طيارة تايلند

**حراير الود** · 2009-04-02, 19:24

أنا إنشاء الله بسافر إستراليا وبانكوك على طيران التايلندي للي عندها خبره إتكولي كيف بتكون الرحلة على الطيران التايلندي وللي عندها خبرة في أسواق تايلند إتكولي ترى الناس وايد خوفوني بشأن الطيارة التايلندية وأبغي أسعار المطاعم في أستراليا بالضبط منطقة ( كولد ) ..............

المزيد من آخر المواضيع من نفس القسم:

**ثمرة القرآن** · 2009-04-03, 01:36

امممممممممم ما انصحج بطيران تايلند الامارات احسن لج
صح الطيران التايلندي ارخص بس يقولون مب اوكي

وعن الاسواق تحت الفنادق كله محلات (( صنادق)) وعندج المولات مالهم طوكيو وMBK ومركز روبنسون وكارفور والسوق الليلي وسوق الاحد كل احد بس يفتح ونسيت الباقين

طوكيو وMBK لاصقين ببعض فجأة بتحسين بنفسج دخلتي المركز الثاني واحنا رحنا لهم بالقطار لان اسرع ..

روبنسون رحنا له مشي لان قريب شوي من فندقنا (( بحي العرب ))

والسوق الليلي ولا مرة رحت له ^^

وعن استراليا ما اعرف شي اسمحيلي الغلا

واي سؤال بخاطرج لا تترددين نحن بالخدمة ^^

رحلة سعيدة ان شاء الله

**الشوووخ** · 2009-04-03, 03:54

الغالية توكلي على الله ولا تخافين أنا مسافرة كمن مرة على الطيران التايلندي ومن أسبوعين رادة من استراليا وكنت مسافرة على طيران الإتحاد والتايلندي والله إنه التايلندي أريح وأوسع من الإمارات والإتحاد ...
وعن أسعار المطاعم اللي في الجولد كوست أسعارها عادية ...
في فندق الهوليدي إن في سيد المحلات بتلقين محل اسمه لاوند يبيع الدياي المذبوح حلال والروب وأشياء وايد ... وفي البرادايس في مطاعم لبنانيه تبيع الشوارما والبيتزا ...

**ام الحلوين2** · 2009-04-03, 09:39

الطيران التايلندي مريح وخدمتهم زينه ، بس مشكلتهم طياراتهم من الطراز القديم ، ولا فيهن شاشات لكل راكب ، يعني بتحسين بالملل في الرحله ، وإذا كان الطيران ليلي طفوا الليتات بعد مايخلصون الناس أكل ، ورفعوا الشاشات المشتركه بين الركاب ، وارقدي ، طيب وإلي ما فيه نوم شو يسوي .
هذا شعوري يوم سافرت عليه أستراليا.

**عيونك دنيتي** · 2009-04-03, 14:08

انا مسافره ع التايلنديه مرتين وااايد حلوة ومريحة وخدمتهم حلوه والمضيفين شرحيين وبشوشين.. من رايي انا اشوفها احسن عن طيران الامارات.. وبالعكس كل شخص له شاشته الخاصه

وبالتوفيق حبوبة

**حراير الود** · 2009-04-03, 15:51

مشكورين على الرد ريحتوني

**الناجحه** · 2009-04-03, 17:51

هلا اختي

انا سافرت ع الطيران التايلندي من جزيرة بوكت لــ بانكوك بس الصراحه حلووه و مريحه و تقريبا مشاااابهه جدا لطيران الامارات بس الفرق الوحيد انه ما فيها TV بس فيها شاشات لعرض الكاميرا الخارجيه من الطياره يعني تشوفين الاجواء الخارجيه من خلالها ...

اما عن الاسواق :

باتونام

تشوتشاك

نايت بازار

سيام سنتر وسيام ديسكفرى وجارسون

فندق بايوك سكاي) 5 او 6 ادوار كله ملابس ورخيص جدا جدا

نايت يازار (باتونق

وفيه سوق او شارع اسمه شانقرلا ويوجد هناك فندق اسمه شانقريلا مقابل الفندق هذا يوجد محلات لبيع الساعات
الثمينه جدا ( رولكس. كونكورد. شوبارد. ديور. و.و.و.و.و.و.) طبعا تقليد بس شي متعوب عليه
والله الله بالمكاسر

اسواااقهم حلووووه وايد و انصحج تسكنين ف حي العرب لان المطاعم فيها عربيه و كلهاااا حلال ...

اما عن استراليا فاسمحيلي ماسافرت لها و ماعرف عنها شي ...

**مبروكين** · 2009-04-03, 22:44

انا سافرت عالطيران التايلندي
بس من الامارات لتايلند
اوكي حتى الطيار كان وايد شاطر بس بالنسبة لاستراليا ماعرف

**الطموحهـ** · 2009-04-03, 23:01

أنا رحت بالطيران التايلندي درجة البزنس والله رووووعه و مريحه...والسموووحهـ

**بدر0البدور** · 2009-04-03, 23:33

بالتوفيق الغالية

**ثمرة القرآن** · 2009-04-04, 01:51

للرفـــــــــــــــع

**سيدة حب راك** · 2009-04-04, 02:38

مرحبا الغاليه
نحن مرتين سافرنا على التايلنديه وايد اوكي ومريحه بس مثل ما قالوا لج الاخوات ما فيها شاشات وخاصه من تخلصين الاكل رفعوا شاشات الخرايط وطفوا الليت يعني شوفي طيران ثاني على شان رحلتكم وايد طويله

وعن الاسواق وايد مراكز عندج براتونام وبلاتونام وايد حلوات البضايع اللي فيه ورخيصه وعندج طوكيو وام بي كي نفس المركز وبعد باتونام في منطقة باتونام وعن الاسواق الليليه عندج سلوم بازار وايد روووووعه كل شي فيه يفتح الساعه 5 العصر ويسكر الساعه2وعندج بعد سوق بانج بونج الليلي كل شي تقليد عندهم واشياء رووووووووووووعه

**بينك** · 2009-04-04, 12:57

المشاركة الأصلية كتبت بواسطة الطموحهـ

أنا رحت بالطيران التايلندي درجة البزنس والله رووووعه و مريحه...والسموووحهـ

ME 2 +_*

**بينك** · 2009-04-04, 13:00

و نسيت أخبرج عندهم سوبرماركت كبير اسمه BIG C شرااات كرفووور وايد حلو بتحصلين عندهم تيشيرتات وااايد حلوه و بجايم و اكسسوارات

الموضوع: طيارة تايلند

أدوات الموضوع

عرض

طيارة تايلند

المزيد من آخر المواضيع من نفس القسم:

المواضيع المتشابهه

لعبة طيارة المنتدى

طيارة تدعم عمود

تايلند - تايلند - تايلند / خبيراتها حياااكن !!

تايلند - تايلند - تايلند / خبيراتها حياااكن !!

طيارة ريموت