رايكم فيها ..

بداية قصتي بدت من أول ماانتقلت للمرحله الثانويه .. اتعرفت على صديقه لما كنت بالأول الثانوي وهي s كانت سنه حلوووه وايد ... كنت اشوف سعادتي معاها .. كنت سعيده بصداقتها جداً ..

حصل خلاف من بينا أدى الى انه نحن كل وحده فينا تروح لطريق في نفس السنه ( اول ثانوي ) لما ابيتعدنا عن بعض هي اتعرفت على هنتين وهم h و a . وأنا اتعرفت على k .

لكن بعدها رجعت علاقتي مع s مثل ماكانت .. يعني اتصالحنا .. ولما اتصالحنا انا يبت معاي k وهي يابت معاها h و a .

انتهت السنه وبدينا السنه اللي بعدها .. وكنا بأفضل مايمكن إزدادت علاقتي مع h وk ..
كانوا قراب مني جداً جداً .. وعدت هالسنه على خير أيضاً ..

السنه اللي بعدها .. صار بيني وبين h خلاف بسييط يعني دوم تصير معانا خلافات اكبر ولأن نحب بعض وايد نتنازل ونتسامح لكن هذي المره هي مارضت رغم اني كنت أمر بظروف صعبه جداً ومحتاجه شخص يوقف معاي .. ولليوم مب عارفه السبب الرئيسي اللي خلاها تنهي اللي بينا .. بس أنا بعدها بكم يوم عرفت من وحده ربيعتنا السبب وهي زلت لسانها ..
واليوم اللي بعده ياسبحان الله .. a كلمتني بطريقه ابداً موحلوه .. جدام بنات صفهم وقالت خلاص نحنا مابينا شي .. وانتهى كل شي ومن هالكلام .. والسبب أونه مابي أقوله .

ماكنت مهتمه وايد للموضوع .. k و s ماسمعوا الرمسه اللي تغث مع الأسلوب اللي كان وايد حلو .
المهم عدت الأيام وصارت مشادات شوي بين h مع a ضد k لانها كانت تكتب توبيكات حقهم وماعيبتهم ؟؟ توبيكات كانت قويه

وهي قالت انا كيفي كيفي هم مايخصهم ....الخ
على فكره h عقب كل اللي صار قالتلي مقلب ؟؟ مقلب يستمر شهور انا مادخل بعقلي
لو كان صدق جان من الاول قالت .. لما انا حاصرتها وماعرفت شو تقول طلعت العذر الاقبح من الذنب ..

المهم مرت الأيام ونحن عايشين بسعاده انا و s و a ..
انا كل هالوقت ساكته وماسويت فيهم شي .. مع انه هم يعرفون انهم غلطوا بحقي واااايد ..
يوم من الايام سجلت h بمنتدى اخوي وانا وايد كنت متضايجه منها لاني مصدومه منها مانصدمت وبس انصعقت ..

المهم انا كنت مرتاحه وحسيت انهم دخلوا بحياتي مره ثانيه .. وماحبيت هالشي .. أبداً أبداً
رحت وطرشت بنك k بدون ماتعرف رساله حق أخوي راعي المنتدى وقلتله أنه هذيل h و a فيهم شذوذ ولازم ينطردون من المنتدى ..

خبرت k باليوم الثاني .. وقالتلي غلط اللي سويتيه .. وبنت خالتها فهمتني معنى الكلمه واول ماعرفت معنى الكلمه رحت طرشت مره ثانيه من نك k حق اخوي رساله .. وقلتله لاتقرى الرساله اللي طرشتها قبل شوي لان اللي فيها جذب بجذب ومابي اظلم بنات الناس معاي ..
وانا خبرت k وماقالتلي شي عادي ..

انصدمت بالليل زقرني اخوي وقالي شو السالفه ؟؟
وعرفت انها مطرشه لاخوي وقايلته انه انا مطرشه بنكها له .. اتضايجت وايد من تصرفها هذي تعتبر طعنه بالظهر .. فهمت اخوي كل السالفه .. وانتهى الموضوع ؟؟

تفهم اخوي اني ماكنت اعرف معنى الكلمه .. على فكره اول ماعرفت معنى الكلمه حاولت اتطفل على لاب اخوي وامسح الرساله من عنده لكن ماقدرت ..

المهم اتصلت فيها وقالتلي انا ماطرشت بنت خالتي طرشت وهي كانت في بيتهم ؟؟
بعد ماروحت k بيتهم بنت خالتها اتصلت فيني وقالتلي .. تتوقعين انا بسوي هذا ؟؟
وقعددت تتمدح بعمرها وتحط كل اللوم على k .. وطلعت نفسها البريئه .. وقالتلي k هي الغلطانه وانا باجر بصلبها لج .. بس عندي طلب خلي اخوج يحضرني من المنتدى .. وقوليله انه انا جذابه ..
انا ومستحيل اسوي هالشي بس لانها اصرت قلتلها يصير خير

اليوم اللي بعده اجوفهم منزليين موضوع بالمنتدى وهي كاتبه طلعتنا جذابات ...والخ
يعني .. شو اقول بغتني اقول لاخوي عشان عقب تسوي مشاكل بيني وبينه ..
ولا و k كاتبه طحت من عيني ومن قلبي

المهم .. اتصلت وجفت بنت خالتها اتصارخ وتتكلم بطريقه فظييييعه اتقولون مب هي اللي امس كانت متصله .. وطلع نفسها ملاك ..
وكانت k اتكلمني بطريقه ابدا مب شي ..

قالتلي k خلاص خلينا نبدا صفحه يديده .. وطبعا طول الرمسه بنت خالتها اتصارخ وتقول ذليتينا سكري الموضوع مع انه انا سكرته وهم نزلوا الموضوع ..

قلت لk .. اكيك انا موافقه مستحيل الروح تعيش بدون روحها ..
وانا كنت اصيح
وانا اعترفت بغلطتي على فكره وقلت انه انا غلطت لما طرشت بنكج .. بس هي كانت اتروم تخبرني او اتقول ممكن اترمسين اخوج .. مب اتروح اطرشله من وراي ..
المهم تسكرت السالفه

لما داومنا .. عاملتني معامله حتى الحيوانات مايعاملونها جذي واستحملت ..
مر اليوم اللي بعده وانا غبت امي تعبت ورقدوها بالمستشفى رقدت معاها ..
ماتصلت ولا مره .. ولا سألت عني الا على أواخر الاسبوع سألت s عني .. في هالفتره h وa سالوا عني بالمسجات .. وبس

عقب مارجعت كنت ماخذه بخاطري لكني استحملت بعد .. عقبها يتلي h وقالتلي a قاعده اتقول انه انتي ترمسين عنا من ورانا ؟؟

اهني انصدمت ماصدقت ؟؟ ..
نفس اليوم جافتني من طرف عيني وقالتلي .. بتمشى معاهم ..
انا طنشت وكان عادي عندي .. بصراحه
عقبها اليوم اللي بعده .. بالليل طرشت مسجات h انه جوفي a شو قاعده اتطرش مسجات
من سب وتلعني وتلعنها...الخ

كلام وسخ بصراحه .. وانا كنت تعبانه راجعه من عند امي .. وكانوا بيسوونها عمليه ..
اليوم اللي بعده h يابتلي موبايلها وقالت عشان تتأكدين جوفي المسجات اللي طرشتهم

كل سب فيني ونشرت لك اسرااااااااااااااااااااااااااااري
وقالتلهم عن الشذوذ

سكتت ماقلت جذب ولاقلت صدق .. طنشت الموضوع .. باليوم اللي قبله كنت مرمستنها ع المسن وكانت ماترمسني عدل .. واللي عندي بالبيت قالو كيف ترضين حد يرمسج بهالطريقه مع الضغط الشديد رمستها بنفس اسلوبها اللي ابدا ماكان حلو ..وكنت اقول هذي k مايصير ارمسها جذي كانوا يقولون هي ماسوتلج اي اعتبار وقالت هذي (انا) مايصير ارمسها جذي

اليوم اللي راوووني فيه المسجات ..جفتها اتصيح بالفسحه رغم انها سوت كل هذا
فيني رحت عندها اقولها شو فييييج وشوي واصيح معاها .. تميت واقفه عندها واحاول افهم منها جفت h يايه من بعيد .

المهم كانت طابعه اخر محادثه بيني وبينها اتروايهم اياها بس انا ماكنت قايله شي عنهم .. وكنت واثقه من نفسي ..

...

باعت كل اللي بينا .. أذكر اني قلتلها ع المسن كلمتين ( قالولي انج ماتسويين شي بدوني تعرفين هالشي )

بس هي ليش ماسالت الناس ليش جذي قالو ..؟؟
لان والله الكل كان يقول انتي اللي تسوينه لها مافي شخص يسووي لها

اذكر ايام الامتحانات رسبت بالانجلش كنت ارمسها ع الفون وهي صاحت انا هناك مت يلست اصيح بس ماححسستها ..

مره اذكر كنت تعبانه حيييييييييل .. وعقبها هي كانت بدوام ونحن مخلصين المنهج داومت عسب خاطرها .. اذكر كنت قاعده بصفهم واحس روحي يالسه تطلع ابي اقولها واخاف عقب تتلوم بعمرها وتقول كله مني فكنت ع الساااااااايلنت لما رحت البيت حسيت نفسي بين الحياه والموت ..

انا مابقعد اقول شو اللي سويته حقها .. انا كنت اسوي كل شي وماكنت انتظر المقابل كان وجودها معاي يكفيني لكن ؟؟؟!!!!!

الكل قالي انه انتي ماكنتي مقصره بحقها وهي ليش طعنتج بالظهر .. والكل كان يقول ماكنا متوقعينها منها ؟؟ !!
واقص ايدي اذا في حد قالها نفس هالرمسه

جوفو منو اخطائه اكثر ..

وجوفو منو الغلطان .. ؟؟

اتريا رايكم بأحر من الجمـــــــــر

على فكره .. انا حاليا مع s ونحن بأحلى مايمكن والحمدللهـ ^.^ ..

المزيد من آخر المواضيع من نفس القسم:

**امونه وفطومه** · 2009-04-02, 22:01

للرفع

**اناستازيا** · 2009-04-02, 22:20

شو ها فزوره

بس من الغلطان انتي أدرى...ياقلبي ...والمسامح كريم

**دلوعه فزاع** · 2009-04-02, 22:40

الصراحه السالفه معقده بس الله يهدي اليميع ولاتحاتي حبوبه الدنيا ماتستاهل نزعل من بعض

**غرشوبة ال غرشوب** · 2009-04-03, 02:19

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

**ميروووه** · 2009-04-03, 09:46

الله ايهدي الامور امبينكم هاي المرحله هي من احلى المراحل ف عمرنا لا اتضيعونها ف الزعل والمشاكل .. حبوبه حطي في نفسج دوم انج بتسامحين وانج بطوفين لاي بنت اي زله او اي غلطه بيسونها فيج ..اتعرفين لييش؟ ما اتعرفين الايه اللي اتقول : (والكاظمين الغيظ والعافين عن الناس )
كثر ما تقدرين خلي قلبج ابيض وصافي وهب شاله على حد .. واللي ايغلط فيج قولي له الله ايسامحك وهب لازم تحتكين وياهن ..عقب كم سنه يوم بتظهرن من الثانويه بتحنين لها الايام وكل اللي فيها ..
الله ايسر لج امورج وايوفقج يارب

ميروووه

**Bahrainiya** · 2009-04-03, 10:57

..[ بسـْـم الله الرحمـَـن الرَحيـْـم ]~

~[ السـَـلآم عليكـُـم ورحمـَـة الله وبركـَـآته ]..

/ / /

، ؛ ، الصراحة السالفة معقدة وطوييلة ^^" ولأنها بالرموز ماقدرت أفهم عدل

فمادري شقوول

بس انا اشوفه انه ابدا ماله داعي توصل علاقتج برفيجة لهالدرجة لدرجة انج تصيحين ومادري شنو وتكلمج باساليب زفتة وانتي عادي جذي تستغلج زود

مهما كان لازم تكونين قوية واللي يعاملج باسلوب زفت ماقولج صيري مثلها وعامليلها بهالاسلوب بس توقفينها عند حدها

ألاحظ هالسالفة وايد في بنات المدارس هالأيام؟؟ لازم وحدة ترتبط برفيجتها ارتباط قوووي وكل ماصارت مشكلة توصل للصياح والتعب ومن الصوب الثاني الرفيجة تستقوى وتستغل الوضع وعاد تعالي شوفي الأساليب والمذلة

خلج قوية ترى الدنيا ماتسوى وبتكبرين وبتعرفين اللي مايقدرج ولا يحترمج لا تعطينه اهتمام وتركضين وراه ، ؛ ،

/ / /

{ يحفـَـظكـُـم الله ويرعـَـآكـُـم ،،

،، مـــعَ الســّــلآمــة }

**رمشة حنان** · 2009-04-03, 10:28

معقوله في ناس جذي

**رمشة حنان** · 2009-04-03, 10:30

.....................

**رمشة حنان** · 2009-04-03, 10:34

...............................

**رمشة حنان** · 2009-04-03, 10:37

..................ز

**امونه وفطومه** · 2009-04-03, 11:51

تسلمون ع المرور

بس تعرفون المشكله اذا الشخص غلطان ومااعتذرر

كيف بتسامحينه ؟؟

اذا هو مايه واعترف بغلطته

وحق اللي مافهمو السالفه يالمختصر

هنتين من ربيعاتي غلطوا بحقي وماصححوا غلطهم

وانا بعدها غلطت بحقي لانهم غلطوا بحقي وصصححت غلطتي

اما ربيعتي المقربه خانتني معاهم وراحت قالتلهم كل اسراري

وكل شي كنت اقوله عنهم .. ونست عمرها انها هي كانت عامل اساسي عشان اكرهم

..

**رمشة حنان** · 2009-04-03, 16:23

الله يكون في عونج اختي

**رمــيثيــه** · 2009-04-03, 17:12

انصادف ناس وايد ف حياتنا وانحس انهم اقراب وايد منا ونعطيهم كل اسرارنا ونبوح لهم بكل ما في صدورنا وفجأه نكتشف انهم خانوا الآمانه.. تستوي وايد .. تحملي مره ثانيه اتأمنين لاي وحده وخلي اسرارج ف نفس احسلج لانه الزمن تغير وما شي انسان ممكن نأتمنه ..واللي غلطوا ف حقج سوي لهم طاف ولا اتمين يالسه واتريين اعتذار حد عيشي حياتج عادي .. الدنيا ما بتوقف برضاهن عنج والسموحه

**رمشة حنان** · 2009-04-04, 20:52

صدقج والله

الموضوع: منو الغلطان ؟

أدوات الموضوع

عرض

العرض المتطور

منو الغلطان ؟

المزيد من آخر المواضيع من نفس القسم:

المواضيع المتشابهه

من الغلطان

:( من الغلطان

من الغلطان !!

منو الغلطان انا ولا هي.....؟؟؟